Hechos 16:2 - Mixteco del suroeste de Tlaxiaco Oaxaca

² Rá ñaniꞌ ñuunꞌ Listra jín Iconio, ya̱ kúneí iniꞌ ráa Jesús, nkaꞌanꞌ va̱ꞌa ráa jie̱ꞌe̱ꞌ re̱ꞌ.

Hechos 16:2 ပူးပေါင်းရင်းမြစ်များ

Hechos 1:15

Rá ki̱vɨ̱ꞌ yukuán, nku̱tútú yatin sientúꞌ o̱ko̱ꞌ (120) ñɨvɨ yukuán. Jee nnakui̱ñɨ̱ꞌ nichiꞌ Pedro nteñu rá ñanitáꞌán vá, jee nkachiꞌ‑i nu̱u̱nꞌ ráa:

Hechos 13:51

Soo nkisɨ ráa ti̱ka̱cha̱a̱ꞌ jie̱ꞌe̱ꞌ ráa, sáva túvi ya̱ íyó si̱kɨ̱ꞌ rá ñɨvɨ ñuunꞌ vá nu̱u̱nꞌ Ndiosíꞌ. Jee kua̱ꞌa̱nꞌ ráa ñuunꞌ Iconio.

Hechos 14:1

Jee sukuán nkuvi ñuunꞌ Iconio, jee nki̱vɨ nkáá Pablo jín Bernabé veꞌi sinagoga nu̱u̱nꞌ kútútú rá ñɨvɨ Israel súkuáꞌa ráa Tu̱ꞌun Ndiosíꞌ. Jee va̱ꞌa túníꞌ nkaꞌanꞌ ráa tu̱ꞌun jie̱ꞌe̱ꞌ Jesús, ya̱ ni̱nu̱ꞌ iniꞌ kue̱ꞌe̱ꞌ víꞌí rá ñɨvɨ Israel jín suni rá ñɨvɨ ntu kúvi Israel.

Hechos 14:21

Nste̱kútu̱ꞌún ráa tu̱ꞌun váꞌa nu̱u̱nꞌ rá ñɨvɨ ñuunꞌ vá, jee kue̱ꞌe̱ꞌ ñɨvɨ ntɨɨn ichi Jesús. Jee kuíre nni̱kó ráa ñuunꞌ Listra, jín ñuunꞌ Iconio, jín ñuunꞌ Antioquía.

Hechos 14:6

Sáá nku̱káꞌnú iniꞌ Pablo jín Bernabé maa, jee nka̱ku ráa kua̱ꞌa̱nꞌ ráa nu̱u̱nꞌ rá ñuunꞌ Listra jín Derbe sánitɨ́ɨn Licaonia jín nu̱u̱nꞌ rá kuaríáꞌ káá yatin jín‑i.

Hechos 16:40

Sáá nkene Pablo jín Silas veka̱a, jee ña̱ꞌa̱nꞌ ráa veꞌi Lidia. Sáá ni̱yo tútú ráa jín rá ñaniꞌ jín rá ku̱ꞌva yɨ́ꞌɨ́ ñujiínꞌ Jesús, jee nna̱sáneí ráa iniꞌ rává. Jee nkene ráa ñuunꞌ.

Hechos 6:3

Saájee, ránoꞌó ñaniꞌ, ka̱ji rán u̱xa̱ꞌ te̱e nteñu rán, ya̱ jíníꞌ nɨꞌɨ rán, ya̱ kúneí Ta̱chi̱ꞌ Ííꞌ Ndiosíꞌ jín ráa, jee ya̱ kúvi ráa te̱e ñúꞌún kájí iniꞌ ráa. Jee kani ráníꞌ ráa, sáva saꞌá ráa tiñu yaꞌá.

Filipenses 2:22

Soo jíníꞌ rán, sáá jiáꞌnu va̱ꞌa Timoteo, chi nsa̱tíñú re̱ꞌ jín ni̱ꞌ, sáva kueꞌnu tu̱ꞌun váꞌa Jesús, kuéntáꞌ ɨɨn se̱ꞌya sátíñú jín tátáꞌ re̱ꞌ.

1 Timoteo 3:7

Jee suni íyó kueꞌnu na̱a̱ꞌ re̱ꞌ, sáva rá inka ñɨvɨ, ya̱ ntu kúneí iniꞌ ráa Cristo, kuva̱ꞌa iniꞌ ráa kune̱ꞌyá ráa re̱ꞌ. Jee sáva nnániꞌinꞌ ráa kaꞌanꞌ u̱ꞌvi̱ꞌ ráa si̱kɨ̱ꞌ re̱ꞌ. Jee sáva nkíninkava re̱ꞌ nu̱u̱nꞌ máñáꞌ kui̱ꞌna̱ꞌ kúñáꞌnú.

1 Timoteo 5:10

jee retú túvi ya̱ váꞌa sáꞌá ña nu̱u̱nꞌ inka ñɨvɨ, jee retú nsi̱kuéꞌnu va̱ꞌa ña se̱ꞌya ña, jee retú ni̱yo ma̱ni̱ꞌ iniꞌ ña, ya̱ njia̱ꞌa ña ntíꞌ veꞌi ña kino̱o ñɨvɨ jíka ichi, jee retú nsa̱ꞌá ña tiñu suꞌva, sáva kootiñu ña nu̱u̱nꞌ rá ñɨvɨ yɨ́ꞌɨ́ nu̱u̱nꞌ Cristo, sú tiñu láꞌví ví‑i ya̱ nna̱kete ña jie̱ꞌe̱ꞌ ráa, jee retú nchi̱neí ña rá ñɨvɨ nóꞌo, jee retú nyɨ̱tíñú ña nsa̱ꞌá ña nta̱ká nu̱u̱nꞌ ya̱ váꞌa.

1 Timoteo 5:25

Suni sukuán kájíkuitɨꞌ túvi ya̱ váꞌa sáꞌá ñɨvɨ. Jee rá inka ya̱ ntu túvi suꞌva, ntu kúvi koo yuꞌuꞌ‑u.

2 Timoteo 3:11

Jee jíníꞌ nú na̱sa nito u̱ꞌvi̱ꞌ ñɨvɨ nuꞌuꞌ, jín rá tu̱nóꞌó nóꞌo ni̱ꞌ, sánikua̱ꞌ nkuvi jín nuꞌuꞌ rá ñuunꞌ Antioquía, Iconio jín Listra. Jee ñeꞌneꞌ iniꞌ ni̱ꞌ rá tu̱nóꞌó vá ya̱ nito u̱ꞌvi̱ꞌ ráa nuꞌuꞌ yukuán, soo I̱toꞌoꞌ‑ó nsi̱káku nuꞌuꞌ nu̱u̱nꞌ nɨꞌɨ ya̱ nnoꞌo ni̱ꞌ yukuán.

2 Timoteo 3:15

Chi ne̱ sáá lúlí nú, jee ya jíníꞌ nú Tu̱ꞌun Ndiosíꞌ níso nu̱u̱nꞌ Tutuꞌ Ííꞌ. Jee suvivá kuvi saꞌá‑a ya̱ kuꞌun kájí xi̱ni̱ꞌ nú na̱sa ki̱vɨ nú nu̱u̱nꞌ natavaꞌ Ndiosíꞌ yó nu̱u̱nꞌ kua̱chi‑ó nanitáꞌvíꞌ‑ó, jie̱ꞌe̱ꞌ ya̱ kuneí iniꞌ‑ó Cristo Jesús.

Hebreos 11:2

Chi jie̱ꞌe̱ꞌ ya̱ nínuꞌ iniꞌ rá jííꞌ‑ó yanaꞌán nku̱neí iniꞌ ráa Ndiosíꞌ jee saáva nna̱kuetúꞌún Ndiosíꞌ jie̱ꞌe̱ꞌ ráa.