Hechos 15:4 - Mixteco del suroeste de Tlaxiaco Oaxaca

⁴ Sáá nkenta Pablo jín Bernabé ñuunꞌ Jerusalén, jee rá ñɨvɨ yukuán ya̱ kúneí iniꞌ ráa Jesús, jín rá te̱e nísotíñú apóstol, jín rá te̱e kúñáꞌnú nu̱u̱nꞌ ráa nna̱kuatáꞌví rává Pablo jín rá kútáꞌán jín re̱ꞌ. Jee nna̱kani Pablo jín Bernabé nɨꞌɨ ya̱ nsa̱ꞌá Ndiosíꞌ jín ráa.

Hechos 15:4 ပူးပေါင်းရင်းမြစ်များ

Mateo 10:40

’Jee ɨɨn ñɨvɨ ya̱ íyó maniꞌ iniꞌ‑i nákuatáꞌví‑i ránoꞌó jee suni íyó maniꞌ iniꞌ‑i nakuatáꞌví‑i nuꞌuꞌ ranika̱ꞌ. Jee ñɨvɨ ya̱ íyó maniꞌ iniꞌ‑i nakuatáꞌví‑i nuꞌuꞌ jee íyó maniꞌ iniꞌ‑i nákuatáꞌví‑i Ndiosíꞌ ranika̱ꞌ ya̱ nchu̱ichí nuꞌuꞌ va̱ji ni̱ꞌ.

Hechos 11:30

Jee sukuán nsa̱ꞌá ráa. Jee nta̱jí ráa maa jín Bernabé jín Saulo nu̱u̱nꞌ ñuunꞌ Judea. Jee yukuán njia̱ꞌa ráa maa nu̱u̱nꞌ rá te̱e kúñáꞌnú nu̱u̱nꞌ rá ñɨvɨ yɨ́ꞌɨ́ nu̱u̱nꞌ Jesús.

Hechos 14:27

Sáá nnenta i̱i̱ꞌ ráa Antioquía, jee nstútú ráa rá ñɨvɨ ya̱ kúneí iniꞌ rává Jesús. Jee nna̱kani ráa rá nsa̱ꞌá Ndiosíꞌ jín ráa. Jee nna̱kani ráa ya̱ kuéntáꞌ nine Ndiosíꞌ ɨɨn yuvéꞌí, sáva ki̱vɨ rá ñɨvɨ ntu kúvi Israel nu̱u̱nꞌ Ndiosíꞌ, chi suni kúneí iniꞌ ráa Jesús.

Hechos 15:12

Níín nkuvi rá ñɨvɨ nku̱tútú, jee nteso̱ꞌo ráa ni nna̱kani Bernabé jín Pablo rá seña jín rá a̱nasɨ́ nsa̱ꞌá Ndiosíꞌ jín ráa nteñu rá ñɨvɨ ntu kúvi Israel, sáva kuniꞌ rá ñɨvɨ ya̱ íyó na̱a̱ꞌ tu̱ꞌun káchíꞌ ráa.

Hechos 15:2

Jee ntu̱né nkúnuún iniꞌ Pablo jín Bernabé jín ráa. Jee nka̱ntáꞌán túꞌun víꞌí ráa. Saáva rá ñanitáꞌán ñani ráa Bernabé jín Pablo jín inka rá ñɨvɨ yukuán, jee nta̱jí ráa rává kua̱ꞌa̱nꞌ nu̱u̱nꞌ ñuunꞌ Jerusalén, sáva natúꞌún rává jín rá nísotíñú apóstol jín rá te̱e kúñáꞌnú jie̱ꞌe̱ꞌ tiñu yaꞌá.

Hechos 15:22

I̱ña̱jée rá te̱e nísotíñú ráa apóstol jín rá te̱e kúñáꞌnú jín ntáká rá inka rá ñɨvɨ kúneí iniꞌ ráa Jesús, jee nkuna̱a̱ꞌ iniꞌ ráa ya̱ ka̱ji ráa rá te̱e nteñu ráa, ya̱ tají ráa kɨ̱ꞌɨ̱nꞌ nu̱u̱nꞌ ñuunꞌ Antioquía jín Pablo jín Bernabé. Nka̱ji ráa Judas, ya̱ naní Barsabás, jín ɨɨn te̱e naní Silas. Kúvi ráa u̱vi̱ꞌ rá te̱e kúñáꞌnú nteñu rá ñaniꞌ.

Hechos 15:3

I̱ña̱jée rá ñɨvɨ ya̱ kúneí iniꞌ ráa Jesús nna̱chuichí ráa Pablo jín Bernabé. Ni ya̱ kua̱jia̱ꞌa rává Fenicia jín Samaria, jee yukuán nna̱kani rává nu̱u̱nꞌ rá ñanitáꞌán kúneí iniꞌ ráa Jesús, tu̱ꞌun jie̱ꞌe̱ꞌ rá ñɨvɨ ntu kúvi Israel nna̱kani iniꞌ ráa ñujiínꞌ íñɨ́ ráa jee nki̱vɨ ráa nu̱u̱nꞌ Ndiosíꞌ. Jee tu̱ꞌun yaꞌá nsa̱ꞌá‑a ya̱ nku̱sɨ̱ɨ̱ꞌ xá iniꞌ rává.

Hechos 15:6

Jee nku̱tútú rá te̱e níso ráa tiñu apóstol jín rá te̱e kúñáꞌnú, sáva kuna̱a̱ꞌ iniꞌ ráa tiñu yaꞌá.

Hechos 16:4

I̱ña̱jée sáá njia̱ꞌa ráa rá ñuunꞌ yukuán, nna̱ku̱ꞌva ráa tu̱ꞌun nu̱u̱nꞌ rá ñɨvɨ ya̱ kúneí iniꞌ ráa Jesús, ya̱ nkuna̱a̱ꞌ iniꞌ rá te̱e nísotíñú apóstol jín rá te̱e kúñáꞌnú nééꞌ Jerusalén, jín ya̱ nta̱túníꞌ rává sáva sikúnkuvi rá ñɨvɨ maa.

Hechos 18:27

Sáá káꞌvi iniꞌ‑i kɨ̱ꞌɨ̱nꞌ‑ɨ Acaya, jee rá ñaniꞌ ya̱ kúneí iniꞌ ráa Jesús, nna̱sáneí ráa iniꞌ‑i. Jee ntee ráa nu̱u̱nꞌ tutuꞌ nu̱u̱nꞌ rá ñɨvɨ yukuán, ya̱ níkɨ́nꞌ ñujiínꞌ Jesús, sáva nakuatáꞌví ráa re̱ꞌ sáá kantaꞌ re̱ꞌ yukuán. Sáá nkenta‑a yukuán, jee nchi̱neí víꞌí‑i rá ñɨvɨ jínúꞌ iniꞌ tu̱ꞌun Jesús chi íyó mániꞌ iniꞌ Ndiosíꞌ néꞌyá‑a ráa.

Hechos 21:17

Sáá nkenta ránꞌ ñuunꞌ Jerusalén, rá ñaniꞌ yɨ́ꞌɨ́ nu̱u̱nꞌ Jesús, jee nku̱sɨ̱ɨ̱ꞌ iniꞌ ráa nne̱ꞌyá ráa ránuꞌuꞌ.

Hechos 21:19

Jee sáá njia̱ꞌa Pablo tóniiꞌ nu̱u̱nꞌ ráa, jee nna̱kani re̱ꞌ ta ɨɨn rá tiñu nsa̱ꞌá Ndiosíꞌ, sáá nsa̱ꞌá re̱ꞌ tiñu nteñu rá ñɨvɨ ntu kúvi Israel.

Romanos 15:18

Chi ntu kíji iniꞌ ni̱ꞌ kaꞌanꞌ ni̱ꞌ jie̱ꞌe̱ꞌ ni ɨɨn tiñu jie̱ꞌe̱ꞌ nuꞌuꞌ, chisaꞌ kua̱chi káꞌánꞌ ni̱ꞌ jie̱ꞌe̱ꞌ ya̱ nsa̱ꞌá Cristo jín nuꞌuꞌ, ya̱ ña̱tíñú re̱ꞌ nuꞌuꞌ sáva kaníjiá rá ñɨvɨ ya̱ ntu kúvi ñɨvɨ Israel tɨɨn ráa tu̱ꞌun re̱ꞌ, jie̱ꞌe̱ꞌ ya̱ káꞌánꞌ ni̱ꞌ jie̱ꞌe̱ꞌ rá tu̱ꞌun ntaji re̱ꞌ sákachiꞌ ni̱ꞌ jín jie̱ꞌe̱ꞌ rá tiñu ntaji re̱ꞌ saꞌá ni̱ꞌ,

Romanos 15:7

Jee saáva íyó koo ma̱ni̱ꞌ iniꞌ rán nu̱u̱nꞌ ɨɨn inka táꞌán rán, sánikua̱ꞌ suni ni̱yo ma̱ni̱ꞌ iniꞌ Cristo nu̱u̱nꞌ‑ó. Jee retú sáꞌá rán sukuán kene ya̱ túvi ya̱ viiꞌ nasɨ́kuitɨꞌ kúñáꞌnú Ndiosíꞌ.

1 Corintios 15:10

Soo jie̱ꞌe̱ꞌ ni ka̱ꞌ ya̱ níyo ma̱ni̱ꞌ iniꞌ Ndiosíꞌ nku̱náꞌví iniꞌ re̱ꞌ nuꞌuꞌ, saáva nsi̱kútaꞌviꞌ re̱ꞌ nu̱u̱nꞌ ni̱ꞌ ya̱ kúvi ni̱ꞌ apóstol nchu̱ichí re̱ꞌ jín tiñu níso ni̱ꞌ vitan. Jee nsáꞌ ka̱ꞌá níyo ma̱ni̱ꞌ iniꞌ Ndiosíꞌ néꞌyá re̱ꞌ nuꞌuꞌ ya̱ nka̱ji re̱ꞌ nuꞌuꞌ saꞌá ni̱ꞌ tiñu re̱ꞌ, chi saꞌ víꞌí ka̱ꞌ nsa̱tíñú yɨ́ɨ́ ni̱ꞌ nu̱u̱nꞌ re̱ꞌ nsú káꞌ ntáká rá inka ka̱ꞌ te̱e kúvi apóstol. Soo nsú nuꞌuꞌ ví ya̱ sáꞌá tiñu vá, chisaꞌ Ndiosíꞌ ví ya̱ chíneí chítuvi re̱ꞌ nuꞌuꞌ jín tiñu sáꞌá ni̱ꞌ.

2 Corintios 5:19

Chi jie̱ꞌe̱ꞌ ya̱ nsa̱ꞌá Cristo, nsa̱ꞌá Ndiosíꞌ ya̱ kúvi númániꞌ rá ñɨvɨ ñɨ̱vɨ́ jín re̱ꞌ. Jee ntu̱ví nnásikúniꞌi re̱ꞌ si̱kɨ̱ꞌ ráa rá kua̱chi nsa̱ꞌá ráa ya̱ njia̱ꞌa ráa nu̱u̱nꞌ ya̱ nta̱túníꞌ re̱ꞌ. Jee nte̱tíñú re̱ꞌ ránuꞌuꞌ ya̱ káchítu̱ꞌún ráníꞌ tu̱ꞌun re̱ꞌ jie̱ꞌe̱ꞌ ya̱ kúvi numa̱ni̱ꞌ re̱ꞌ jín rá ñɨvɨ.

2 Corintios 6:1

Jee saáva ránuꞌuꞌ, táꞌán sátíñú kúvi ránꞌ jín Ndiosíꞌ, jee jíkánꞌ táꞌvíꞌ ránꞌ nu̱u̱nꞌ ránoꞌó ya̱ koto níꞌínꞌ ka̱ꞌá rán ya̱ ma̱ni̱ꞌ iniꞌ Ndiosíꞌ néꞌyá re̱ꞌ ránoꞌó.

Colosenses 4:10

Aristarco, ya̱ táꞌán yɨ́ꞌɨ́ jín ni̱ꞌ veka̱a ví re̱ꞌ, jee tájí re̱ꞌ tu̱ꞌun jíkátu̱ꞌún re̱ꞌ jie̱ꞌe̱ꞌ ránoꞌó. Jee suni Marcos ranika̱ꞌ, ya̱ kúvi re̱ꞌ primo Bernabé. Jee ya nni̱ꞌi̱nꞌ rán tu̱ꞌun jie̱ꞌe̱ꞌ Marcos, ya̱ nta̱túníꞌ ni̱ꞌ nu̱u̱nꞌ rán, ya̱ nakuatáꞌví rán re̱ꞌ retú kua̱jiaaꞌ re̱ꞌ nu̱u̱nꞌ nééꞌ rán.

2 Juan 1:10

Jee retú néni ɨɨn ñɨvɨ va̱ji nu̱u̱nꞌ rán, jee retú nsú tu̱ꞌun yaꞌá va̱ji‑i xinéꞌénꞌ‑e, jee koto jiáꞌa rán ntíꞌ veꞌi kino̱o ñɨvɨ vá, jee ni koto nákuatáꞌví rán ráa.