Hechos 15:3 - Mixteco del suroeste de Tlaxiaco Oaxaca

³ I̱ña̱jée rá ñɨvɨ ya̱ kúneí iniꞌ ráa Jesús nna̱chuichí ráa Pablo jín Bernabé. Ni ya̱ kua̱jia̱ꞌa rává Fenicia jín Samaria, jee yukuán nna̱kani rává nu̱u̱nꞌ rá ñanitáꞌán kúneí iniꞌ ráa Jesús, tu̱ꞌun jie̱ꞌe̱ꞌ rá ñɨvɨ ntu kúvi Israel nna̱kani iniꞌ ráa ñujiínꞌ íñɨ́ ráa jee nki̱vɨ ráa nu̱u̱nꞌ Ndiosíꞌ. Jee tu̱ꞌun yaꞌá nsa̱ꞌá‑a ya̱ nku̱sɨ̱ɨ̱ꞌ xá iniꞌ rává.

Hechos 15:3 ပူးပေါင်းရင်းမြစ်များ

Lucas 15:32

Soo jíniñúꞌún ya̱ saꞌá viko yaꞌá vitan jee nusɨ̱ɨ̱ꞌ iniꞌ‑ó, chi ñaniꞌ nú yaꞌá kuéntáꞌ níꞌiꞌ‑i, jee nna̱tekuꞌ‑u, chi nsu̱kuíta ni̱ꞌ maa, jee vitan nna̱niꞌinꞌ ni̱ꞌ maa”, nkachiꞌ tátáꞌ‑a ―nkachiꞌ Jesús.

Hechos 1:15

Rá ki̱vɨ̱ꞌ yukuán, nku̱tútú yatin sientúꞌ o̱ko̱ꞌ (120) ñɨvɨ yukuán. Jee nnakui̱ñɨ̱ꞌ nichiꞌ Pedro nteñu rá ñanitáꞌán vá, jee nkachiꞌ‑i nu̱u̱nꞌ ráa:

Hechos 13:48

Sáá nteso̱ꞌo rá ñɨvɨ ntu kúvi Israel yaꞌá, jee nku̱sɨ̱ɨ̱ꞌ iniꞌ ráa, jee nna̱kuetúꞌún ráa jie̱ꞌe̱ꞌ tu̱ꞌun I̱toꞌoꞌ‑ó. Jee ni̱nu̱ꞌ iniꞌ nɨꞌɨ ñɨvɨ na̱kua̱ꞌ nka̱ji Ndiosíꞌ ta ɨɨn kutekuꞌ‑u nɨ́ɨ́nkání jín re̱ꞌ.

Hechos 13:52

Jee rá ñɨvɨ ya̱ yɨ́ꞌɨ́ ráa nu̱u̱nꞌ Jesús kúsɨ́ɨꞌ iniꞌ ráa, jee ñúchitú Ta̱chi̱ꞌ Ííꞌ Ndiosíꞌ ráa.

Hechos 14:27

Sáá nnenta i̱i̱ꞌ ráa Antioquía, jee nstútú ráa rá ñɨvɨ ya̱ kúneí iniꞌ rává Jesús. Jee nna̱kani ráa rá nsa̱ꞌá Ndiosíꞌ jín ráa. Jee nna̱kani ráa ya̱ kuéntáꞌ nine Ndiosíꞌ ɨɨn yuvéꞌí, sáva ki̱vɨ rá ñɨvɨ ntu kúvi Israel nu̱u̱nꞌ Ndiosíꞌ, chi suni kúneí iniꞌ ráa Jesús.

Hechos 15:1

Kéꞌín rá te̱e va̱ji ne̱ Judea jee ntiaaꞌ ráa Antioquía. Jee xínéꞌénꞌ ráa rá ñaniꞌ kúneí iniꞌ Jesús ya̱: “Nsáꞌ nánitáꞌvíꞌ rán, ré ntu sáꞌá circuncidar rán maárán sánikua̱ꞌ ñujiínꞌ njiáꞌa nu̱u̱nꞌ Moisés ñakɨnꞌ re̱ꞌ.”

Hechos 15:12

Níín nkuvi rá ñɨvɨ nku̱tútú, jee nteso̱ꞌo ráa ni nna̱kani Bernabé jín Pablo rá seña jín rá a̱nasɨ́ nsa̱ꞌá Ndiosíꞌ jín ráa nteñu rá ñɨvɨ ntu kúvi Israel, sáva kuniꞌ rá ñɨvɨ ya̱ íyó na̱a̱ꞌ tu̱ꞌun káchíꞌ ráa.

Hechos 15:22

I̱ña̱jée rá te̱e nísotíñú ráa apóstol jín rá te̱e kúñáꞌnú jín ntáká rá inka rá ñɨvɨ kúneí iniꞌ ráa Jesús, jee nkuna̱a̱ꞌ iniꞌ ráa ya̱ ka̱ji ráa rá te̱e nteñu ráa, ya̱ tají ráa kɨ̱ꞌɨ̱nꞌ nu̱u̱nꞌ ñuunꞌ Antioquía jín Pablo jín Bernabé. Nka̱ji ráa Judas, ya̱ naní Barsabás, jín ɨɨn te̱e naní Silas. Kúvi ráa u̱vi̱ꞌ rá te̱e kúñáꞌnú nteñu rá ñaniꞌ.

Hechos 15:32

Jee Judas jín Silas, ya̱ suni kúvi ráa te̱e nákani tu̱ꞌun kéne yuꞌú Ndiosíꞌ, jee nkaꞌanꞌ víꞌí ráa jín rá ñɨvɨ, sáva nna̱sáneí ráa xá iniꞌ rá ñanitáꞌán, jee nna̱chituvi ráa ya̱ kuni̱ꞌin rává kúneí iniꞌ rává Jesús.

Hechos 15:4

Sáá nkenta Pablo jín Bernabé ñuunꞌ Jerusalén, jee rá ñɨvɨ yukuán ya̱ kúneí iniꞌ ráa Jesús, jín rá te̱e nísotíñú apóstol, jín rá te̱e kúñáꞌnú nu̱u̱nꞌ ráa nna̱kuatáꞌví rává Pablo jín rá kútáꞌán jín re̱ꞌ. Jee nna̱kani Pablo jín Bernabé nɨꞌɨ ya̱ nsa̱ꞌá Ndiosíꞌ jín ráa.

Hechos 17:15

Jee rá ñaniꞌ kútáꞌán jín Pablo, ña̱na̱ka ráa re̱ꞌ ne̱ ñuunꞌ Atenas. Jee nkachiꞌ re̱ꞌ nu̱u̱nꞌ ráa, ya̱ kachiꞌ ráa nu̱u̱nꞌ Silas jín Timoteo, ya̱ íyó kiji rává na̱kua̱ꞌ nku̱ya̱chi̱ꞌ nu̱u̱nꞌ re̱ꞌ, jee kuíre kua̱noꞌonꞌ ráa.

Hechos 20:38

Nku̱kuéká víꞌí ka̱ꞌ iniꞌ ráa ya̱ nkachiꞌ re̱ꞌ ya̱ nku̱níꞌ ráa ka̱ꞌ re̱ꞌ. Jee ña̱na̱ka ráa re̱ꞌ nu̱u̱nꞌ barkúꞌ.

Hechos 21:5

Sáá nɨꞌɨ tiempúꞌ yukuán, jee nkene ránꞌ. Sáá nɨꞌɨ ráa, jín ñasɨ́ꞌɨ́ ráa, jín rá se̱ꞌya ráa, ña̱na̱ka ráa ránuꞌuꞌ ne̱ yuñúúnꞌ, nu̱u̱nꞌ káá nteñúꞌún, jee nna̱kui̱ñɨ̱ꞌ ítɨ́ ránꞌ yúnteñúꞌún jee yukuán nkaꞌanꞌ ránꞌ jín Ndiosíꞌ.

Hechos 28:15

Sáá nku̱káꞌnú iniꞌ rá ñaniꞌ ya̱ kúneí iniꞌ ráa Jesús nééꞌ ñuunꞌ Roma, ya̱ nkenta ránꞌ, jee nkitaꞌanꞌ ráa ránuꞌuꞌ ne̱ rá ñuunꞌ naní Foro de Apio jín Tres Tabernas. Sáá niniꞌ Pablo ráa, jee ni̱ka̱nꞌ re̱ꞌ ya̱ kútaꞌviꞌ re̱ꞌ nu̱u̱nꞌ Ndiosíꞌ, jee nna̱niꞌinꞌ neí iniꞌ re̱ꞌ.

Hechos 8:14

Sáá nteso̱ꞌo rá te̱e nísotíñú apóstol nééꞌ Jerusalén, ya̱ ntɨɨn rá ñɨvɨ ñuunꞌ Samaria Tu̱ꞌun Ndiosíꞌ, jee nchu̱ichí ráa Pedro jín Juan yukuán.

Romanos 15:24

Jee ñúꞌún iniꞌ ni̱ꞌ ya̱ kua̱jiane̱ꞌyá ni̱ꞌ ránoꞌó sáá kɨ̱ꞌɨ̱nꞌ ni̱ꞌ ñuunꞌ España. Jee chineí rán nuꞌuꞌ kɨ̱ꞌɨ̱nꞌ ni̱ꞌ ichi yukuán, ré nkuvi xíꞌna nusɨ̱ɨ̱ꞌ iniꞌ ni̱ꞌ jín rán.

1 Corintios 16:11

Saáva koto kúníichiꞌ iniꞌ ni ɨɨn rán maa, chisaꞌ chineí rán maa kɨ̱ꞌɨ̱nꞌ va̱ꞌa‑a ichi nu̱u̱nꞌ kɨ̱ꞌɨ̱nꞌ‑ɨ sáva kiji‑i nu̱u̱nꞌ ni̱ꞌ, chi nétu ni̱ꞌ kiji‑i jín rá inka ka̱ꞌ ñanitáꞌán.

1 Corintios 16:6

Sa̱naanꞌ jee kino̱o ni̱ꞌ kuneeꞌ ni̱ꞌ jín rán yakuꞌ tiempúꞌ, áxí sa̱naanꞌ kino̱o ni̱ꞌ jín rán ne̱ nɨꞌɨ tiempúꞌ víjin, sáva chineí rán nuꞌuꞌ kɨ̱ꞌɨ̱nꞌ ni̱ꞌ ichi nu̱u̱nꞌ íyó kɨ̱ꞌɨ̱nꞌ ni̱ꞌ.

2 Corintios 1:16

Ñani iniꞌ ni̱ꞌ ya̱ kua̱jiane̱ꞌyá ni̱ꞌ ránoꞌó ni ichi kua̱jiaaꞌ ni̱ꞌ nu̱u̱nꞌ ñuunꞌ Macedonia. Jee kua̱jiane̱ꞌyá tuku ni̱ꞌ ránoꞌó sáá nikó ni̱ꞌ ne̱ Macedonia. Sukuán jee sáva kuvi chineí rán nuꞌuꞌ, sáva kɨ̱ꞌɨ̱nꞌ ni̱ꞌ ichi ñuunꞌ Judea, nékúvi.

Tito 3:13

Kuniꞌvɨꞌ iniꞌ nú chineí nú Zenas, te̱e nsu̱kuáꞌa ley ya̱ chíneí‑i rá ñɨvɨ, jín nu̱u̱nꞌ Apolos, sáva kuvi kɨ̱ꞌɨ̱nꞌ ráa nu̱u̱nꞌ kɨ̱ꞌɨ̱nꞌ ráa. Jee koto nú ráa ya̱ jíniñúꞌún ráa, sáva ntu̱náꞌ kumaniꞌ nu̱u̱nꞌ ráa.