Hechos 15:1 - Mixteco del suroeste de Tlaxiaco Oaxaca

¹ Kéꞌín rá te̱e va̱ji ne̱ Judea jee ntiaaꞌ ráa Antioquía. Jee xínéꞌénꞌ ráa rá ñaniꞌ kúneí iniꞌ Jesús ya̱: “Nsáꞌ nánitáꞌvíꞌ rán, ré ntu sáꞌá circuncidar rán maárán sánikua̱ꞌ ñujiínꞌ njiáꞌa nu̱u̱nꞌ Moisés ñakɨnꞌ re̱ꞌ.”

Hechos 15:1 ပူးပေါင်းရင်းမြစ်များ

Juan 7:22

Soo Moisés ntaji re̱ꞌ ñujiínꞌ ya̱ íyó keꞌneꞌ ti̱yu̱ꞌ rán ntíꞌ yuꞌú ñɨɨn násɨ́ꞌ xi̱ni̱ꞌ nu̱u̱nꞌ ííꞌ te̱e jee siíyo rán maa sáva koo seña circuncisión. (Soo ntu váji‑i ne̱ nu̱u̱nꞌ Moisés, chisaꞌ va̱ji ne̱ nu̱u̱nꞌ ráa tátáꞌ jííꞌ‑ó yanaꞌán tiñu ya̱ sáꞌá circuncidar‑ó), jee sáꞌá circuncidar rán ɨɨn te̱e asúnika̱ꞌ kúvi‑i ki̱vɨ̱ꞌ nájiáví.

Hechos 1:15

Rá ki̱vɨ̱ꞌ yukuán, nku̱tútú yatin sientúꞌ o̱ko̱ꞌ (120) ñɨvɨ yukuán. Jee nnakui̱ñɨ̱ꞌ nichiꞌ Pedro nteñu rá ñanitáꞌán vá, jee nkachiꞌ‑i nu̱u̱nꞌ ráa:

Hechos 15:22

I̱ña̱jée rá te̱e nísotíñú ráa apóstol jín rá te̱e kúñáꞌnú jín ntáká rá inka rá ñɨvɨ kúneí iniꞌ ráa Jesús, jee nkuna̱a̱ꞌ iniꞌ ráa ya̱ ka̱ji ráa rá te̱e nteñu ráa, ya̱ tají ráa kɨ̱ꞌɨ̱nꞌ nu̱u̱nꞌ ñuunꞌ Antioquía jín Pablo jín Bernabé. Nka̱ji ráa Judas, ya̱ naní Barsabás, jín ɨɨn te̱e naní Silas. Kúvi ráa u̱vi̱ꞌ rá te̱e kúñáꞌnú nteñu rá ñaniꞌ.

Hechos 15:23

Nta̱jí ráa tutuꞌ kua̱ꞌa̱nꞌ jín rá te̱e vá, ya̱ káchíꞌ suꞌva: “Ránuꞌuꞌ ya̱ kúvi ránꞌ rá apóstol jín rá te̱e kúñáꞌnú. Kúvi ráníꞌ ñaniꞌ ránú. Tée ráníꞌ nu̱u̱nꞌ rán, ya̱ nééꞌ nɨꞌɨ ñuunꞌ Antioquía jín rá sánitɨ́ɨn Siria jín Cilicia, ya̱ kúvi rán rá ñaniꞌ jín rá ku̱ꞌva, ya̱ ntu kúvi Israel. ’Nátají ránꞌ saludos tu̱ꞌun káva̱ꞌa nu̱u̱nꞌ ránoꞌó.

Hechos 15:24

’Nteso̱ꞌo ránꞌ ya̱ sava rá táꞌán ráníꞌ nkene ráa nteñu ránuꞌuꞌ kua̱ne̱ꞌyá ráa ránoꞌó jee nxtaña̱ꞌán ráa ránoꞌó jín tu̱ꞌun ráa, jee nku̱naanꞌ rán nsa̱ꞌá ráa. Soo ntu̱náꞌ tiñu njia̱ꞌa ráníꞌ nu̱u̱nꞌ ráa.

Hechos 15:3

I̱ña̱jée rá ñɨvɨ ya̱ kúneí iniꞌ ráa Jesús nna̱chuichí ráa Pablo jín Bernabé. Ni ya̱ kua̱jia̱ꞌa rává Fenicia jín Samaria, jee yukuán nna̱kani rává nu̱u̱nꞌ rá ñanitáꞌán kúneí iniꞌ ráa Jesús, tu̱ꞌun jie̱ꞌe̱ꞌ rá ñɨvɨ ntu kúvi Israel nna̱kani iniꞌ ráa ñujiínꞌ íñɨ́ ráa jee nki̱vɨ ráa nu̱u̱nꞌ Ndiosíꞌ. Jee tu̱ꞌun yaꞌá nsa̱ꞌá‑a ya̱ nku̱sɨ̱ɨ̱ꞌ xá iniꞌ rává.

Hechos 15:32

Jee Judas jín Silas, ya̱ suni kúvi ráa te̱e nákani tu̱ꞌun kéne yuꞌú Ndiosíꞌ, jee nkaꞌanꞌ víꞌí ráa jín rá ñɨvɨ, sáva nna̱sáneí ráa xá iniꞌ rá ñanitáꞌán, jee nna̱chituvi ráa ya̱ kuni̱ꞌin rává kúneí iniꞌ rává Jesús.

Hechos 15:5

Soo nna̱kuiñɨꞌ kéꞌín rá te̱e kúneí iniꞌ Jesús, ya̱ yɨ́ꞌɨ́ ñujiínꞌ fariseo, jee nkachiꞌ ráa: ―Íyó saꞌá circuncidar‑ó ráa, jee íyó tatúníꞌ‑ó ya̱ sikúnkuvi ráa tu̱ꞌun ley nta̱túníꞌ Ndiosíꞌ, ya̱ njiáꞌa re̱ꞌ nu̱u̱nꞌ Moisés.

Hechos 21:20

Sáá nteso̱ꞌo ráa yaꞌá, jee nna̱kuetúꞌún ráa Ndiosíꞌ. Jee nkachiꞌ ráa nu̱u̱nꞌ re̱ꞌ: ―Ñaniꞌ, ya̱ jíníꞌ nú ya̱ kéꞌín mil ñɨvɨ Israel kúneí iniꞌ ráa Jesús. Jee ñúꞌún káñá iniꞌ ráa sikúnkuvi ráa tu̱ꞌun ley nta̱túníꞌ Ndiosíꞌ yanaꞌán.

Hechos 6:14

Chi nteso̱ꞌo ráníꞌ káchíꞌ re̱ꞌ ya̱ Jesús yaꞌá, ya̱ kúvi te̱e ñuunꞌ Nazaret, kanɨꞌ re̱ꞌ veñu̱ꞌun yaꞌá, jee sama re̱ꞌ rá costumbre nxi̱nóo Moisés nu̱u̱nꞌ‑ó ―nkachiꞌ rá te̱e kátúꞌún.

Gálatas 2:1

I̱ña̱jée njia̱ꞌa u̱xi̱ꞌ ku̱mi̱ꞌ (14) kui̱ya̱ꞌ, jee ña̱ꞌa̱nꞌ tuku ni̱ꞌ ñuunꞌ Jerusalén jín Bernabé. Jee nku̱táꞌán Tito jín ránꞌ.

Gálatas 5:6

Chi ntáká‑ó ya̱ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu koo circuncidado maáó, áxí ntu̱ví. Soo ya̱ yɨ́yáꞌvi ka̱ꞌ vá kúneí iniꞌ‑ó Jesús, jee ya̱ kúneí iniꞌ‑ó maa sáꞌá ya̱ kunu̱u̱nꞌ‑ó táꞌán‑ó.

Gálatas 6:12

Rá te̱e ya̱ kuíni kino̱o va̱ꞌa ráa nu̱u̱nꞌ rá inka ñɨvɨ jie̱ꞌe̱ꞌ ya̱ sáꞌá ráa, suviráa ví ya̱ tétuvi ráa ya̱ sikúnkuvi rán costumbre ñuunꞌ Israel ya̱ sáꞌá circuncidar rán maárán. Sáꞌá ráa suꞌva sáva nkóto u̱ꞌvi̱ꞌ rá ñɨvɨ ráa jie̱ꞌe̱ꞌ tu̱ꞌun ya̱ níꞌiꞌ Cristo nu̱u̱nꞌ kurúsiꞌ jie̱ꞌe̱ꞌ‑ó.

Colosenses 2:16

Jee saáva koto jiáꞌayuꞌú rán ya̱ sijíta ñɨvɨ ránoꞌó jie̱ꞌe̱ꞌ rá yájíꞌ rán, áxí jie̱ꞌe̱ꞌ ya̱ jíꞌi rán, áxí jie̱ꞌe̱ꞌ ya̱ néñu̱ꞌun rán áxí ntu̱ví néñu̱ꞌun rán rá viko sáꞌá rá ñɨvɨ vá ta kui̱ya̱ꞌ, áxí rá viko sáꞌá ráa sáá nákuneeꞌ yúté yo̱o̱ꞌ, áxí rá ki̱vɨ̱ꞌ nájiáví.

Colosenses 2:8

Nito koo rán maárán ya̱ ntɨ́ɨn ñɨvɨ ránoꞌó, ya̱ sijínúꞌ ráa iniꞌ rán jín tu̱ꞌun váji xi̱ni̱ꞌ maáráa, jín tu̱ꞌun ka̱ꞌá ya̱ xínáꞌví. Chi rá tu̱ꞌun yukuán kétáꞌán jín rá ñujiínꞌ va̱ji ya̱ta̱ꞌ, ya̱ kétáꞌán jín rá costumbre xínéꞌénꞌ ñɨvɨ ñɨ̱vɨ́ yaꞌá, ya̱ ntu yɨ́ꞌɨ́ ráa naꞌá Cristo. Jee ntu kétáꞌán rá tu̱ꞌun vá jín tu̱ꞌun jie̱ꞌe̱ꞌ Cristo.