Hechos 13:5 - Mixteco del suroeste de Tlaxiaco Oaxaca

⁵ Sáá nkenta ráa ñuunꞌ Salamina, ya̱ tɨ́ɨn Chipre, jee nnuun ráa barkúꞌ yukuán, jee nste̱kútu̱ꞌún ráa Tu̱ꞌun Ndiosíꞌ iniꞌ rá veꞌi sinagoga nu̱u̱nꞌ néñu̱ꞌun rá ñɨvɨ Israel nééꞌ yukuán Ndiosíꞌ. Suni kútáꞌán Juan jín ráa, sáva chineí re̱ꞌ ráa.

Hechos 13:5 ပူးပေါင်းရင်းမြစ်များ

Mateo 20:26

Soo nkúvi sukuán nteñu rán. Chisaꞌ néni ɨɨn ránú ya̱ kuíni‑i kuñáꞌnú‑u ka̱ꞌ nteñu rán, jee íyó kɨtíñú ñɨvɨ vá nu̱u̱nꞌ ránú.

Hechos 12:12

Sáá nna̱kuniꞌ re̱ꞌ ya̱ nkuvi suꞌva, ña̱ꞌa̱nꞌ re̱ꞌ veꞌi María náánꞌ Juan, ya̱ suni naní re̱ꞌ Marcos. Yukuán kue̱ꞌe̱ꞌ ñɨvɨ ni̱yo tútú jee káꞌánꞌ ráa jín Ndiosíꞌ.

Hechos 12:25

Sáá nnɨꞌɨ Bernabé jín Saulo tiñu ña̱ꞌa̱nꞌ ráa, jee nkene ráa ñuunꞌ Jerusalén, jee nni̱kó ráa ñuunꞌ Antioquía. Jee kua̱ꞌa̱nꞌ ráa jín Juan, ya̱ suni naní Marcos.

Hechos 13:14

Soo njia̱ꞌa ráa Perge jee nkenta ráa ñuunꞌ Antioquía, ya̱ káá yatin nu̱u̱nꞌ ñuꞌun tɨ́ɨn Pisidia. Jee sátuꞌ ki̱vɨ̱ꞌ nájiáví, nki̱vɨ ráa iniꞌ veꞌi sinagoga nu̱u̱nꞌ kútútú rá ñɨvɨ Israel, jee ña̱kuneeꞌ ráa.

Hechos 13:46

Saájee nkaꞌanꞌ neí iniꞌ Pablo jín Bernabé jee nkachiꞌ ráa nu̱u̱nꞌ rá ñɨvɨ Israel: ―Xíꞌna nu̱u̱nꞌ ránoꞌó íyó kachiꞌ ráníꞌ Tu̱ꞌun Ndiosíꞌ. Soo nku̱ichi iniꞌ rán maa, jee sánáaꞌ rán ya̱ ntu íyó níꞌinꞌ rán ya̱ kutekuꞌ rán nɨ́ɨ́nkání jín Ndiosíꞌ. Teso̱ꞌo rán. Saáva kɨ̱ꞌɨ̱nꞌ ránꞌ stekútu̱ꞌún ránꞌ maa nu̱u̱nꞌ rá ñɨvɨ ntu kúvi Israel.

Hechos 14:1

Jee sukuán nkuvi ñuunꞌ Iconio, jee nki̱vɨ nkáá Pablo jín Bernabé veꞌi sinagoga nu̱u̱nꞌ kútútú rá ñɨvɨ Israel súkuáꞌa ráa Tu̱ꞌun Ndiosíꞌ. Jee va̱ꞌa túníꞌ nkaꞌanꞌ ráa tu̱ꞌun jie̱ꞌe̱ꞌ Jesús, ya̱ ni̱nu̱ꞌ iniꞌ kue̱ꞌe̱ꞌ víꞌí rá ñɨvɨ Israel jín suni rá ñɨvɨ ntu kúvi Israel.

Hechos 15:37

Bernabé nkuini re̱ꞌ ya̱ kɨ̱ꞌɨ̱nꞌ ráa jín Juan, ya̱ suni naní‑i Marcos.

Hechos 17:17

I̱ña̱jée iniꞌ veꞌi sinagoga nu̱u̱nꞌ kútútú rá ñɨvɨ Israel, jee nkua̱yuꞌú‑u jín rá ñɨvɨ Israel jín rá inka ñɨvɨ néñu̱ꞌun ráa Ndiosíꞌ. Jee ni ki̱vɨ̱ꞌ nkaꞌanꞌ‑a nu̱yáꞌvi jín néni ɨɨn ñɨvɨ kénta yukuán.

Hechos 18:4

Jee ta ki̱vɨ̱ꞌ nájiáví, jiáꞌánꞌ‑a nkua̱yuꞌú‑u iniꞌ veꞌi sinagoga nu̱u̱nꞌ kútútú rá ñɨvɨ Israel. Nnu̱nasɨ́‑ɨ nsi̱ínúꞌ‑u iniꞌ rá ñɨvɨ Israel jín suni rá ñɨvɨ griego sáva tɨɨn ráa tu̱ꞌun Jesús.

Hechos 19:22

Jee nchu̱ichí re̱ꞌ u̱vi̱ꞌ rá te̱e nu̱u̱nꞌ Macedonia ya̱ chíneí táꞌán ráa re̱ꞌ, Timoteo jín Erasto. Jee maáréꞌ nkino̱o ɨɨnúún ka̱ꞌ Asia.

Hechos 19:29

Jee nku̱naan nku̱suꞌva víꞌí rá ñɨvɨ nɨꞌɨ ñuunꞌ vá. Jee ntɨɨn ráa Gayo jín Aristarco, rá te̱e Macedonia ya̱ kútáꞌán jín Pablo. Jee nuún iniꞌ rá ñɨvɨ jee ninu ráa kua̱ꞌa̱nꞌ ráa nu̱u̱nꞌ teatro jín ni u̱vi̱ꞌ rá te̱e vá.

Hechos 19:8

U̱ni̱ꞌ yo̱o̱ꞌ jiáꞌánꞌ Pablo iniꞌ veñu̱ꞌun rá ñɨvɨ Israel, jee nkaꞌanꞌ neí iniꞌ re̱ꞌ. Jee káꞌánꞌ re̱ꞌ jee síínú re̱ꞌ iniꞌ rá ñɨvɨ, jie̱ꞌe̱ꞌ ichi nu̱u̱nꞌ tátúníꞌ Ndiosíꞌ.

Hechos 9:20

Jee kuíntañúꞌún nste̱kútu̱ꞌún re̱ꞌ jie̱ꞌe̱ꞌ Jesús iniꞌ rá veꞌi sinagoga nu̱u̱nꞌ kútútú rá ñɨvɨ Israel nu̱u̱nꞌ súkuáꞌa ráa Tu̱ꞌun Ndiosíꞌ. Nkachiꞌ re̱ꞌ ya̱ Jesús kúvi Se̱ꞌya Ndiosíꞌ.

Colosenses 4:10

Aristarco, ya̱ táꞌán yɨ́ꞌɨ́ jín ni̱ꞌ veka̱a ví re̱ꞌ, jee tájí re̱ꞌ tu̱ꞌun jíkátu̱ꞌún re̱ꞌ jie̱ꞌe̱ꞌ ránoꞌó. Jee suni Marcos ranika̱ꞌ, ya̱ kúvi re̱ꞌ primo Bernabé. Jee ya nni̱ꞌi̱nꞌ rán tu̱ꞌun jie̱ꞌe̱ꞌ Marcos, ya̱ nta̱túníꞌ ni̱ꞌ nu̱u̱nꞌ rán, ya̱ nakuatáꞌví rán re̱ꞌ retú kua̱jiaaꞌ re̱ꞌ nu̱u̱nꞌ nééꞌ rán.

2 Timoteo 4:11

Jee kua̱chi métúꞌún ni Lucas íyó jín ni̱ꞌ. Jee nanukú nú Marcos, jee kiji nú jín re̱ꞌ yaꞌá, chi íyótiñu re̱ꞌ chineí re̱ꞌ nuꞌuꞌ saꞌá ni̱ꞌ tiñu yaꞌá nu̱u̱nꞌ Ndiosíꞌ.