Hechos 13:16 - Mixteco del suroeste de Tlaxiaco Oaxaca

¹⁶ Nna̱kui̱ñɨ̱ꞌ nichiꞌ Pablo, jee nsa̱ꞌá naꞌá re̱ꞌ nu̱u̱nꞌ rá ñɨvɨ sáva kuniꞌín ráa, jee nkachiꞌ re̱ꞌ nu̱u̱nꞌ ráa: ―Teso̱ꞌo ránoꞌó, se̱ꞌya ñuunꞌ‑ó Israel, jín rá inka ránoꞌó ya̱ ñúyúꞌví iniꞌ rán Ndiosíꞌ.

Hechos 13:16 ပူးပေါင်းရင်းမြစ်များ

Hechos 12:17

Jee nsa̱naꞌá re̱ꞌ nu̱u̱nꞌ ráa sáva kuniꞌín ráa. Jee nna̱kani re̱ꞌ nu̱u̱nꞌ ráa na̱ja vá ntavaꞌ I̱toꞌoꞌ‑ó re̱ꞌ iniꞌ veka̱a, jee nkachiꞌ re̱ꞌ: ―Nakani rán maa nu̱u̱nꞌ Jacobo jín rá ñani kúneí iniꞌ ráa Jesús. Jee nkene re̱ꞌ kua̱ꞌa̱nꞌ re̱ꞌ inka nu̱u̱nꞌ.

Hechos 13:26

’Ránoꞌó ñaniꞌ, ya̱ kúvi rán se̱ꞌya tataꞌ Abraham, jín rá inka ñɨvɨ, ya̱ nééꞌ nteñu rán, ya̱ ñúyúꞌví iniꞌ rán nu̱u̱nꞌ Ndiosíꞌ. Nta̱jí re̱ꞌ nu̱u̱nꞌ rán tu̱ꞌun yaꞌá ya̱ káchíꞌ ya̱ nátavaꞌ re̱ꞌ yó nu̱u̱nꞌ kua̱chi‑ó xínánitáꞌvíꞌ re̱ꞌ yó.

Hechos 10:2

Suvire̱ꞌ jín nɨꞌɨ rá táꞌán veꞌi re̱ꞌ kúvi ráa ñɨvɨ néñu̱ꞌun ráa Ndiosíꞌ, jee ñúyúꞌví iniꞌ ráa nu̱u̱nꞌ Ndiosíꞌ. Jee sáꞌá víꞌí re̱ꞌ caridad nu̱u̱nꞌ rá ñɨvɨ láꞌví, jee sukuáni káꞌánꞌ re̱ꞌ jín Ndiosíꞌ.

Apoclipsis 2:29

’Ñɨvɨ ya̱ íyó so̱ꞌo, jee teso̱ꞌo va̱ꞌa nú rá tu̱ꞌun ya̱ káchíꞌ Ta̱chi̱ꞌ Ííꞌ nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ.”

Apoclipsis 2:17

’Ñɨvɨ ya̱ íyó so̱ꞌo, jee teso̱ꞌo va̱ꞌa nú rá tu̱ꞌun ya̱ káchíꞌ Ta̱chi̱ꞌ Ííꞌ nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee ku̱ꞌva ni̱ꞌ kajiꞌ‑i maná ya̱ íyó yuꞌuꞌ. Jee suni ku̱ꞌva ni̱ꞌ ɨɨn yu̱u̱ꞌ kuíjín nu̱u̱nꞌ ñɨvɨ vá, jee nu̱u̱nꞌ yu̱u̱ꞌ yukuán nééꞌ ɨɨn súví jiáá, ya̱ ni ɨɨn ñɨvɨ ntu jíníꞌ maa, chi sáni maá ni ñɨvɨ ya̱ ni̱ꞌi̱nꞌ yu̱u̱ꞌ vá ví ya̱ kukáꞌnú iniꞌ maa.”

Apoclipsis 2:11

’Ñɨvɨ ya̱ íyó so̱ꞌo, jee teso̱ꞌo va̱ꞌa nú rá tu̱ꞌun ya̱ káchíꞌ Ta̱chi̱ꞌ Ííꞌ nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee ni nsáꞌ ni̱ꞌi̱nꞌ‑i ka̱ꞌ tu̱nóꞌó xinóꞌo Ndiosíꞌ maa ya̱ nku̱víꞌ tuku‑u ya̱ uvíꞌ íchí nu̱u̱nꞌ Ndiosíꞌ.”

Apoclipsis 2:7

’Ñɨvɨ ya̱ íyó so̱ꞌo, jee teso̱ꞌo va̱ꞌa nú rá tu̱ꞌun ya̱ káchíꞌ Ta̱chi̱ꞌ Ííꞌ nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, saájee ku̱ꞌva ni̱ꞌ ya̱ kajiꞌ ñɨvɨ vá rá vixíꞌ ya̱ kúun nu̱u̱nꞌ maá yutun ya̱ sáꞌá ya̱ kutekuꞌ ñɨvɨ nɨ́ɨ́nkání jín ni̱ꞌ. Jee yutun vá íñɨ́‑ɨ ne̱ nu̱u̱nꞌ viiꞌ víꞌí íyó nu̱u̱nꞌ nééꞌ Ndiosíꞌ.”

Hechos 22:22

Jee nteso̱ꞌo ráa ne̱ ya̱ nkachiꞌ re̱ꞌ tu̱ꞌun yaꞌá, soo nka̱jiéꞌé nka̱najíín ráa: ―Xináánꞌ rán ɨɨn te̱e íyó suꞌva nu̱u̱nꞌ ñɨ̱vɨ́ yaꞌá. Chi ntu̱ví íyó kutekuꞌ re̱ꞌ.

Hechos 21:40

Jee sáá ña̱netuꞌ general kaꞌanꞌ‑a, jee ña̱kui̱ñɨ̱ꞌ Pablo nu̱u̱nꞌ escalerá, jee ntee re̱ꞌ naꞌá re̱ꞌ nu̱u̱nꞌ ráa, sáva níín koo ráa. Jee sáá níín nkuvi ráa jee nkaꞌanꞌ re̱ꞌ tu̱ꞌun hebreo:

Hechos 19:33

Jee sava ráa njia̱ꞌa tu̱ꞌun nu̱u̱nꞌ Alejandro sákachiꞌ‑i. Jee chínaꞌá rá ñɨvɨ Israel maa ichinúúnꞌ rá ñɨvɨ. Jee xínénaꞌá Alejandro nu̱u̱nꞌ ráa ya̱ kasɨꞌ ráa yuꞌú ráa, sáva nama re̱ꞌ maáréꞌ jín rá kútáꞌán jín re̱ꞌ.

Hechos 13:46

Saájee nkaꞌanꞌ neí iniꞌ Pablo jín Bernabé jee nkachiꞌ ráa nu̱u̱nꞌ rá ñɨvɨ Israel: ―Xíꞌna nu̱u̱nꞌ ránoꞌó íyó kachiꞌ ráníꞌ Tu̱ꞌun Ndiosíꞌ. Soo nku̱ichi iniꞌ rán maa, jee sánáaꞌ rán ya̱ ntu íyó níꞌinꞌ rán ya̱ kutekuꞌ rán nɨ́ɨ́nkání jín Ndiosíꞌ. Teso̱ꞌo rán. Saáva kɨ̱ꞌɨ̱nꞌ ránꞌ stekútu̱ꞌún ránꞌ maa nu̱u̱nꞌ rá ñɨvɨ ntu kúvi Israel.

Hechos 10:35

Soo íyó mániꞌ re̱ꞌ néꞌyá re̱ꞌ ñɨvɨ ntáká ñuunꞌ, ya̱ ñúyúꞌví iniꞌ ráa re̱ꞌ, jín ya̱ jiáꞌnu na̱a̱ꞌ ráa.

Hechos 3:12

Sáá niniꞌ Pedro yaꞌá, jee nkachiꞌ‑i nu̱u̱nꞌ rá ñɨvɨ: ―¡Ránoꞌó tántéyɨ́ɨ́ Israel! ¿Na̱kui chi sáꞌvi iniꞌ rán néꞌyá rán te̱e yaꞌá? Áxí, ¿na̱kui chi néꞌyá rán nu̱u̱nꞌ ránuꞌuꞌ kuéntáꞌ retánꞌ jie̱ꞌe̱ꞌ fuersáꞌ ííꞌ níso máá maáránꞌ áxí jie̱ꞌe̱ꞌ néñu̱ꞌun víꞌí ránꞌ Ndiosíꞌ jee nsi̱káka ránꞌ te̱e yaꞌá, rúsa?

Hechos 2:22

Jee suni nkachiꞌ Pedro nu̱u̱nꞌ ráa: ―¡Ránoꞌó tántéyɨ́ɨ́ Israel! Teso̱ꞌo rán rá tu̱ꞌun yaꞌá. Jesús, ya̱ váji ñuunꞌ Nazaret, nstúvi Ndiosíꞌ nteñu ránoꞌó ya̱ nchu̱ichí re̱ꞌ maa. Chi nsa̱ꞌá Ndiosíꞌ, ya̱ nsa̱ꞌá re̱ꞌ rá milagrúꞌ, rá tiñu a̱nasɨ́ ya̱ nsa̱ꞌá‑a ya̱ nti̱vɨ́ xíniꞌ‑ó, jín rá seña, ya̱ stúvi ya̱ kúñáꞌnú ví re̱ꞌ. Nsa̱ꞌá re̱ꞌ rá yaꞌá nteñu ránú, sáni ya̱ jíníꞌ ránú.

Hechos 2:14

Nna̱kuiñɨꞌ Pedro jín rá ni ujíꞌ ɨɨn (11) ka̱ꞌ te̱e, jee nkaꞌanꞌ ni̱ꞌin re̱ꞌ, jee nkachiꞌ re̱ꞌ nu̱u̱nꞌ ráa: ―¡Ránoꞌó se̱ꞌya ñuunꞌ Israel! ¡Jín ntáká ránoꞌó nééꞌ ñuunꞌ Jerusalén! ¡Chuꞌun xi̱ni̱ꞌ rán yaꞌá! ¡Jee teso̱ꞌo va̱ꞌa rán tu̱ꞌun ni̱ꞌ!

Lucas 1:50

Jee nɨ́ɨ́nkání kuitɨꞌ kunáꞌví iniꞌ re̱ꞌ kune̱ꞌyá re̱ꞌ rá ñɨvɨ ya̱ ñúyúꞌví iniꞌ ráa re̱ꞌ.

Mateo 11:15

Ñɨvɨ ya̱ íyó rá so̱ꞌo, jee teso̱ꞌo va̱ꞌa.

Lucas 23:40

Soo inka ka̱ꞌ táꞌán te̱e níntakaa yukuán, nna̱xiníkó‑o nu̱u̱nꞌ táꞌán‑a vá jee nkachiꞌ‑i: ―¿Á ni ntu ñúyúꞌví iniꞌ nú Ndiosíꞌ? Ya ɨɨn nuún ni nsi̱jíta ráa nó kunoꞌo nú jín tee yaꞌá,

Lucas 1:22

Soo sáá nkene re̱ꞌ, jee ni ntu nkúvi kaꞌanꞌ re̱ꞌ ráa, jee ña̱ku̱ꞌun iniꞌ ráa ya̱ niniꞌ re̱ꞌ ya̱ nxi̱nénu̱u̱nꞌ Ndiosíꞌ re̱ꞌ iniꞌ veñu̱ꞌun ííꞌ vá, chi máá jín seña ni nsa̱ꞌá re̱ꞌ nu̱u̱nꞌ ráa, chi nkino̱o ñɨ́ꞌɨ́nꞌ re̱ꞌ.