Hechos 12:8 - Mixteco del suroeste de Tlaxiaco Oaxaca

⁸ Jee nkachiꞌ najiáꞌáꞌ ííꞌ vá: ―Nakɨchi̱ji manchíjí nú jee nakɨ̱ꞌɨ ni̱jia̱nꞌ nú. Jee sáá nsa̱ꞌá re̱ꞌ suꞌva, jee nkachiꞌ‑i: ―Nakuniji so̱kotóꞌ nú jee kunikɨnꞌ nú nuꞌuꞌ.

Hechos 12:8 ပူးပေါင်းရင်းမြစ်များ

Mateo 3:11

’Jee nuꞌuꞌ chi máá naáꞌ nijia ya̱ síkuánuté ni̱ꞌ ránoꞌó jín nute kuíí ni, ya̱ stúvi ya̱ nna̱kani nijia iniꞌ rán nu̱u̱nꞌ Ndiosíꞌ jie̱ꞌe̱ꞌ kua̱chi rán. Soo ya̱ta̱ꞌ ni̱ꞌ kiji ɨɨn ya̱ kúñáꞌnú nasɨ́kuitɨꞌ re̱ꞌ ka̱ꞌ nsú káꞌ nuꞌuꞌ, ya̱ ni ntu̱né íyó ni̱ꞌi̱nꞌ ni̱ꞌ ya̱ kunaꞌá ni̱ꞌ sú kua̱chi ni̱jia̱nꞌ re̱ꞌ. Jee maáréꞌ chi sikuánuté re̱ꞌ sava ránoꞌó jín Ta̱chi̱ꞌ Ííꞌ re̱ꞌ sáva kɨꞌɨ‑ɨ ánímaꞌ ránú ya̱ nákani iniꞌ rán, jee rá inka rán, ya̱ ntu nákani iniꞌ rán, sikuánuté re̱ꞌ jín ñuꞌunꞌ xinóꞌo re̱ꞌ ránoꞌó.

Marcos 6:9

Chisaꞌ kua̱chi sáni ni̱jia̱nꞌ yɨ́ꞌɨ́ jie̱ꞌe̱ꞌ ráa, jee ni nkúnaꞌá ráa u̱vi̱ꞌ saꞌma naku̱ꞌun ráa.

Lucas 12:37

Jee na̱ ka̱ꞌ netuꞌ ka̱ꞌ ví rá musúꞌ vá sáá nenta i̱toꞌoꞌ xí tiñu ráa jee naniꞌinꞌ re̱ꞌ ráa ya̱ íyó nito ráa. Jee máá naáꞌ nijia vá káchíꞌ ni̱ꞌ nu̱u̱nꞌ rán ya̱ suni ne̱ maá i̱toꞌoꞌ ráa nasatúꞌva re̱ꞌ maáréꞌ, jee sikúneeꞌ re̱ꞌ ráa yumesáꞌ, jee chisó re̱ꞌ nu̱u̱nꞌ ráa ya̱ kajiꞌ ráa.

Hechos 12:7

Jee sa̱naanꞌ nkitu̱vi ɨɨn najiáꞌáꞌ ííꞌ I̱toꞌoꞌ‑ó, jee ñanu̱te̱ꞌ nɨꞌɨ iniꞌ veka̱a. Nsi̱káchiꞌi re̱ꞌ i̱ka̱ꞌ Pedro, jee nxi̱nóto‑o re̱ꞌ jee nkachiꞌ‑i: ―Ñamaꞌ nako̱o nú. Jee nna̱najiꞌ rá cadena ka̱a núꞌníꞌ naꞌá re̱ꞌ, jee ñe̱te̱ꞌ‑e.

Hechos 12:9

Nnikɨnꞌ re̱ꞌ najiáꞌáꞌ ííꞌ jee nkene re̱ꞌ. Jee ntu nkúkáꞌnú iniꞌ re̱ꞌ ya̱ kúvi nijia ví ya̱ sáꞌá najiáꞌáꞌ ííꞌ vá. Soo nkaꞌvi iniꞌ re̱ꞌ ya̱ kájíkuitɨꞌ niniꞌ re̱ꞌ ya̱ nxi̱nénu̱u̱nꞌ Ndiosíꞌ nu̱u̱nꞌ re̱ꞌ.

Hechos 27:23

Chi yakuááꞌ vitan nkitu̱vi ɨɨn najiáꞌáꞌ ííꞌ Ndiosíꞌ, ya̱ kúvi I̱toꞌoꞌ ni̱ꞌ ya̱ sátíñú ni̱ꞌ nu̱u̱nꞌ re̱ꞌ.

Hechos 8:26

Jee kuíre ɨɨn najiáꞌáꞌ ííꞌ Ndiosíꞌ nkachiꞌ re̱ꞌ nu̱u̱nꞌ Felipe: ―Nakuiñɨꞌ jee kuáꞌán ichi sur ichi kuáꞌánꞌ ne̱ ñuunꞌ Jerusalén jín ne̱ ñuunꞌ Gaza, jee ichi vá jiáꞌa‑a nu̱u̱nꞌ ñu̱ꞌún saɨn.