Hechos 12:5 - Mixteco del suroeste de Tlaxiaco Oaxaca

⁵ Saájee nku̱mí ráa Pedro iniꞌ veka̱a, soo rá ñɨvɨ ya̱ kúneí iniꞌ ráa Jesús, ñúꞌún káñá iniꞌ ráa jíkánꞌ táꞌvíꞌ ráa nu̱u̱nꞌ Ndiosíꞌ jie̱ꞌe̱ꞌ re̱ꞌ.

Hechos 12:5 ပူးပေါင်းရင်းမြစ်များ

Mateo 18:19

’Jee suni káchíꞌ ni̱ꞌ nu̱u̱nꞌ rán, ya̱ retú íyó u̱vi̱ꞌ rán nátúꞌún nuún rán iniꞌ ñɨ̱vɨ́ yaꞌá, jee rénákúvi ya̱ ka̱ka̱nꞌ táꞌvíꞌ rán nu̱u̱nꞌ Tátáꞌ ni̱ꞌ Ndiosíꞌ ya̱ nééꞌ antivɨ́ súkún, jee saꞌá re̱ꞌ maa ya̱ kúvi ránoꞌó.

Lucas 18:1

Jee nna̱kani Jesús ɨɨn tu̱ꞌun kúnkunuún káꞌánꞌ suꞌva nu̱u̱nꞌ rá te̱e kútáꞌán jín re̱ꞌ súkuáꞌa re̱ꞌ ráa, jie̱ꞌe̱ꞌ ya̱ sukuáni íyó kaꞌanꞌ ráa jín Ndiosíꞌ, jee koto núun iniꞌ ráa kaꞌanꞌ ráa jín re̱ꞌ.

Hechos 12:12

Sáá nna̱kuniꞌ re̱ꞌ ya̱ nkuvi suꞌva, ña̱ꞌa̱nꞌ re̱ꞌ veꞌi María náánꞌ Juan, ya̱ suni naní re̱ꞌ Marcos. Yukuán kue̱ꞌe̱ꞌ ñɨvɨ ni̱yo tútú jee káꞌánꞌ ráa jín Ndiosíꞌ.

Hechos 12:4

Sáá ntɨɨn ráa Pedro, nta̱jí re̱ꞌ ntu̱ví ráa maa iniꞌ veka̱a. Jee yukuán ku̱mi̱ꞌ grupo ta ku̱mi̱ꞌ rá soldado, jee ni̱ñɨ ráa nku̱mí ráa re̱ꞌ. Chi nkaꞌvi iniꞌ Herodes naku̱ꞌva re̱ꞌ maa nu̱u̱nꞌ rá ñɨvɨ, ré njia̱ꞌa viko Pascua.

Hechos 12:6

Jee ki̱vɨ̱ꞌ steñu̱ꞌún naku̱ꞌva Herodes Pedro nu̱u̱nꞌ rá ñɨvɨ, nékúvi. Soo maá yakuááꞌ yukuán nkixiꞌ Pedro ma̱ꞌñú u̱vi̱ꞌ soldado. Jee núꞌníꞌ re̱ꞌ jín u̱vi̱ꞌ cadena ka̱a. Jee rá inka soldado kúmí ne̱ yuvékáa.

1 Corintios 12:26

Chi retú nóꞌo ɨɨn rá pedasúꞌ yɨkɨkúñu‑ó tu̱nóꞌó, jee kua̱íyó nɨ́ɨ́nkáꞌnú rá pedasúꞌ yɨkɨkúñu‑ó nóꞌo jín‑i. Jee retú ɨɨn pedasúꞌ yɨkɨkúñu‑ó ni̱ꞌi̱nꞌ‑i ya̱ ñáꞌnú‑u, jee suni ne̱ kua̱íyó rá pedasúꞌ yɨkɨkúñu‑ó núsɨ́ɨꞌ iniꞌ ráa jín‑i ranika̱ꞌ.

2 Corintios 1:11

sáá chíneí táꞌán ránú ránuꞌuꞌ ya̱ jíkánꞌ táꞌvíꞌ rán nu̱u̱nꞌ Ndiosíꞌ jie̱ꞌe̱ꞌ ránuꞌuꞌ. Jee suni koo kue̱ꞌe̱ꞌ ñɨvɨ ku̱ꞌva ráa ya̱ kútaꞌviꞌ nu̱u̱nꞌ Ndiosíꞌ jie̱ꞌe̱ꞌ ta̱ꞌvi̱ꞌ sikútaꞌviꞌ re̱ꞌ nu̱u̱nꞌ ránuꞌuꞌ ya̱ nama re̱ꞌ ránuꞌuꞌ jie̱ꞌe̱ꞌ jíkánꞌ táꞌvíꞌ kue̱ꞌe̱ꞌ ñɨvɨ jie̱ꞌe̱ꞌ ránuꞌuꞌ.

1 Tesalonicenses 5:17

Sukuáni yɨ́táꞌán kaꞌanꞌ rán jín Ndiosíꞌ.

Hebreos 13:3

Jee naku̱ꞌun iniꞌ rán chineí rán rá ñɨvɨ yɨ́ꞌɨ́ veka̱a, kuéntáꞌ retánꞌ ne̱ jíꞌín rán yɨ́ꞌɨ́ veka̱a jín ráa. Jee suni chineí rán rá ñanitáꞌán rán ya̱ sáꞌá kini rá ñɨvɨ ráa, kuéntáꞌ kua̱ꞌ retánꞌ maárán ví ya̱ nóꞌo maa.

Santiago 5:16

Saáva íyó nanaꞌmaꞌ ɨɨn inka rán jie̱ꞌe̱ꞌ kua̱chi rán, jee íyó ka̱ka̱nꞌ táꞌvíꞌ rán jie̱ꞌe̱ꞌ ɨɨn inka rán, sáva nuvi rán. Máá ñáꞌnú nasɨ́kuitɨꞌ ví ya̱ jíkánꞌ táꞌvíꞌ ñɨvɨ na̱a̱ꞌ jee sáꞌá Ndiosíꞌ tiñu jie̱ꞌe̱ꞌ ya̱ jíkánꞌ táꞌvíꞌ.