Hechos 12:3 - Mixteco del suroeste de Tlaxiaco Oaxaca

³ Jee sáá nku̱káꞌnú iniꞌ re̱ꞌ ya̱ nnu̱vatu iniꞌ rá ñɨvɨ Israel ya̱ ñaꞌniꞌ re̱ꞌ maa, jee suni sukuán nta̱jí re̱ꞌ tɨɨn ráa Pedro. Kúvi rá ki̱vɨ̱ꞌ ya̱ sáꞌá ráa viko yájíꞌ ráa i̱xta̱tíláꞌ ya̱ ntu yɨ́ꞌɨ́ levadura.

Hechos 12:3 ပူးပေါင်းရင်းမြစ်များ

Mateo 26:17

Jee máá ki̱vɨ̱ꞌ xíꞌnañúꞌún viko ya̱ yájíꞌ rá ñɨvɨ i̱xta̱tíláꞌ ntu yɨ́ꞌɨ́ levadura, jee ña̱kuyatin rá te̱e súkuáꞌa Jesús ráa nu̱u̱nꞌ re̱ꞌ, jee ni̱ka̱tu̱ꞌún ráa re̱ꞌ: ―¿Né núꞌ kuíni nú ya̱ kɨ̱saꞌá stákoo ránꞌ sáva kuxíní nú viko Pascua jín ránꞌ? ―nkachiꞌ ráa nu̱u̱nꞌ Jesús.

Juan 12:43

Nsa̱ꞌá rá te̱e kúñáꞌnú sukuán, chi táꞌánꞌ ka̱ꞌ iniꞌ ráa ya̱ sáꞌá rá ñɨvɨ ya̱ kúñáꞌnú ráa, nsú ya̱ saꞌá Ndiosíꞌ ya̱ kúñáꞌnú ráa.

Juan 19:11

Soo nna̱xiníkó Jesús: ―Ntu̱ví íyó na̱ tiñu kuniso nú sáva sanáaꞌ nú si̱kɨ̱ꞌ nuꞌuꞌ, retánꞌ nsú Ndiosíꞌ nééꞌ antivɨ́ súkún ntaji re̱ꞌ tiñu vá níso nú. Jee saáva te̱e ya̱ nna̱tají re̱ꞌ nuꞌuꞌ xi̱ntíín noꞌó, jee suvire̱ꞌ vá íyó ka̱ꞌ kua̱chi si̱kɨ̱ꞌ re̱ꞌ nsú káꞌ noꞌó.

Juan 21:18

Máá nááꞌ vá káchíꞌ ni̱ꞌ nu̱u̱nꞌ nú ya̱ sáá súchí nú ka̱ꞌ, jee nákúꞌun maánú saꞌma nú jee kua̱ꞌa̱nꞌ nú nu̱u̱nꞌ kuíni maánú. Soo sáá kujííꞌ nú jee sikáa nú naꞌá nú jee nachuꞌun inka ñɨvɨ saꞌma noꞌó, jee kɨ̱na̱ka ráa noꞌó nu̱u̱nꞌ ntu̱ví kuini nú kɨ̱ꞌɨ̱nꞌ nú.

Hechos 12:4

Sáá ntɨɨn ráa Pedro, nta̱jí re̱ꞌ ntu̱ví ráa maa iniꞌ veka̱a. Jee yukuán ku̱mi̱ꞌ grupo ta ku̱mi̱ꞌ rá soldado, jee ni̱ñɨ ráa nku̱mí ráa re̱ꞌ. Chi nkaꞌvi iniꞌ Herodes naku̱ꞌva re̱ꞌ maa nu̱u̱nꞌ rá ñɨvɨ, ré njia̱ꞌa viko Pascua.

Hechos 2:14

Nna̱kuiñɨꞌ Pedro jín rá ni ujíꞌ ɨɨn (11) ka̱ꞌ te̱e, jee nkaꞌanꞌ ni̱ꞌin re̱ꞌ, jee nkachiꞌ re̱ꞌ nu̱u̱nꞌ ráa: ―¡Ránoꞌó se̱ꞌya ñuunꞌ Israel! ¡Jín ntáká ránoꞌó nééꞌ ñuunꞌ Jerusalén! ¡Chuꞌun xi̱ni̱ꞌ rán yaꞌá! ¡Jee teso̱ꞌo va̱ꞌa rán tu̱ꞌun ni̱ꞌ!

Hechos 20:6

Sáá nkuvi viko i̱xta̱tíláꞌ ntu yɨ́ꞌɨ́ levadura, jee nkene ránꞌ ñuunꞌ Filipos jín barkúꞌ. Sáá njia̱ꞌa u̱ꞌu̱nꞌ ki̱vɨ̱ꞌ nkenta ránꞌ ñuunꞌ Troas. Jee yukuán nkino̱o ránꞌ u̱xa̱ꞌ ki̱vɨ̱ꞌ.

Hechos 24:27

Sáá njia̱ꞌa u̱vi̱ꞌ kui̱ya̱ꞌ, jee nna̱kuiñɨꞌ inka te̱e naní Porcio Festo nu̱u̱nꞌ tiñu nniso Félix. Soo nkuini Félix ya̱ kino̱o va̱ꞌa jín rá ñɨvɨ Israel, saáva nxi̱nóo re̱ꞌ Pablo veka̱a.

Hechos 25:9

Soo Festo kuíni kino̱o va̱ꞌa jín rá ñɨvɨ Israel, jee ni̱ka̱tu̱ꞌún re̱ꞌ Pablo: ―¿Á kuíni nú kɨ̱ꞌɨ̱nꞌ‑ó Jerusalén, sáva sanáaꞌ ni̱ꞌ tiñu nú yukuán?

Hechos 4:13

Jee sáá niniꞌ ráa ya̱ chúneí iniꞌ Pedro jín Juan, jee sáá nku̱káꞌnú iniꞌ ráa ya̱ nsú te̱e nsu̱kuáꞌa víꞌí ví rává jee kúvi rává te̱e saɨn, jee nti̱vɨ́ xi̱ni̱ꞌ ráa. Jee nna̱kuniꞌ ráa ya̱ kúvi rává rá te̱e nku̱táꞌán rává jín Jesús.

Gálatas 1:10

Saájee, jín tu̱ꞌun káꞌánꞌ ni̱ꞌ yaꞌá, ¿á nánukú ni̱ꞌ ya̱ kino̱o va̱ꞌa ni̱ꞌ nu̱u̱nꞌ rá ñɨvɨ áxí nu̱u̱nꞌ Ndiosíꞌ? ¿Á nánukú ni̱ꞌ ya̱ kuva̱ꞌa iniꞌ rá ñɨvɨ kune̱ꞌyá ráa nuꞌuꞌ? ¡Ntu̱ví! Chi ré nánukú ni̱ꞌ ya̱ kuva̱ꞌa iniꞌ rá ñɨvɨ kune̱ꞌyá ráa nuꞌuꞌ, jee nsú musúꞌ jiátíñú Cristo kúvi ni̱ꞌ, nékúvi.

1 Tesalonicenses 2:4

Chisaꞌ Ndiosíꞌ ni̱totúníꞌ ránuꞌuꞌ sáva tetíñú re̱ꞌ ránuꞌuꞌ sáva stékútu̱ꞌún ránꞌ tu̱ꞌun váꞌa jie̱ꞌe̱ꞌ Cristo. Saáva ntu káꞌánꞌ ránꞌ sáva kuva̱ꞌa iniꞌ rá ñɨvɨ kune̱ꞌyá ráa ránuꞌuꞌ. Chisaꞌ káꞌánꞌ ránꞌ sáva kuva̱ꞌa iniꞌ Ndiosíꞌ kune̱ꞌyá re̱ꞌ ránuꞌuꞌ. Maáréꞌ ví ya̱ jítotúníꞌ re̱ꞌ ya̱ ñúꞌún ánímaꞌ‑ó.