Hechos 12:10 - Mixteco del suroeste de Tlaxiaco Oaxaca

¹⁰ Jee njia̱ꞌa ráa nu̱u̱nꞌ íñɨ́ rá soldado xíꞌnañúꞌún ya̱ kúmí ráa re̱ꞌ, jee suni njia̱ꞌa ráa ya̱ uvíꞌ nu̱u̱nꞌ íñɨ́ rá inka ka̱ꞌ. Jee nkenta ráa yuvékáa ne̱ yuíchí. Jee nine maáa, jee nkene ráa. Jee kua̱jia̱ꞌa ráa ɨɨn ichi. Yukuán va̱ꞌanire nkuiyo najiáꞌáꞌ nu̱u̱nꞌ re̱ꞌ.

Hechos 12:10 ပူးပေါင်းရင်းမြစ်များ

Génesis 40:3

Jee nta̱jí re̱ꞌ ráa kɨ̱ꞌɨ̱nꞌ ráa iniꞌ veka̱a nu̱u̱nꞌ nééꞌ veꞌi te̱e ya̱ kúvi capitán tátúníꞌ yósóꞌ nu̱u̱nꞌ rá ñɨvɨ jiátíñú Faraón jee nchiꞌi rá soldado rá te̱e vá iniꞌ veka̱a vá, nu̱u̱nꞌ yɨ́ꞌɨ́ José ranika̱ꞌ.

Génesis 42:17

Jee nchiꞌi re̱ꞌ ráa iniꞌ veka̱a u̱ni̱ꞌ ki̱vɨ̱ꞌ

Juan 20:19

Sáá nkua̱a̱ꞌ máá ki̱vɨ̱ꞌ yukuán, ya̱ kúvi máá ki̱vɨ̱ꞌ xíꞌnañúꞌún jiákui̱ñɨ̱ꞌ semana, jee nnu̱tútú rá te̱e ya̱ nsu̱kuáꞌa Jesús ráa ɨɨn iniꞌ veꞌi jee násɨ́ꞌ kutú yuvéꞌí chi yúꞌví ráa rá te̱e kúñáꞌnú nu̱u̱nꞌ ñɨvɨ Israel. Sa̱naanꞌ ni jee nkenta Jesús nna̱kui̱ñɨ̱ꞌ re̱ꞌ ma̱ꞌñú ráa jee nkachiꞌ re̱ꞌ nu̱u̱nꞌ ráa: ―Va̱ne̱ꞌ va̱ꞌa kino̱o iniꞌ ánímaꞌ rán.

Juan 20:26

Sáá njia̱ꞌa ki̱vɨ̱ꞌ u̱na̱ꞌ, jee rá te̱e nsu̱kuáꞌa Jesús ráa nnu̱tútú tuku ráa ɨɨn iniꞌ veꞌi, jee kútáꞌán Tomás jín ráa. Saájee, súnika̱ꞌ násɨ́ꞌ rá yuvéꞌí, jee nki̱vɨ Jesús, jee ña̱kui̱ñɨ̱ꞌ re̱ꞌ nteñu ráa jee nkachiꞌ re̱ꞌ: ―Va̱ne̱ꞌ va̱ꞌa kino̱o iniꞌ ánímaꞌ rán.

Hechos 12:4

Sáá ntɨɨn ráa Pedro, nta̱jí re̱ꞌ ntu̱ví ráa maa iniꞌ veka̱a. Jee yukuán ku̱mi̱ꞌ grupo ta ku̱mi̱ꞌ rá soldado, jee ni̱ñɨ ráa nku̱mí ráa re̱ꞌ. Chi nkaꞌvi iniꞌ Herodes naku̱ꞌva re̱ꞌ maa nu̱u̱nꞌ rá ñɨvɨ, ré njia̱ꞌa viko Pascua.

Hechos 16:26

Sa̱naanꞌ jee nta̱an nasɨ́kuitɨꞌ ne̱ nkisɨ nu̱u̱nꞌ nsamaꞌ jie̱ꞌe̱ꞌ veka̱a. Jee va̱ꞌa̱ni jee nine nɨꞌɨ rá yuvékáa, jee nna̱najiꞌ maá rá ka̱a nnuꞌniꞌ ntáká rá yɨ́ꞌɨ́ veka̱a.

Hechos 5:19

Soo yakuááꞌ, ɨɨn najiáꞌáꞌ ííꞌ I̱toꞌoꞌ‑ó nsine yuvékáa, jee ntavaꞌ re̱ꞌ rává. Jee nkachiꞌ re̱ꞌ nu̱u̱nꞌ ráa:

Apoclipsis 3:7

’Jee tee nú nu̱u̱nꞌ tutuꞌ kɨ̱ꞌɨ̱nꞌ nu̱u̱nꞌ ya̱ kúñáꞌnú nu̱u̱nꞌ grupo rá ñɨvɨ ya̱ jínúꞌ iniꞌ ráa nuꞌuꞌ, jee suviráa ví ya̱ nééꞌ ráa nu̱u̱nꞌ ñuunꞌ Filadelfia: “Nuꞌuꞌ vá i̱i̱ꞌ ni̱ꞌ jín nuꞌuꞌ vá na̱a̱ꞌ ni̱ꞌ. Ínaꞌá ni̱ꞌ nakáa David, ya̱ nísotíñú ni̱ꞌ kuéntáꞌ kua̱ꞌ nta̱túníꞌ re̱ꞌ nu̱u̱nꞌ nación Israel yanaꞌán. Saáva nuꞌuꞌ ví ya̱ jíne ni̱ꞌ nu̱u̱nꞌ ki̱vɨ rá ñɨvɨ nu̱u̱nꞌ tátúníꞌ ni̱ꞌ, jee ni ɨɨn ntu kuvi nakasɨꞌ maa. Jee nuꞌuꞌ nakasɨꞌ maa, jee ni ɨɨn ntu kúvi nakune maa. Suꞌva káchíꞌ nuꞌuꞌ: