Hechos 11:12 - Mixteco del suroeste de Tlaxiaco Oaxaca

¹² Jee nkachiꞌ Ta̱chi̱ꞌ Ííꞌ Ndiosíꞌ nu̱u̱nꞌ ni̱ꞌ, ya̱ nkáni iniꞌ ni̱ꞌ jee kɨ̱ꞌɨ̱nꞌ ni̱ꞌ jín ráa. Jee suni i̱ñu̱ꞌ ñaniꞌ yaꞌá, yɨ́ꞌɨ́ ráa nu̱u̱nꞌ Jesús, ña̱ꞌa̱nꞌ ráa jín ni̱ꞌ jee nki̱vɨ ránꞌ veꞌi te̱e vá.

Hechos 11:12 ပူးပေါင်းရင်းမြစ်များ

Hechos 8:29

Jee nkachiꞌ Ta̱chi̱ꞌ Ííꞌ Ndiosíꞌ nu̱u̱nꞌ Felipe: ―Kuáꞌán kuyatin jee naketáꞌán jín karretáꞌ yaꞌá.

Romanos 3:22

Chi Ndiosíꞌ sáꞌá re̱ꞌ ya̱ kínóo na̱a̱ꞌ ñɨvɨ nu̱u̱nꞌ re̱ꞌ jie̱ꞌe̱ꞌ ya̱ kúneí iniꞌ ráa Jesús ya̱ kúvi Cristo. Sáꞌá Ndiosíꞌ sukuán jín ntáká ráa ya̱ kúneí iniꞌ ráa Cristo chi ntu sɨ́ɨ́n sáꞌá re̱ꞌ jín ɨɨn inka ráa.

2 Tesalonicenses 2:2

koto jiáꞌa rán sisákánuun ñamaꞌ ñɨvɨ antúníꞌ ránoꞌó, jee koto kuníní iniꞌ rán jie̱ꞌe̱ꞌ tu̱ꞌun káchíꞌ ñɨvɨ yukuán nu̱u̱nꞌ rán, ya̱ ya nkenta ki̱vɨ̱ꞌ ya̱ niji tuku I̱toꞌoꞌ‑ó, sáva tatúníꞌ re̱ꞌ nu̱u̱nꞌ nɨꞌɨ jee keꞌneꞌ re̱ꞌ kua̱chi. Jee koto sáꞌá rán kuéntáꞌ nu̱u̱nꞌ tu̱ꞌun vá, sú káchíꞌ ráa ya̱ tu̱ꞌun vá va̱ji‑i nu̱u̱nꞌ Ta̱chi̱ꞌ Ííꞌ, áxí ya̱ va̱ji‑i nu̱u̱nꞌ tu̱ꞌun yuꞌuꞌ ránuꞌuꞌ, áxí nu̱u̱nꞌ tutuꞌ ntee ránꞌ níso tu̱ꞌun vá ya̱ nkene nu̱u̱nꞌ ránuꞌuꞌ.

Hechos 10:23

I̱ña̱jée nkana re̱ꞌ ráa kino̱o ráa jín re̱ꞌ yukuán. Jee ki̱vɨ̱ꞌ steñu̱ꞌún, nke̱chí re̱ꞌ jee kua̱ꞌa̱nꞌ re̱ꞌ jín ráa. Jee suni kéꞌín rá ñaniꞌ ñuunꞌ Jope, ya̱ yɨ́ꞌɨ́ ráa nu̱u̱nꞌ Jesús, nku̱táꞌán ráa jín re̱ꞌ.

Hechos 15:9

Ntu káji Ndiosíꞌ néꞌyá re̱ꞌ yó jín ráa. Chi nxi̱nónoo re̱ꞌ kua̱chi yɨ́ꞌɨ́ ánímaꞌ ráa, chi kúneí iniꞌ ráa Jesús.

Hechos 10:45

Jee rá ñɨvɨ Israel kúneí iniꞌ ráa Jesús rá kútáꞌán jín Pedro nti̱vɨ́ xíniꞌ ráa, chi suni nsi̱kútaꞌviꞌ Ndiosíꞌ Ta̱chi̱ꞌ Ííꞌ nu̱u̱nꞌ rá ñɨvɨ ya̱ ntu kúvi Israel.

Juan 16:13

Soo sáá kiji Ta̱chi̱ꞌ Ííꞌ, ya̱ stúvi tu̱ꞌun na̱a̱ꞌ, jee maáréꞌ nachuꞌun re̱ꞌ ichi ránoꞌó ya̱ taji re̱ꞌ nɨꞌɨ ya̱ naáꞌ. Chi nsú ya̱ tátúníꞌ maáréꞌ vá kachiꞌ re̱ꞌ, chisaꞌ kachiꞌ re̱ꞌ rá tu̱ꞌun tésóꞌo re̱ꞌ ya̱ káchíꞌ Tátáꞌ ni̱ꞌ. Jee saꞌá re̱ꞌ ya̱ kukáꞌnú iniꞌ rán rá tiñu ya̱ kiji koo ichinúúnꞌ.

Mateo 1:20

Jee ni jiáni iniꞌ re̱ꞌ ya̱ saꞌá re̱ꞌ sukuán, jee nu̱u̱nꞌ ñuma̱ꞌná re̱ꞌ ntu̱vi ɨɨn najiáꞌáꞌ ííꞌ I̱toꞌoꞌ‑ó Ndiosíꞌ jee nkachiꞌ‑i nu̱u̱nꞌ re̱ꞌ: ―José, noꞌó ichiyúkúnꞌ tataꞌ veꞌi David, koto yúꞌví nú keꞌen nú María kuvi ña ñasɨ́ꞌɨ́ nú, chi Se̱ꞌya ya̱ nna̱nise̱ꞌya ña va̱ji‑i ne̱ nu̱u̱nꞌ Ta̱chi̱ꞌ Ííꞌ Ndiosíꞌ.

Apoclipsis 22:17

Jee Ta̱chi̱ꞌ Ííꞌ jín rá ñɨvɨ yɨ́ꞌɨ́ nu̱u̱nꞌ Ndiosíꞌ, ya̱ suviráa vá kuvi kuéntáꞌ ñaꞌan ya̱ tana̱ꞌá jín Jesús. Jee káchíꞌ ráa: ―¡Neꞌenꞌ! Jee ñɨvɨ ya̱ tésóꞌo‑o tu̱ꞌun re̱ꞌ yaꞌá, jee suni íyó kachiꞌ‑i: ―¡Neꞌenꞌ! Jee ñɨvɨ ya̱ kuéntáꞌ jíchíꞌ‑i nute jee ñúkúvi iniꞌ‑i Ndiosíꞌ, jee, ¡neꞌenꞌ!, natuꞌva nu̱u̱nꞌ re̱ꞌ jee tɨɨn saɨn‑ɨ nute koꞌo‑o ya̱ sáꞌá nute vá kutekuꞌ nú nɨ́ɨ́nkání jín re̱ꞌ.

Hechos 15:7

Jee sáá nkuvi nkuva̱a̱yuꞌú víꞌí ráa, jee nna̱kuiñɨꞌ Pedro jee nkachiꞌ re̱ꞌ nu̱u̱nꞌ ráa: ―Ránoꞌó ñaniꞌ. Jíníꞌ rán ya̱ tiempúꞌ ya̱ta̱ꞌ, nka̱ji Ndiosíꞌ nuꞌuꞌ nteñu rán, sáva stekútu̱ꞌún ni̱ꞌ tu̱ꞌun va̱ꞌa nu̱u̱nꞌ rá ñɨvɨ ntu kúvi Israel, sáva teso̱ꞌo ráa jee i̱nu̱ꞌ iniꞌ ráa.

Hechos 13:4

Saájee nkene Bernabé jín Saulo chi nchu̱ichí Ta̱chi̱ꞌ Ííꞌ Ndiosíꞌ ráa, jee ña̱ꞌa̱nꞌ ráa ñuunꞌ Seleucia. Jee ne̱ yukuán nna̱ku̱ꞌun ráa iniꞌ barkúꞌ kua̱ꞌa̱nꞌ ráa nu̱u̱nꞌ ñuunꞌ Chipre, ya̱ kúvi ñuꞌun káá sɨ́ɨ́n ma̱ꞌñú nteñúꞌún.

Hechos 13:2

Ni néñu̱ꞌun ráa I̱toꞌoꞌ‑ó, jee nééꞌ niteꞌ ráa, jee nkachiꞌ Ta̱chi̱ꞌ Ííꞌ Ndiosíꞌ nu̱u̱nꞌ ráa suꞌva: ―Sasɨ́ɨ́n rán Bernabé jín Saulo, sáva saꞌá ráa tiñu ya̱ nkana ni̱ꞌ ráa saꞌá ráa.

Hechos 1:15

Rá ki̱vɨ̱ꞌ yukuán, nku̱tútú yatin sientúꞌ o̱ko̱ꞌ (120) ñɨvɨ yukuán. Jee nnakui̱ñɨ̱ꞌ nichiꞌ Pedro nteñu rá ñanitáꞌán vá, jee nkachiꞌ‑i nu̱u̱nꞌ ráa:

Hechos 11:13

Jee nna̱kani re̱ꞌ nu̱u̱nꞌ ránꞌ, ya̱ niniꞌ re̱ꞌ ɨɨn najiáꞌáꞌ ííꞌ Ndiosíꞌ íñɨ́‑ɨ iniꞌ veꞌi re̱ꞌ, jee nkachiꞌ‑i: “Tají kéꞌín te̱e nu̱u̱nꞌ ñuunꞌ Jope, ya̱ kikeꞌen ráa Simón, ya̱ suni naní Pedro.

Hechos 28:15

Sáá nku̱káꞌnú iniꞌ rá ñaniꞌ ya̱ kúneí iniꞌ ráa Jesús nééꞌ ñuunꞌ Roma, ya̱ nkenta ránꞌ, jee nkitaꞌanꞌ ráa ránuꞌuꞌ ne̱ rá ñuunꞌ naní Foro de Apio jín Tres Tabernas. Sáá niniꞌ Pablo ráa, jee ni̱ka̱nꞌ re̱ꞌ ya̱ kútaꞌviꞌ re̱ꞌ nu̱u̱nꞌ Ndiosíꞌ, jee nna̱niꞌinꞌ neí iniꞌ re̱ꞌ.