Hechos 10:7 - Mixteco del suroeste de Tlaxiaco Oaxaca

⁷ Jee sáá nkene najiáꞌáꞌ ííꞌ ya̱ nkaꞌanꞌ‑a jín re̱ꞌ, jee nkana Cornelio u̱vi̱ꞌ musúꞌ re̱ꞌ jín ɨɨn soldado, ya̱ yɨ́tíñú‑u nu̱u̱nꞌ Ndiosíꞌ. Kúvi re̱ꞌ ɨɨn rá soldado ya̱ jiátíñú kutú Cornelio.

Hechos 10:7 ပူးပေါင်းရင်းမြစ်များ

Génesis 24:52

Jee sáá nteso̱ꞌo musúꞌ Abraham rá tu̱ꞌun nkachiꞌ ráa, jee ña̱xin nei re̱ꞌ maáréꞌ nu̱u̱nꞌ ñu̱ꞌún nu̱u̱nꞌ I̱toꞌoꞌ.

Mateo 2:13

Jee sáá ya̱ kua̱noꞌonꞌ rá te̱e tu̱ꞌva níchí xi̱ni̱ꞌ vá, saájee ntu̱vi ɨɨn najiáꞌáꞌ ííꞌ I̱toꞌoꞌ‑ó nu̱u̱nꞌ ñuma̱ꞌná José jee nkachiꞌ‑i nu̱u̱nꞌ re̱ꞌ: ―Nako̱o, keꞌen te̱lúlí jín nánáꞌ re̱ꞌ, jee kene yuꞌuꞌ kaku nú kuáꞌánꞌ jín ráa nu̱u̱nꞌ ñuꞌún ñuunꞌ Egipto, jee kino̱o rán yukuán ne̱kua̱ꞌ kachiꞌ ni̱ꞌ nu̱u̱nꞌ nú ya̱ nikó rán. Chi Herodes tají re̱ꞌ rá te̱e nanukú ráa te̱lúlí yaꞌá sáva kaꞌniꞌ ráa maa ―nkachiꞌ najiáꞌáꞌ ííꞌ vá.

Lucas 2:25

Jee saájee ni̱yo ɨɨn te̱e naní Simeón, jee nééꞌ re̱ꞌ Jerusalén jee kúvi re̱ꞌ ɨɨn te̱e na̱a̱ꞌ ya̱ yɨ́tíñú re̱ꞌ nu̱u̱nꞌ Ndiosíꞌ, jee ñúꞌún iniꞌ re̱ꞌ nétu re̱ꞌ ya̱ kiji I̱toꞌoꞌ‑ó sikáku re̱ꞌ rá ñɨvɨ ñuunꞌ Israel nasaváꞌa re̱ꞌ iniꞌ ráa. Jee Ta̱chi̱ꞌ Ííꞌ Ndiosíꞌ íyó‑o jín Simeón.

Lucas 3:14

Jee suni ni̱ka̱tu̱ꞌún sava rá soldado: ―Jee ránuꞌuꞌ, ¿ná kúvi ya̱ saꞌá ráníꞌ rúja? ―nkachiꞌ ráa. Jee nkachiꞌ re̱ꞌ nu̱u̱nꞌ ráa: ―Koto chúyúꞌví rán iniꞌ ni ɨɨn rá ñɨvɨ sáva kaneeꞌ rán xu̱ꞌún ráa, ni koto tée kuáá rán kua̱chi si̱kɨ̱ꞌ ráa, chisaꞌ kuva̱ꞌa iniꞌ rán sánikua̱ꞌ íyó ya̱ꞌvi rán.

Hechos 10:6

Nééꞌ te̱e yaꞌá veꞌi inka te̱e naní Simón, ya̱ sáꞌástákoo re̱ꞌ ñɨɨn. Veꞌi re̱ꞌ káá yatin yuꞌú nteñúꞌún ―nkachiꞌ najiáꞌáꞌ ííꞌ vá.

Hechos 10:8

Jee nna̱kani Cornelio nu̱u̱nꞌ ráa nɨꞌɨ ya̱ nkuvi, jee nchu̱ichí re̱ꞌ ráa kua̱ꞌa̱nꞌ ráa nu̱u̱nꞌ ñuunꞌ Jope.

1 Timoteo 6:2

Jee rá musúꞌ, ya̱ íyó i̱toꞌoꞌ ráa, ya̱ ínúꞌ iniꞌ rává Cristo, ntu̱ví íyó núun ka̱ꞌ sáꞌá ñáꞌnú ráa nu̱u̱nꞌ i̱toꞌoꞌ ráa, jie̱ꞌe̱ꞌ ya̱ ñaniꞌ ráa ví rává. Soo íyó saꞌá va̱ꞌa ráa ka̱ꞌ tiñu, chi i̱toꞌoꞌ ráa ya̱ ni̱ꞌi̱nꞌ tiñu váꞌa vá, kúvi ñɨvɨ ínúꞌ iniꞌ rává Cristo, jee Ndiosíꞌ jín rá musúꞌ ñúnúunꞌ ráa rává. Xinéꞌénꞌ nú jee xiníꞌvɨ́ꞌ nú iniꞌ ñɨvɨ tu̱ꞌun yaꞌá.

Filemón 1:16

Jee kuneeꞌ re̱ꞌ jín noꞌó, soo nsú kua̱chi kuéntáꞌ ɨɨn musúꞌ kéꞌen ñɨvɨ, chisaꞌ si̱kɨ̱ꞌ ka̱ꞌ kúvi re̱ꞌ ka̱ꞌ nsú káꞌ ɨɨn musúꞌ kéꞌen ñɨvɨ, chi kúvi re̱ꞌ ñaniꞌ‑ó ya̱ ñúnúunꞌ‑ó, jee ñúnúunꞌ víꞌí ni̱ꞌ maa, soo saꞌ víꞌí káꞌ kunu̱u̱nꞌ nú maa, jie̱ꞌe̱ꞌ kúvi re̱ꞌ ɨɨn ñɨvɨ jín jie̱ꞌe̱ꞌ yɨ́ꞌɨ́ re̱ꞌ nu̱u̱nꞌ I̱toꞌoꞌ‑ó.