Hechos 10:41 - Mixteco del suroeste de Tlaxiaco Oaxaca

⁴¹ Soo nsú nu̱u̱nꞌ nɨꞌɨ ñɨvɨ ntu̱vi re̱ꞌ nsa̱ꞌá Ndiosíꞌ, chisaꞌ kua̱chi nu̱u̱nꞌ ráníꞌ, chi ñani ya̱chi̱ꞌ Ndiosíꞌ ránuꞌuꞌ ne̱ ntiáꞌan nkenta tiempúꞌ, sáva nástúvi ránꞌ ya̱ naáꞌ jie̱ꞌe̱ꞌ Jesús. Ránuꞌuꞌ kúvi ya̱ nyajiꞌ nkáá ránꞌ jín re̱ꞌ, jee niꞌi ránꞌ jín re̱ꞌ, ne̱sá nna̱tekuꞌ i̱i̱ꞌ re̱ꞌ nteñu rá níꞌiꞌ.

Hechos 10:41 ပူးပေါင်းရင်းမြစ်များ

Lucas 24:30

Jee sáá ña̱kuneeꞌ re̱ꞌ yuꞌú mesa kuxíní re̱ꞌ jín ráa, jee nkeꞌen re̱ꞌ i̱xta̱tíláꞌ, jee njia̱ꞌa re̱ꞌ ya̱ kútaꞌviꞌ nu̱u̱nꞌ Ndiosíꞌ, jee ña̱ꞌnu̱ꞌ re̱ꞌ maa, jee sáá njia̱ꞌa re̱ꞌ maa nu̱u̱nꞌ ráa,

Lucas 24:48

Jee ránoꞌó kúvi ya̱ nááꞌ ya̱ nakani rá tu̱ꞌun jie̱ꞌe̱ꞌ nta̱ká ya̱ niniꞌ rán ya̱ nkuvi yaꞌá.

Juan 14:17

Máá Ta̱chi̱ꞌ Ííꞌ Ndiosíꞌ ví ya̱ chuichí re̱ꞌ, jee xínéꞌénꞌ‑e ya̱ naáꞌ jie̱ꞌe̱ꞌ Ndiosíꞌ. Jee rá ñɨvɨ ñɨ̱vɨ́ yaꞌá ya̱ ntu yɨ́ꞌɨ́ ráa nu̱u̱nꞌ Ndiosíꞌ, jee ntu̱ví kúvi ni̱ꞌi̱nꞌ ráa maa, chi ntu̱ví néꞌyá nijinꞌ ráa maa, jee ni ntu̱ví jíníꞌ ráa iniꞌ‑i. Soo ránoꞌó chi ya̱ jíníꞌ rán iniꞌ‑i chi ya̱ íyó‑o jín rán jee kɨꞌɨ‑ɨ iniꞌ rán.

Juan 14:19

Yakuꞌ ni ka̱ꞌ ki̱vɨ̱ꞌ jee nku̱níꞌ ka̱ꞌ rá ñɨvɨ ñɨ̱vɨ́ yaꞌá nuꞌuꞌ, soo ránoꞌó chi kuniꞌ rán nuꞌuꞌ. Chi jie̱ꞌe̱ꞌ tékúꞌ ni̱ꞌ nɨ́ɨ́nkání, jee saáva suni sukuán ránoꞌó ranika̱ꞌ kutekuꞌ rán nɨ́ɨ́nkání jín ni̱ꞌ.

Juan 14:22

Jee nkaꞌanꞌ Judas, ya̱ ntu kúvi Iscariote, jee nkachiꞌ‑i nu̱u̱nꞌ re̱ꞌ: ―I̱toꞌoꞌ, ¿na̱ jie̱ꞌe̱ꞌ chi nu̱u̱nꞌ ránꞌ stúvi nú maánú jee ntu nu̱u̱nꞌ rá ñɨvɨ ñɨ̱vɨ́? ―nkachiꞌ‑i.

Juan 15:16

Chi nsú ránoꞌó nka̱ji rán nuꞌuꞌ, chisaꞌ nuꞌuꞌ nka̱ji ni̱ꞌ ránoꞌó ya̱ kɨꞌɨ rán nu̱u̱nꞌ ni̱ꞌ, jee ñani ni̱ꞌ ránoꞌó kuneeꞌ tiñu si̱kɨ̱ꞌ rán, sáva saꞌá rán tiñu ni̱ꞌ kuéntáꞌ kúun uva, sáva tiñu váꞌa vá kino̱o‑o kutú‑u. Sáva néni ɨɨn ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ jee taji re̱ꞌ maa nu̱u̱nꞌ rán.

Juan 15:27

Jee suni ránoꞌó ranika̱ꞌ, naku̱ꞌva rán ya̱ naáꞌ jie̱ꞌe̱ꞌ nuꞌuꞌ, chi kútáꞌán rán jín nuꞌuꞌ ne̱ tiempúꞌ xíꞌnañúꞌún ya̱ nka̱jiéꞌé ni̱ꞌ nna̱kani ni̱ꞌ rá tu̱ꞌun váꞌa ni̱ꞌ nu̱u̱nꞌ rá ñɨvɨ.

Juan 21:13

Kuíre nku̱yatin Jesús nu̱u̱nꞌ ráa, jee ntɨɨn re̱ꞌ i̱xta̱tíláꞌ vá jee njia̱ꞌa re̱ꞌ maa nu̱u̱nꞌ ráa, jee suni sukuán nsa̱ꞌá re̱ꞌ jín tia̱ká.

Hechos 1:22

ne̱ sáá nsi̱kuánuté Juan Jesús jín ne̱ ki̱vɨ̱ꞌ nxi̱nóo Jesús maáó jee nnaa‑a súkún. Jee te̱e vá íyó kuiñɨ re̱ꞌ jín ránꞌ, sáva istúvi re̱ꞌ ya̱ naáꞌ nu̱u̱nꞌ rá ñɨvɨ, ya̱ Jesús nna̱tekuꞌ i̱i̱ꞌ‑i jee nnako̱o ñunéꞌyúꞌ‑u nteñu rá níꞌiꞌ ―nkachiꞌ Pedro.

Hechos 1:4

Sáá nééꞌ tútú re̱ꞌ jín ráa, nta̱túníꞌ re̱ꞌ nu̱u̱nꞌ ráa: ―Koto kéne rán ñuunꞌ káꞌnú Jerusalén. Kunetu rán ne̱ ni̱ꞌi̱nꞌ rán ya̱ nchi̱sóyuꞌú Tátáꞌ ni̱ꞌ, sánikua̱ꞌ nteso̱ꞌo rán ya̱ nkachiꞌ ni̱ꞌ nu̱u̱nꞌ rán.

Hechos 10:39

’Jee ránuꞌuꞌ, nástúvi ránꞌ ya̱ naáꞌ nɨꞌɨ ya̱ nsa̱ꞌá re̱ꞌ sánitɨ́ɨn Judea jín ñuunꞌ káꞌnú Jerusalén. Yukuán jee suni ñaꞌniꞌ ráa re̱ꞌ, chi nte̱kaa ráa re̱ꞌ nu̱u̱nꞌ kurúsiꞌ.

Hechos 13:31

Nku̱kueꞌeꞌ ki̱vɨ̱ꞌ ya̱ ntu̱vi re̱ꞌ nu̱u̱nꞌ rá ñɨvɨ nku̱táꞌán jín re̱ꞌ, sáá nkene re̱ꞌ Galilea jee nikanuun re̱ꞌ ne̱ ñuunꞌ Jerusalén. Jee ntañúꞌún suviráa kúvi ya̱ nástúvi ya̱ naáꞌ jie̱ꞌe̱ꞌ re̱ꞌ nu̱u̱nꞌ rá ñɨvɨ.