Hechos 1:8 - Mixteco del suroeste de Tlaxiaco Oaxaca

⁸ Soo ni̱ꞌi̱nꞌ rán fuersáꞌ ííꞌ sáá kenta Ta̱chi̱ꞌ Ííꞌ kɨꞌɨ re̱ꞌ iniꞌ rán. Jee kuvi rán ñɨvɨ, ya̱ istúvi rán ya̱ naáꞌ jie̱ꞌe̱ꞌ nuꞌuꞌ nu̱u̱nꞌ rá ñɨvɨ ñuunꞌ Jerusalén jín nu̱u̱nꞌ nɨꞌɨ rá sánitɨ́ɨn Judea jín Samaria, jín nu̱u̱nꞌ rá ñɨvɨ íyó rá ñuunꞌ íká ka̱ꞌ nu̱u̱nꞌ nɨ́ɨ́nkáꞌnú ñɨ̱vɨ́ ―nkachiꞌ Jesús.

Hechos 1:8 ပူးပေါင်းရင်းမြစ်များ

Mateo 24:14

Jee tu̱ꞌun váꞌa yaꞌá ya̱ káꞌánꞌ‑a jie̱ꞌe̱ꞌ ya̱ kúvi ki̱vɨ̱ꞌ ñɨvɨ naꞌá Ndiosíꞌ nu̱u̱nꞌ tátúníꞌ re̱ꞌ nu̱u̱nꞌ ráa te̱ku̱tu̱ꞌún‑u nu̱u̱nꞌ nɨ́ɨ́nkáꞌnú nu̱u̱nꞌ ñɨ̱vɨ́ yaꞌá, sáva stúvi ya̱ nááꞌ nu̱u̱nꞌ ñɨvɨ nta̱ká ñuunꞌ ñɨ̱vɨ́ yaꞌá, saájee kenta ji̱nu tiempúꞌ nu̱u̱nꞌ nɨ́ꞌɨ.

Mateo 28:19

Saáva kuáꞌán rán xinéꞌénꞌ rán tu̱ꞌun váꞌa ni̱ꞌ nu̱u̱nꞌ ñɨvɨ ntáká rá ñuunꞌ sáva kuneí iniꞌ ráa nuꞌuꞌ jee ki̱vɨ ráa xi̱ntíín ni̱ꞌ ya̱ sukuáꞌa ráa tu̱ꞌun ni̱ꞌ, jee sikuánuté rán ráa nu̱u̱nꞌ súví Tátáꞌ‑ó Ndiosíꞌ jín Se̱ꞌya re̱ꞌ, jín Ta̱chi̱ꞌ Ííꞌ re̱ꞌ.

Marcos 16:15

Jee nkachiꞌ re̱ꞌ nu̱u̱nꞌ ráa: ―Kuáꞌán rán kua̱íyó ñɨ̱vɨ́, jee stekútu̱ꞌún rán tu̱ꞌun váꞌa jie̱ꞌe̱ꞌ nuꞌuꞌ nu̱u̱nꞌ rá ñɨvɨ kua̱íyó ñɨ̱vɨ́, ya̱ nsa̱ꞌá Ndiosíꞌ.

Lucas 1:35

Jee nna̱xiníkó najiáꞌáꞌ ííꞌ vá nu̱u̱nꞌ ña: ―Ta̱chi̱ꞌ Ííꞌ kiji‑i nu̱u̱nꞌ noꞌó, jee kiji fuersáꞌ níꞌin níso maá Ndiosíꞌ máá ñáꞌnú ka̱ꞌ nu̱u̱nꞌ nɨꞌɨ jee kenta‑a kikasɨꞌ kátɨ́‑ɨ noꞌó jee saꞌá‑a tiñu a̱nasɨ́ jín noꞌó. Jee saáva te̱e lúlí i̱i̱ꞌ ya̱ kaku vá kuna̱ní‑i Se̱ꞌya Ndiosíꞌ.

Lucas 10:19

Kune̱ꞌyá rán, ntaji ni̱ꞌ nu̱u̱nꞌ ránoꞌó tiñu ñáꞌnú ííꞌ níꞌin níso ni̱ꞌ ya̱ kuvi kua̱ñu̱ꞌ ránú ko̱o̱ꞌ jín ti̱suꞌmaꞌ, jín ya̱ suni kuneí rán nu̱u̱nꞌ nɨꞌɨ fuersáꞌ rá kui̱ꞌna̱ꞌ ya̱ nkenta si̱kɨ̱ꞌ Ndiosíꞌ jee ni ɨɨn ntu̱náꞌ kúvi xtufíꞌ ránoꞌó.

Lucas 24:29

Jee nte̱tuvi ráa re̱ꞌ ya̱ kino̱o re̱ꞌ jín ráa, jee nkachiꞌ ráa nu̱u̱nꞌ re̱ꞌ: ―Kino̱o nú jín ránuꞌuꞌ yaꞌá, chi yánini, ya̱ kúnéñuꞌun ―nkachiꞌ ráa. Saájee nki̱vɨ Jesús yukuán sáva nkino̱o re̱ꞌ jín ráa.

Juan 15:27

Jee suni ránoꞌó ranika̱ꞌ, naku̱ꞌva rán ya̱ naáꞌ jie̱ꞌe̱ꞌ nuꞌuꞌ, chi kútáꞌán rán jín nuꞌuꞌ ne̱ tiempúꞌ xíꞌnañúꞌún ya̱ nka̱jiéꞌé ni̱ꞌ nna̱kani ni̱ꞌ rá tu̱ꞌun váꞌa ni̱ꞌ nu̱u̱nꞌ rá ñɨvɨ.

Hechos 1:22

ne̱ sáá nsi̱kuánuté Juan Jesús jín ne̱ ki̱vɨ̱ꞌ nxi̱nóo Jesús maáó jee nnaa‑a súkún. Jee te̱e vá íyó kuiñɨ re̱ꞌ jín ránꞌ, sáva istúvi re̱ꞌ ya̱ naáꞌ nu̱u̱nꞌ rá ñɨvɨ, ya̱ Jesús nna̱tekuꞌ i̱i̱ꞌ‑i jee nnako̱o ñunéꞌyúꞌ‑u nteñu rá níꞌiꞌ ―nkachiꞌ Pedro.

Hechos 1:5

Chi Juan nsi̱kuánuté nijia re̱ꞌ jín nute, soo ntu kuéꞌeꞌ ka̱ꞌ ki̱vɨ̱ꞌ, ránoꞌó kuanuté jín Ta̱chi̱ꞌ Ííꞌ Ndiosíꞌ, jee kɨꞌɨ re̱ꞌ iniꞌ rán ―nkachiꞌ Jesús.

Hechos 13:31

Nku̱kueꞌeꞌ ki̱vɨ̱ꞌ ya̱ ntu̱vi re̱ꞌ nu̱u̱nꞌ rá ñɨvɨ nku̱táꞌán jín re̱ꞌ, sáá nkene re̱ꞌ Galilea jee nikanuun re̱ꞌ ne̱ ñuunꞌ Jerusalén. Jee ntañúꞌún suviráa kúvi ya̱ nástúvi ya̱ naáꞌ jie̱ꞌe̱ꞌ re̱ꞌ nu̱u̱nꞌ rá ñɨvɨ.

Hechos 2:32

Nxi̱nátekuꞌ i̱i̱ꞌ Ndiosíꞌ Jesús yaꞌá jee nxi̱nákóo re̱ꞌ ñunéꞌyúꞌ‑u. Jee ntáká ráníꞌ nákúꞌva ya̱ naáꞌ jie̱ꞌe̱ꞌ vá nu̱u̱nꞌ nɨꞌɨ ñɨvɨ, chi niniꞌ ránꞌ maa.

Hechos 22:15

Chi suvinú nastúvi nú ya̱ naáꞌ jie̱ꞌe̱ꞌ re̱ꞌ nu̱u̱nꞌ nɨꞌɨ rá ñɨvɨ, ya̱ niniꞌ nú jín ya̱ nteso̱ꞌo nú.

Hechos 3:15

Jee ñaꞌniꞌ rán maáréꞌ, ya̱ sáꞌá re̱ꞌ kutekuꞌ ñɨvɨ. Soo Ndiosíꞌ nna̱xtekúꞌ re̱ꞌ maa nteñu rá níꞌiꞌ. Jee niniꞌ ráníꞌ yaꞌá, jee nástúvi ránꞌ ya̱ naáꞌ nu̱u̱nꞌ rá ñɨvɨ jie̱ꞌe̱ꞌ ya̱ nsa̱ꞌá re̱ꞌ maa.

Hechos 4:33

Jín fuersáꞌ ííꞌ nasɨ́kuitɨꞌ níso Ndiosíꞌ, nna̱stúvi rá te̱e kúvi apóstol ya̱ naáꞌ nu̱u̱nꞌ rá ñɨvɨ, ya̱ I̱toꞌoꞌ‑ó Jesús nnako̱o tuku‑u jee nna̱tekuꞌ‑u. Jee íyó mániꞌ nasɨ́kuitɨꞌ iniꞌ re̱ꞌ néꞌyá re̱ꞌ ntáká ráa.

Hechos 5:32

Jee ránuꞌuꞌ niniꞌ ránꞌ maa jee nástúvi ránꞌ ya̱ naáꞌ jie̱ꞌe̱ꞌ vá. Jee suni nástúvi Ta̱chi̱ꞌ Ííꞌ Ndiosíꞌ maa. Chi Ndiosíꞌ jiáꞌa re̱ꞌ Ta̱chi̱ꞌ Ííꞌ re̱ꞌ nu̱u̱nꞌ rá ñɨvɨ káníjiá ráa re̱ꞌ ―nkachiꞌ Pedro jín rá inka apóstol chúichí Ndiosíꞌ.

Hechos 6:8

Jee yɨ́tuvi nasɨ́kuitɨꞌ Ndiosíꞌ Esteban. Jee njia̱ꞌa Ndiosíꞌ ya̱ ííꞌ níso‑o nu̱u̱nꞌ re̱ꞌ, ya̱ nsa̱ꞌá re̱ꞌ a̱nasɨ́ ya̱ tívɨ́ xíniꞌ ñɨvɨ jín seña nteñu rá ñɨvɨ, ya̱ stúvi ya̱ ñáꞌnú ví Ndiosíꞌ.

Hechos 8:1

Jee nuún jiáni iniꞌ Saulo jín ráa kaꞌniꞌ ráa Esteban. Jee maá ki̱vɨ̱ꞌ yukuán, nka̱jiéꞌé nsa̱ꞌá kini ráa rá ñɨvɨ ya̱ kúneí iniꞌ rává Jesús ya̱ kútútú rává ñuunꞌ Jerusalén. Jee nɨꞌɨ rá ñɨvɨ vá ñe̱te̱nuun ráa nu̱u̱nꞌ nɨꞌɨ rá ñuunꞌ tɨ́ɨn Judea jín Samaria. Soo nkino̱o métúꞌún rá nísotíñú apóstol.

Romanos 10:18

Soo káchíꞌ ni̱ꞌ: ¿Á ntiáꞌan teso̱ꞌo ráa maa? Maá nááꞌ nijia ya̱ nteso̱ꞌo ráa maa. Káchíꞌ nu̱u̱nꞌ Tutuꞌ Ííꞌ: Nu̱u̱nꞌ nta̱ká ichi nu̱u̱nꞌ ñu̱ꞌún yaꞌá ñe̱te̱nuun tu̱ꞌun re̱ꞌ tékútu̱ꞌún‑u, jín ne̱ nu̱u̱nꞌ jínu ñɨ̱vɨ́ yaꞌá nkenta tu̱ꞌun ráa jie̱ꞌe̱ꞌ re̱ꞌ.

Romanos 15:19

jín ya̱ káꞌánꞌ ni̱ꞌ jie̱ꞌe̱ꞌ ya̱ nsa̱ꞌá re̱ꞌ jín ni̱ꞌ rá seña ya̱ níso fuersáꞌ ííꞌ jín rá a̱nasɨ́ sáva stúvi ya̱ kúñáꞌnú re̱ꞌ, chi Ta̱chi̱ꞌ Ííꞌ re̱ꞌ nsa̱ꞌá maa jín fuersáꞌ ííꞌ níso re̱ꞌ. Nsa̱ꞌá re̱ꞌ nɨꞌɨ yaꞌá sáva sikúnkuvi ni̱ꞌ stekútu̱ꞌún ni̱ꞌ tu̱ꞌun váꞌa jie̱ꞌe̱ꞌ Cristo ne̱ ñuunꞌ Jerusalén, jín ntáká rá ñuunꞌ ya̱ káá ni̱kótíyu ntáká ichi yukuán, kénta kua̱íyó ne̱ rá ñuunꞌ ya̱ sánitɨ́ɨn ñuunꞌ Ilírico.

Colosenses 1:23

Jee sukuán sáꞌá re̱ꞌ, nu̱u̱nꞌ na̱a̱ꞌ nijia ya̱ kúníꞌin rán kúkutú rán kúneí iniꞌ rán Cristo, jee íñɨ́ ni̱ꞌin rán. Jee ntu núsɨ́ɨ́n rán nu̱u̱nꞌ ya̱ íyó tu̱ꞌun neí iniꞌ‑ó ya̱ nanitáꞌvíꞌ‑ó, ya̱ táji tu̱ꞌun váꞌa jie̱ꞌe̱ꞌ Cristo nu̱u̱nꞌ‑ó, ya̱ nteso̱ꞌo rán. Chi tu̱ꞌun váꞌa yaꞌá tékútu̱ꞌún‑u kua̱íyó rá ñuunꞌ ñɨ̱vɨ́ yaꞌá. Jee nuꞌuꞌ Pablo nkenta kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ stékútu̱ꞌún ni̱ꞌ tu̱ꞌun váꞌa vá.