Hechos 1:13 - Mixteco del suroeste de Tlaxiaco Oaxaca

¹³ Sáá nkenta ráa ñuunꞌ vá, jee nkaa ráa iniꞌ veꞌi yósóꞌ táꞌán nu̱u̱nꞌ nkino̱o ráa. Ni̱yo Pedro, jín Juan, jín Jacobo, jín Andrés, jín Felipe, jín Tomás, jín Bartolomé, jín Mateo, jín Jacobo, ya̱ kúvi se̱ꞌya Alfeo, jín Simón, ya̱ nyɨꞌɨ ñujiínꞌ Celote, jín Judas ya̱ kúvi ñaniꞌ Jacobo.

Hechos 1:13 ပူးပေါင်းရင်းမြစ်များ

Hechos 20:8

Yɨ́ꞌɨ́ víꞌí kantil iniꞌ veꞌi súkún nu̱u̱nꞌ kútútú ránꞌ.

Lucas 22:12

Jee suvire̱ꞌ xinéꞌénꞌ re̱ꞌ ránó ɨɨn iniꞌ veꞌi káꞌnú yósóꞌ táꞌán yósóꞌ súkún si̱kɨ̱ꞌ, ya̱ nɨꞌɨ ya̱ íyó stákoo. Yukuán saꞌá stákoo rán ya̱ kuxíní‑ó ―nkachiꞌ Jesús.

Marcos 14:15

Jee suvire̱ꞌ xinéꞌénꞌ re̱ꞌ nu̱u̱nꞌ ránó ɨɨn iniꞌ veꞌi káꞌnú yósóꞌ táꞌán, ya̱ nɨꞌɨ ya̱ íyó stákoo. Yukuán saꞌá stákoo rán ya̱ kuxíní‑ó ―nkachiꞌ Jesús nu̱u̱nꞌ ráa.

Marcos 2:14

Sáá kua̱jia̱ꞌa re̱ꞌ, jee niniꞌ re̱ꞌ ɨɨn te̱e naní Leví, se̱ꞌya Alfeo, nééꞌ‑e vetíñú nu̱u̱nꞌ tɨ́ɨn‑ɨ xu̱ꞌún náneeꞌ ñuunꞌ Roma. Jee nkachiꞌ Jesús nu̱u̱nꞌ re̱ꞌ: ―Kunikɨnꞌ nuꞌuꞌ. I̱ña̱jée nna̱kuiñɨꞌ Leví jee nchi̱nikɨnꞌ‑ɨ Jesús kua̱ꞌa̱nꞌ‑a jín re̱ꞌ.

Santiago 1:1

Maáníꞌ Jacobo, ya̱ kúvi ni̱ꞌ musúꞌ Ndiosíꞌ jín I̱toꞌoꞌ‑ó Jesús ya̱ níso re̱ꞌ tiñu Cristo, ya̱ ñani Ndiosíꞌ sáva tatúníꞌ nu̱u̱nꞌ nɨꞌɨ, tée ni̱ꞌ tutuꞌ yaꞌá nu̱u̱nꞌ ránoꞌó ya̱ kúneí iniꞌ Jesús, ya̱ kúvi rán sava ni uxúꞌ u̱vi̱ꞌ (12) rá tataꞌ ichiyúkúnꞌ nkene rán nu̱u̱nꞌ Israel, ya̱ ñéte̱nuun nu̱u̱nꞌ ñɨ̱vɨ́ yaꞌá. Tájí ni̱ꞌ tu̱ꞌun káva̱ꞌa nu̱u̱nꞌ rán.

Hechos 12:17

Jee nsa̱naꞌá re̱ꞌ nu̱u̱nꞌ ráa sáva kuniꞌín ráa. Jee nna̱kani re̱ꞌ nu̱u̱nꞌ ráa na̱ja vá ntavaꞌ I̱toꞌoꞌ‑ó re̱ꞌ iniꞌ veka̱a, jee nkachiꞌ re̱ꞌ: ―Nakani rán maa nu̱u̱nꞌ Jacobo jín rá ñani kúneí iniꞌ ráa Jesús. Jee nkene re̱ꞌ kua̱ꞌa̱nꞌ re̱ꞌ inka nu̱u̱nꞌ.

Hechos 2:38

Jee nna̱xiníkó Pedro nu̱u̱nꞌ ráa: ―Nakani iniꞌ rán kua̱chi rán, jee kuanuté rán, sáva stúvi rán ya̱ ya nki̱vɨ rán nu̱u̱nꞌ Jesús ya̱ kúvi Cristo, sáva kunekáꞌnú iniꞌ Ndiosíꞌ kua̱chi rán, jee kutaꞌviꞌ rán Ta̱chi̱ꞌ Ííꞌ re̱ꞌ.

Judas 1:1

Nuꞌuꞌ Judas, ya̱ kúvi ni̱ꞌ musúꞌ Jesús, níso re̱ꞌ tiñu Cristo ya̱ ñani Ndiosíꞌ re̱ꞌ sáva tatúníꞌ re̱ꞌ nu̱u̱nꞌ nɨꞌɨ. Jee kúvi ni̱ꞌ ñaniꞌ Jacobo. Jee tée ni̱ꞌ tutuꞌ yaꞌá nu̱u̱nꞌ ránoꞌó ñɨvɨ ya̱ nkana Tátáꞌ‑ó Ndiosíꞌ ránoꞌó kɨꞌɨ rán nu̱u̱nꞌ re̱ꞌ, jee ñúnúunꞌ re̱ꞌ ránoꞌó. Jee maá Jesús, ya̱ kúvi re̱ꞌ Cristo, jee kúmí re̱ꞌ ránoꞌó ya̱ yɨ́ꞌɨ́ rán xi̱ntíín re̱ꞌ.

Gálatas 2:9

Jee jíníꞌ rá ñɨvɨ ya̱ Jacobo, Pedro, jín Juan ví rá te̱e kúñáꞌnú nu̱u̱nꞌ rá ñɨvɨ ya̱ kúneí iniꞌ ráa Jesús. Jee ni núníꞌ ráa nsa̱ꞌá kuéntáꞌ ya̱ ntaji Ndiosíꞌ tiñu vá nu̱u̱nꞌ ni̱ꞌ jee chíneí chítuvi re̱ꞌ nuꞌuꞌ. Jee ntɨɨn ráa naꞌá ni̱ꞌ jín Bernabé, jie̱ꞌe̱ꞌ nkuva̱ꞌa iniꞌ ráa nne̱ꞌyá ráa ránuꞌuꞌ. Nsa̱ꞌá ráa suꞌva sáva stúvi ráa ya̱ kúnuún iniꞌ nta̱ká ránꞌ ya̱ kɨ̱satíñú ni̱ꞌ jín Bernabé nteñu rá ñɨvɨ inka nación, jee kɨ̱satíñú ráa nteñu rá ñɨvɨ ya̱ kúvi ichiyúkúnꞌ Israel.

Gálatas 1:19

Soo ntu níníꞌ ni̱ꞌ ni ɨɨn rá inka te̱e níso ráa tiñu apóstol. Kua̱chi Jacobo niniꞌ ni̱ꞌ ya̱ kúvi re̱ꞌ ñaniꞌ I̱toꞌoꞌ‑ó Jesús.

Hechos 15:13

Sáá nkuvi nkaꞌanꞌ ráa, nka̱jiéꞌé nkaꞌanꞌ Jacobo jee nkachiꞌ‑i: ―Ránoꞌó ñaniꞌ. Teso̱ꞌo rán nuꞌuꞌ.

Hechos 4:19

Soo Pedro jín Juan nkachiꞌ rává nu̱u̱nꞌ ráa: ―I̱ña̱vá kachiꞌ maárán ré na̱a̱ꞌ ví‑i nu̱u̱nꞌ Ndiosíꞌ, retú kaníjiá ránꞌ ránoꞌó, nsú káꞌ kaníjiá ránꞌ Ndiosíꞌ.

Hechos 4:13

Jee sáá niniꞌ ráa ya̱ chúneí iniꞌ Pedro jín Juan, jee sáá nku̱káꞌnú iniꞌ ráa ya̱ nsú te̱e nsu̱kuáꞌa víꞌí ví rává jee kúvi rává te̱e saɨn, jee nti̱vɨ́ xi̱ni̱ꞌ ráa. Jee nna̱kuniꞌ ráa ya̱ kúvi rává rá te̱e nku̱táꞌán rává jín Jesús.

Hechos 2:14

Nna̱kuiñɨꞌ Pedro jín rá ni ujíꞌ ɨɨn (11) ka̱ꞌ te̱e, jee nkaꞌanꞌ ni̱ꞌin re̱ꞌ, jee nkachiꞌ re̱ꞌ nu̱u̱nꞌ ráa: ―¡Ránoꞌó se̱ꞌya ñuunꞌ Israel! ¡Jín ntáká ránoꞌó nééꞌ ñuunꞌ Jerusalén! ¡Chuꞌun xi̱ni̱ꞌ rán yaꞌá! ¡Jee teso̱ꞌo va̱ꞌa rán tu̱ꞌun ni̱ꞌ!

Juan 21:2

Íñɨ́ nkáá Simón Pedro, jín Tomás ya̱ káꞌánꞌ ráa kuatíꞌ, jín Natanael ya̱ kúvi re̱ꞌ te̱e ñuunꞌ Caná ya̱ kúvi ñuunꞌ tɨ́ɨn Galilea, jín rá se̱ꞌya Zebedeo, jín u̱vi̱ꞌ ka̱ꞌ rá te̱e súkuáꞌa Jesús ráa.

Juan 18:17

Saájee ñaꞌan ya̱ kúvi musúꞌ ya̱ kúmí yuvéꞌí vá nkachiꞌ ña nu̱u̱nꞌ Pedro: ―¿Á nsú suni noꞌó kúvi ɨɨn rá te̱e ya̱ nku̱táꞌán nnikɨnꞌ nsu̱kuáꞌa jín te̱e yaꞌá? ―nkachiꞌ ña. Nkachiꞌ Pedro: ―Nsu̱ví‑nꞌ kúvi‑i.

Juan 11:16

Saájee Tomás, ya̱ suni naní re̱ꞌ kuatíꞌ, jee nkachiꞌ re̱ꞌ nu̱u̱nꞌ rá táꞌán ya̱ súkuáꞌa nkáá re̱ꞌ jín ráa jín Jesús: ―Suni nkóꞌónꞌ‑órán ranika̱ꞌ sáva kuviꞌ nkáá‑órán jín re̱ꞌ ―nkachiꞌ Tomás.

Marcos 14:33

Jee nkeꞌen re̱ꞌ Pedro, Jacobo jín Juan, jee nka̱jiéꞌé nku̱kuíꞌyá iniꞌ re̱ꞌ jee nna̱niꞌvɨꞌ víꞌí iniꞌ re̱ꞌ.

Marcos 9:2

Jee ki̱vɨ̱ꞌ íñúꞌ, nnaka Jesús kua̱chi Pedro, Jacobo, jín Juan, jee kua̱ꞌa̱nꞌ maáréꞌ jín ráa nu̱u̱nꞌ ɨɨn yuku súkún. Jee yukuán nsama re̱ꞌ sáá ntu̱vi re̱ꞌ nu̱u̱nꞌ ráa.

Marcos 5:37

Jee ntu njiáꞌa re̱ꞌ ni ɨɨn ñɨvɨ kutáꞌán ráa jín re̱ꞌ, chisaꞌ kua̱chi Pedro, Jacobo jín Juan, ya̱ kúvi ñaniꞌ Jacobo nku̱táꞌán ráa jín re̱ꞌ.

Mateo 9:9

Jee sáá nkene Jesús yukuán, jee kua̱ꞌa̱nꞌ re̱ꞌ, jee niniꞌ re̱ꞌ ɨɨn te̱e naní Mateo, nééꞌ‑e vetíñú nu̱u̱nꞌ tɨ́ɨn‑ɨ xu̱ꞌún náneeꞌ ñuunꞌ Roma, jee nkachiꞌ Jesús nu̱u̱nꞌ‑u: ―Kunikɨnꞌ nuꞌuꞌ ―nkachiꞌ re̱ꞌ, jee nna̱kuiñɨꞌ‑ɨ jee nchi̱nikɨnꞌ‑ɨ Jesús kua̱ꞌa̱nꞌ‑a jín re̱ꞌ.

2 Juan 1:1

Nuꞌuꞌ, [Juan] ya̱ kúvi ni̱ꞌ ɨɨn rá te̱e kúñáꞌnú nu̱u̱nꞌ rá ñɨvɨ kúneí iniꞌ Jesús, tée ni̱ꞌ tutuꞌ yaꞌá nu̱u̱nꞌ ñaꞌan ya̱ nka̱ji Ndiosíꞌ, jín suni nu̱u̱nꞌ rá se̱ꞌya ña, ya̱ ñúnúunꞌ nijia ni̱ꞌ. Jee nsáꞌ kua̱chi métúꞌún nuꞌuꞌ ni̱ꞌ, chi suni nta̱ká rá ñɨvɨ ya̱ ntɨɨn tu̱ꞌun na̱a̱ꞌ Jesús ñúnúunꞌ ráa ránoꞌó,

1 Corintios 15:7

Jee kuíre suni ntu̱ví re̱ꞌ nu̱u̱nꞌ Jacobo, jee kuíre suni tuku nu̱u̱nꞌ ntáká rá te̱e níso ráa tiñu apóstol re̱ꞌ.

Juan 14:22

Jee nkaꞌanꞌ Judas, ya̱ ntu kúvi Iscariote, jee nkachiꞌ‑i nu̱u̱nꞌ re̱ꞌ: ―I̱toꞌoꞌ, ¿na̱ jie̱ꞌe̱ꞌ chi nu̱u̱nꞌ ránꞌ stúvi nú maánú jee ntu nu̱u̱nꞌ rá ñɨvɨ ñɨ̱vɨ́? ―nkachiꞌ‑i.