Hebreos 2:3 - Mixteco del suroeste de Tlaxiaco Oaxaca

³ Jee nu̱u̱nꞌ ni̱yo sukuán, jee maáórán, ¿na̱sa ka̱ꞌ vá saꞌá‑ó jee kaku‑ó nu̱u̱nꞌ tu̱nóꞌó vá, retú ntu nénu̱u̱nꞌ‑ó chuꞌun iniꞌ‑ó jie̱ꞌe̱ꞌ tu̱ꞌun máá ñáꞌnú káꞌ jie̱ꞌe̱ꞌ ya̱ na̱sa natavaꞌ Jesús yó nu̱u̱nꞌ kua̱chi‑ó sikáku re̱ꞌ yó rúja? Chi xíꞌna ka̱ꞌ nkachitu̱ꞌún maá I̱toꞌoꞌ‑ó Jesús tu̱ꞌun yaꞌá, jee kuíre rá te̱e ya̱ nteso̱ꞌo maa, jee nna̱stúvi ráa ya̱ naáꞌ jie̱ꞌe̱ꞌ tu̱ꞌun yaꞌá nu̱u̱nꞌ‑órán

Hebreos 2:3 ပူးပေါင်းရင်းမြစ်များ

Mateo 23:33

’¡Ko̱o̱ꞌ ránoꞌó! ¡Se̱ꞌya ko̱o̱ꞌ xe̱e̱nꞌ ví ránoꞌó! ¿Na̱ja kuvi ka̱ku rán nu̱u̱nꞌ sikɨ́naanꞌ Ndiosíꞌ ránoꞌó kɨ̱ꞌɨ̱nꞌ rán nu̱u̱nꞌ ñuꞌúnꞌ xéénꞌ?

Mateo 4:17

Jee ne̱ tiempúꞌ yukuán nka̱jiéꞌé Jesús stékútu̱ꞌún re̱ꞌ jee nkachiꞌ re̱ꞌ: ―Nakani iniꞌ rán xinóo rán kua̱chi rán, chi ya nkikuyatin nu̱u̱nꞌ rán ya̱ kuvi ki̱vɨ rán naꞌá Ndiosíꞌ ya̱ nééꞌ re̱ꞌ antivɨ́ súkún sáva tatúníꞌ re̱ꞌ nu̱u̱nꞌ rán ―nkachiꞌ Jesús.

Marcos 1:14

Sáá ntɨɨn ráa Juan nchiꞌi ráa maa veka̱a, jee ña̱ꞌa̱nꞌ Jesús Galilea stékútu̱ꞌún re̱ꞌ tu̱ꞌun váꞌa Ndiosíꞌ, [jie̱ꞌe̱ꞌ na̱ja tátúníꞌ Ndiosíꞌ],

Lucas 1:2

sánikua̱ꞌ nákani rá ñɨvɨ niniꞌ jínúunꞌ ráa maa nu̱u̱nꞌ ráníꞌ ne̱ xíꞌnañúꞌún, jee yɨ́tíñú ráa xínéꞌénꞌ ráa tu̱ꞌun Jesús.

Lucas 1:69

Chi nchu̱ichí re̱ꞌ ɨɨn ya̱ níso‑o fuersáꞌ ííꞌ ya̱ sikáku‑u yó, jee kiji‑i kaku‑u nu̱u̱nꞌ tataꞌ ichiyúkúnꞌ va̱ji nu̱u̱nꞌ David, ya̱ nkuvi‑i musúꞌ re̱ꞌ,

Lucas 24:19

Saájee nkachiꞌ Jesús nu̱u̱nꞌ ráa: ―¿Na̱kuá nkuvi résa? ―nkachiꞌ re̱ꞌ. Jee nkachiꞌ ráa nu̱u̱nꞌ re̱ꞌ: ―Jie̱ꞌe̱ꞌ ya̱ nkuvi jín Jesús, te̱e ñuunꞌ Nazaret, ya̱ nkuvi re̱ꞌ ɨɨn te̱e ya̱ nna̱kani tu̱ꞌun nkene yuꞌú Ndiosíꞌ jee nniso re̱ꞌ fuersáꞌ ííꞌ Ndiosíꞌ ya̱ nsa̱ꞌá re̱ꞌ rá máá tiñu a̱nasɨ́ nasɨ́kuitɨꞌ jín ya̱ nna̱kani re̱ꞌ máá Tu̱ꞌun Ndiosíꞌ, jee jíníꞌ Ndiosíꞌ jín nɨꞌɨ rá ñɨvɨ maa.

Juan 15:27

Jee suni ránoꞌó ranika̱ꞌ, naku̱ꞌva rán ya̱ naáꞌ jie̱ꞌe̱ꞌ nuꞌuꞌ, chi kútáꞌán rán jín nuꞌuꞌ ne̱ tiempúꞌ xíꞌnañúꞌún ya̱ nka̱jiéꞌé ni̱ꞌ nna̱kani ni̱ꞌ rá tu̱ꞌun váꞌa ni̱ꞌ nu̱u̱nꞌ rá ñɨvɨ.

Hechos 1:22

ne̱ sáá nsi̱kuánuté Juan Jesús jín ne̱ ki̱vɨ̱ꞌ nxi̱nóo Jesús maáó jee nnaa‑a súkún. Jee te̱e vá íyó kuiñɨ re̱ꞌ jín ránꞌ, sáva istúvi re̱ꞌ ya̱ naáꞌ nu̱u̱nꞌ rá ñɨvɨ, ya̱ Jesús nna̱tekuꞌ i̱i̱ꞌ‑i jee nnako̱o ñunéꞌyúꞌ‑u nteñu rá níꞌiꞌ ―nkachiꞌ Pedro.

Hechos 2:22

Jee suni nkachiꞌ Pedro nu̱u̱nꞌ ráa: ―¡Ránoꞌó tántéyɨ́ɨ́ Israel! Teso̱ꞌo rán rá tu̱ꞌun yaꞌá. Jesús, ya̱ váji ñuunꞌ Nazaret, nstúvi Ndiosíꞌ nteñu ránoꞌó ya̱ nchu̱ichí re̱ꞌ maa. Chi nsa̱ꞌá Ndiosíꞌ, ya̱ nsa̱ꞌá re̱ꞌ rá milagrúꞌ, rá tiñu a̱nasɨ́ ya̱ nsa̱ꞌá‑a ya̱ nti̱vɨ́ xíniꞌ‑ó, jín rá seña, ya̱ stúvi ya̱ kúñáꞌnú ví re̱ꞌ. Nsa̱ꞌá re̱ꞌ rá yaꞌá nteñu ránú, sáni ya̱ jíníꞌ ránú.

Hechos 4:12

Soo kua̱chi Jesús kúvi natavaꞌ re̱ꞌ yó nu̱u̱nꞌ kua̱chi‑ó xinánitáꞌvíꞌ re̱ꞌ yó, chi ntu̱né íyó inka ka̱ꞌ nu̱u̱nꞌ kɨꞌɨ‑ó sáva nanitáꞌvíꞌ‑ó. Chi ntu̱né íyó inka ka̱ꞌ súví ni ɨɨn ñɨvɨ nu̱u̱nꞌ ñɨ̱vɨ́ yaꞌá ya̱ njia̱ꞌa Ndiosíꞌ nu̱u̱nꞌ ñɨvɨ sáva natavaꞌ re̱ꞌ yó nu̱u̱nꞌ kua̱chi‑ó sikáku re̱ꞌ yó ―nkachiꞌ Pedro.

Romanos 11:14

Jee sukuán sáꞌá ni̱ꞌ sáva sa̱naanꞌ kuvi saꞌá ni̱ꞌ kukuíñɨ́ iniꞌ rá táꞌán ñuunꞌ ni̱ꞌ Israel kune̱ꞌyá ráa ránoꞌó ya̱ kúneí iniꞌ rán Ndiosíꞌ, sáva saꞌá ni̱ꞌ ya̱ suni ni̱ꞌi̱nꞌ sava ráa ya̱ natavaꞌ Ndiosíꞌ ráa nu̱u̱nꞌ kua̱chi ráa nanitáꞌvíꞌ ráa.

Romanos 2:3

Jee noꞌó, ya̱ tée nú kua̱chi si̱kɨ̱ꞌ inka ñɨvɨ ya̱ sáꞌá ráa sukuán jee ɨɨn nuún sáꞌá nú maa, jee, ¿á jiáni iniꞌ nú ya̱ ka̱ku nú nu̱u̱nꞌ sanáaꞌ Ndiosíꞌ si̱kɨ̱ꞌ nú rúja?

1 Corintios 1:21

Chi níchí nasɨ́kuitɨꞌ sáꞌá Ndiosíꞌ, chi nsú ya̱ níchí ñúꞌún xi̱ni̱ꞌ rá ñɨvɨ ñɨ̱vɨ́ sáꞌá ya̱ kuniꞌ ráa iniꞌ Ndiosíꞌ, chisaꞌ nkuva̱ꞌa iniꞌ Ndiosíꞌ ya̱ jiátíñú re̱ꞌ tu̱ꞌun váꞌa re̱ꞌ sáva natavaꞌ re̱ꞌ rá ñɨvɨ nu̱u̱nꞌ kua̱chi ráa sikáku re̱ꞌ ráa ya̱ kúneí iniꞌ ráa ínúꞌ iniꞌ ráa re̱ꞌ, asúꞌ jiáni iniꞌ rá ñɨvɨ ñɨ̱vɨ́ ya̱ tu̱ꞌun naanꞌ ví tu̱ꞌun re̱ꞌ ya̱ tékútu̱ꞌún nu̱u̱nꞌ ráa.

1 Tesalonicenses 5:3

Sáá káchíꞌ rá ñɨvɨ: “Níín íyó ntu íyó tu̱kantaꞌan”, jee, “íyó kutú váꞌa nɨꞌɨ”, jee sa̱naanꞌ ni kenta kɨ̱naanꞌ ráa, kuéntáꞌ sa̱naanꞌ ni kenta téꞌnéꞌ iniꞌ ɨɨn ñaꞌan ñúꞌún chíji. Jee ni nkáku ráa nu̱u̱nꞌ tu̱nóꞌó vá.

1 Timoteo 1:15

Tu̱ꞌun na̱a̱ꞌ ví yaꞌá. Jee íyó tɨɨn nɨꞌɨ ñɨvɨ tu̱ꞌun yaꞌá, ya̱ káchíꞌ, ya̱ Cristo Jesús ya̱ nkiji nu̱u̱nꞌ ñɨ̱vɨ́, sáva natavaꞌ re̱ꞌ rá ñɨvɨ kua̱chi nu̱u̱nꞌ kua̱chi ráa sikáku re̱ꞌ ráa. Jee nuꞌuꞌ, ña̱ko̱so̱ꞌ ni̱ꞌ ka̱ꞌ nu̱u̱nꞌ ya̱ nsa̱ꞌá ni̱ꞌ kua̱chi mánasɨ́ nijia.

Tito 2:11

Chi ntu̱vi nu̱u̱nꞌ nɨꞌɨ ñɨvɨ ya̱ íyó mániꞌ iniꞌ Ndiosíꞌ néꞌyá re̱ꞌ ñɨvɨ sáá nta̱jí re̱ꞌ Cristo, ya̱ nátavaꞌ re̱ꞌ ñɨvɨ nu̱u̱nꞌ kua̱chi ráa xinánitáꞌvíꞌ re̱ꞌ ráa.

Hebreos 1:1

Chi ne̱ tiempúꞌ yanaꞌán jee kue̱ꞌe̱ꞌ nu̱u̱nꞌ ña̱tíñú Ndiosíꞌ nkaꞌanꞌ re̱ꞌ jín kue̱ꞌe̱ꞌ íchí nkaꞌanꞌ Ndiosíꞌ jín rá jííꞌ‑ó yanaꞌán, chi njia̱ꞌa re̱ꞌ tu̱ꞌun re̱ꞌ sákachiꞌ rá te̱e nna̱kani tu̱ꞌun nkene yuꞌú Ndiosíꞌ.

Hebreos 1:14

Chi ntáká rá najiáꞌáꞌ ííꞌ Ndiosíꞌ, jee súka̱ꞌ ntu̱ví íyó yɨkɨkúñu ráa, soo jiátíñú re̱ꞌ ráa kúvi ráa musúꞌ re̱ꞌ sáꞌá ráa tiñu re̱ꞌ, chi chúichí re̱ꞌ ráa sáva chineí ráa ntáká rá ñɨvɨ ya̱ ni̱ꞌi̱nꞌ rává ta̱ꞌvi̱ꞌ ya̱ nanitáꞌvíꞌ rává.

Hebreos 1:2

Soo rá ki̱vɨ̱ꞌ nu̱u̱nꞌ nɨ́ꞌɨ yaꞌá, ña̱tíñú re̱ꞌ Se̱ꞌya re̱ꞌ sáva kaꞌanꞌ re̱ꞌ jín‑ó. Jee maá Se̱ꞌya re̱ꞌ ví ya̱ ñani re̱ꞌ sáva nachiꞌi re̱ꞌ xi̱ntíín maáa nta̱ká ya̱ íyó. Jee jín maá Se̱ꞌya re̱ꞌ nsa̱ꞌá re̱ꞌ ya̱ ña̱ko̱o ñɨ̱vɨ́.

Hebreos 12:25

Jee saáva nito koo rán sáva ntu kúíchi iniꞌ rán Ndiosíꞌ ya̱ káꞌánꞌ jín rán. Chi nu̱u̱nꞌ ntu nkáku rá ñɨvɨ ya̱ nku̱ichi iniꞌ ráa maáréꞌ ya̱ nneeꞌ re̱ꞌ iniꞌ ñɨ̱vɨ́ yaꞌá jee nstúꞌva ya̱chi̱ꞌ re̱ꞌ nu̱u̱nꞌ ráa, jee saꞌ víꞌí káꞌ nkáku‑órán tu̱nóꞌó kunoꞌo‑ó retú nanikóyátá‑ó nu̱u̱nꞌ maáréꞌ ya̱ nééꞌ antivɨ́ jee stúꞌva ya̱chi̱ꞌ re̱ꞌ nu̱u̱nꞌ yó.

Hebreos 4:1

Jee saáva, vitan íyó‑ó ka̱ꞌ jín tu̱ꞌun ya̱ nchi̱sóyuꞌú Ndiosíꞌ ya̱ ni̱ꞌi̱nꞌ‑ó ki̱vɨ‑ó naꞌá re̱ꞌ nu̱u̱nꞌ ni̱ꞌi̱nꞌ‑ó najia̱ví‑ó saꞌá re̱ꞌ. Jee íyó kuꞌun yúꞌví iniꞌ rán kumí rán maárán sáva nkóo ni ɨɨn rán ya̱ sanáaꞌ Ndiosíꞌ jie̱ꞌe̱ꞌ ñɨvɨ vá ya̱ nsáꞌ ni̱ꞌi̱nꞌ‑i ki̱vɨ‑ɨ nu̱u̱nꞌ najia̱ví‑i saꞌá re̱ꞌ.

Hebreos 4:11

Saáva íyó nunasɨ́‑ó ki̱vɨ‑ó nu̱u̱nꞌ najia̱ví‑ó sáni nna̱jia̱ví re̱ꞌ, sáva ni ɨɨn‑ó ntu kininkava‑a saꞌá‑a kua̱ꞌ nsa̱ꞌá rá ñɨvɨ vá ya̱ ntu nka̱níjiá ráa.

Hebreos 5:9

Jee sáá ni̱yo tu̱ꞌva re̱ꞌ sukuán, jee nkenta kúvi re̱ꞌ ne̱ nu̱u̱nꞌ váji ya̱ nene ñɨvɨ nu̱u̱nꞌ kua̱chi ráa jee sikáku re̱ꞌ nɨ́ɨ́nkání ntáká rá ñɨvɨ ya̱ káníjiá ráa re̱ꞌ.

Hebreos 9:28

Jee suni sukuán Cristo ɨɨn ni íchí nso̱ko̱ꞌ re̱ꞌ maáréꞌ ni̱ꞌi̱ꞌ re̱ꞌ sáva nsiíyo re̱ꞌ kua̱chi rá ñɨvɨ kue̱ꞌe̱ꞌ. Jee niji tuku re̱ꞌ ya̱ uvíꞌ íchí, soo nsú káꞌ sáva so̱ko̱ꞌ tuku re̱ꞌ maáréꞌ jie̱ꞌe̱ꞌ kua̱chi, chisaꞌ kiji re̱ꞌ sáva xinánitáꞌvíꞌ re̱ꞌ rá ñɨvɨ ya̱ nétu kuvi iniꞌ ráa re̱ꞌ.

1 Juan 1:1

Táji ráníꞌ ya̱ naáꞌ nu̱u̱nꞌ ránú jie̱ꞌe̱ꞌ Cristo ya̱ íyó re̱ꞌ ne̱ sáá ntiáꞌan kiko̱o ñɨ̱vɨ́ yaꞌá, ya̱ nteso̱ꞌo ráníꞌ ya̱ káꞌánꞌ re̱ꞌ, jín ya̱ niniꞌ ránꞌ jín nchinúún ránꞌ yaꞌá, jín ya̱ nne̱ꞌyá noo ránꞌ re̱ꞌ, jín ya̱ ntɨɨn ránꞌ jín naꞌá ránꞌ. Jee suvire̱ꞌ vá kúvi Tu̱ꞌun Ndiosíꞌ ya̱ sáꞌá re̱ꞌ ya̱ kutekuꞌ‑ó nɨ́ɨ́nkání jín Ndiosíꞌ.

Judas 1:17

Soo ránoꞌó ya̱ ñúnúunꞌ ni̱ꞌ, naku̱ꞌun iniꞌ rán rá tu̱ꞌun ya̱ ya nkachiꞌ ya̱chi̱ꞌ rá te̱e ya̱ níso ráa tiñu apóstol ya̱ nchu̱ichí I̱toꞌoꞌ‑ó Jesús ya̱ níso re̱ꞌ tiñu Cristo.

Apoclipsis 7:10

Saájee kánajíín ni̱ꞌin ráa, jee káchíꞌ ráa: Métúꞌún Ndiosíꞌ‑ó jín Lanchi Lúlí vá kúvi ya̱ síkáku‑u yó nu̱u̱nꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee Ndiosíꞌ ví maáréꞌ ya̱ nééꞌ re̱ꞌ teyuꞌ nu̱u̱nꞌ tátúníꞌ re̱ꞌ.