Hebreos 2:2 - Mixteco del suroeste de Tlaxiaco Oaxaca

² Chi ña̱tíñú Ndiosíꞌ rá najiáꞌáꞌ ííꞌ re̱ꞌ sáva kachitu̱ꞌún ráa tu̱ꞌun re̱ꞌ, jee tu̱ꞌun na̱a̱ꞌ nkuvi‑i ya̱ ni̱ꞌi̱nꞌ rá ñɨvɨ nnoꞌo ráa tu̱nóꞌó sáni íyó na̱a̱ꞌ ya̱ ni̱ꞌi̱nꞌ ráa suꞌva, jie̱ꞌe̱ꞌ ntáká tiñu nsa̱ꞌá ráa ya̱ njiáꞌa ráa nu̱u̱nꞌ tu̱ꞌun vá, jín ya̱ ntu̱ví nkáníjiá ráa tu̱ꞌun vá.

Hebreos 2:2 ပူးပေါင်းရင်းမြစ်များ

Hechos 7:53

Suvirán ví ya̱ ni̱ꞌi̱nꞌ tu̱ꞌun ley nta̱túníꞌ Ndiosíꞌ, ya̱ njia̱ꞌa rá najiáꞌáꞌ ííꞌ re̱ꞌ, jee ni ntu síkúnkuvi rán maa ―nkachiꞌ Esteban nu̱u̱nꞌ rá te̱e kúvi Justicia.

Gálatas 3:19

Saájee, ¿na̱ jie̱ꞌe̱ꞌ njia̱ꞌa Ndiosíꞌ ley nu̱u̱nꞌ Moisés? Íyótiñu‑u chi nna̱chisó re̱ꞌ vá sáva nastúvi‑i kua̱chi sáꞌá rá ñɨvɨ, saáchi jiáꞌa ráa nu̱u̱nꞌ ya̱ káchíꞌ ley vá ya̱ nta̱túníꞌ Ndiosíꞌ. Jee suꞌva nna̱stúvi ley maa ne̱ nkenta Jesús, ya̱ kúvi se̱ꞌya ichiyúkúnꞌ, ya̱ nchi̱sóyuꞌú Ndiosíꞌ ya̱ kene ne̱ nu̱u̱nꞌ Abraham. Jee Ndiosíꞌ njia̱ꞌa ley nu̱u̱nꞌ rá najiáꞌáꞌ re̱ꞌ, sáva ku̱ꞌva ráa maa nu̱u̱nꞌ Moisés, sáva nakani re̱ꞌ maa nu̱u̱nꞌ rá ñɨvɨ Israel, chi íñɨ́ re̱ꞌ ma̱ꞌñú Ndiosíꞌ jín ráa sáva kaꞌanꞌ re̱ꞌ jín Ndiosíꞌ jín ráa.

Hebreos 1:1

Chi ne̱ tiempúꞌ yanaꞌán jee kue̱ꞌe̱ꞌ nu̱u̱nꞌ ña̱tíñú Ndiosíꞌ nkaꞌanꞌ re̱ꞌ jín kue̱ꞌe̱ꞌ íchí nkaꞌanꞌ Ndiosíꞌ jín rá jííꞌ‑ó yanaꞌán, chi njia̱ꞌa re̱ꞌ tu̱ꞌun re̱ꞌ sákachiꞌ rá te̱e nna̱kani tu̱ꞌun nkene yuꞌú Ndiosíꞌ.

Hebreos 10:28

Chi ñɨvɨ ya̱ jiáꞌa sáꞌá‑a nu̱u̱nꞌ tu̱ꞌun ley Moisés, jee retú íyó u̱vi̱ꞌ áxí u̱ni̱ꞌ rá ñɨvɨ jiáꞌa ráa ya̱ naáꞌ ya̱ íyó si̱kɨ̱ꞌ ñɨvɨ vá, saájee ya̱ nkuna̱a̱ꞌ ya̱ íyó kaꞌniꞌ ráa ñɨvɨ vá chi ni ntu̱né íyó ka̱ꞌ tu̱náꞌví iniꞌ maa.

Hebreos 10:35

Jee saáva koto xínóo rán ya̱ ne̱ yuchí kúkáꞌnú iniꞌ rán Jesús, chi jie̱ꞌe̱ꞌ kúneí iniꞌ rán Jesús jee ni̱ꞌi̱nꞌ rán ta̱ꞌvi̱ꞌ máá ñáꞌnú nasɨ́kuitɨꞌ ka̱ꞌ.

Hebreos 11:26

Chi nñu̱ꞌun iniꞌ re̱ꞌ ya̱ yɨ́yáꞌvi víꞌí ka̱ꞌ ví ya̱ ku̱ꞌva rá ñɨvɨ tu̱nkánuun re̱ꞌ kuéntáꞌ kua̱ꞌ nito u̱ꞌvi̱ꞌ ráa Cristo, nsú káꞌ kukúká re̱ꞌ jín rá nantíñú yɨ́yáꞌvi íyó ñuunꞌ Egipto. Chi nneenu̱u̱nꞌ re̱ꞌ ya̱ ni̱ꞌi̱nꞌ re̱ꞌ ta̱ꞌvi̱ꞌ ya̱ ku̱ꞌva Ndiosíꞌ nu̱u̱nꞌ re̱ꞌ.

Hebreos 11:6

Soo retú ntu ínúꞌ iniꞌ‑ó kúneí iniꞌ‑ó Ndiosíꞌ tékúꞌ, jee ni ntu íyó na̱ja kuvi kuva̱ꞌa iniꞌ re̱ꞌ kune̱ꞌyá re̱ꞌ yó. Chi ñɨvɨ nátuꞌva‑a nu̱u̱nꞌ re̱ꞌ jee íyó‑o i̱nu̱ꞌ iniꞌ‑i ya̱ íyó nijia re̱ꞌ, jín suni ya̱ ku̱ꞌva re̱ꞌ ta̱ꞌvi̱ꞌ nu̱u̱nꞌ rá ñɨvɨ ya̱ nánukú ráa re̱ꞌ.

Hebreos 12:25

Jee saáva nito koo rán sáva ntu kúíchi iniꞌ rán Ndiosíꞌ ya̱ káꞌánꞌ jín rán. Chi nu̱u̱nꞌ ntu nkáku rá ñɨvɨ ya̱ nku̱ichi iniꞌ ráa maáréꞌ ya̱ nneeꞌ re̱ꞌ iniꞌ ñɨ̱vɨ́ yaꞌá jee nstúꞌva ya̱chi̱ꞌ re̱ꞌ nu̱u̱nꞌ ráa, jee saꞌ víꞌí káꞌ nkáku‑órán tu̱nóꞌó kunoꞌo‑ó retú nanikóyátá‑ó nu̱u̱nꞌ maáréꞌ ya̱ nééꞌ antivɨ́ jee stúꞌva ya̱chi̱ꞌ re̱ꞌ nu̱u̱nꞌ yó.

2 Pedro 1:19

Jee kúmí‑ó tu̱ꞌun ya̱ íyó kutú ka̱ꞌ nsú káꞌ ya̱ niniꞌ ránꞌ jínúunꞌ ránꞌ. Tu̱ꞌun vá kúvi tu̱ꞌun nkene yuꞌú Ndiosíꞌ ya̱ njia̱ꞌa re̱ꞌ nu̱u̱nꞌ rá te̱e ya̱ ntee ráa maa nu̱u̱nꞌ Tutuꞌ Ííꞌ, jee va̱ꞌa saꞌá ránú ya̱ tɨɨn kuéntáꞌ va̱ꞌa rán rá tu̱ꞌun vá, kuéntáꞌ kua̱ꞌ tɨ́ɨn kuéntáꞌ rán kantil ya̱ túúnꞌ xúꞌún nu̱u̱nꞌ neenꞌ, jee tɨɨn kuéntáꞌ va̱ꞌa rán rá tu̱ꞌun vá ne̱kua̱ꞌ kenta Cristo kuéntáꞌ va̱kunijinꞌ ki̱vɨ̱ꞌ jee xtuúnꞌ re̱ꞌ iniꞌ ánímaꞌ rán kuéntáꞌ túúnꞌ tiu̱u̱nꞌ xúꞌún ya̱neꞌenꞌ.

Judas 1:5

Chi súnika̱ꞌ ya jíníꞌ va̱ꞌa rán ntáká tu̱ꞌun yaꞌá ya̱ káchíꞌ ni̱ꞌ nu̱u̱nꞌ rán, soo kuíni ni̱ꞌ xinákúꞌun tuku ni̱ꞌ iniꞌ rán na̱sa nsa̱ꞌá Ndiosíꞌ, sáá nkuvi nsi̱káku re̱ꞌ rá ñɨvɨ Israel ne̱ yanaꞌán, jee ntavaꞌ re̱ꞌ ráa nu̱u̱nꞌ ñu̱ꞌún Egipto nkene ráa, jee kuíre nxi̱náánꞌ re̱ꞌ rá ñɨvɨ ya̱ ntu nka̱níjiá ráa ji̱nu̱ꞌ iniꞌ ráa re̱ꞌ.