Hebreos 10:4 - Mixteco del suroeste de Tlaxiaco Oaxaca

⁴ Chi ni̱ñɨ̱ꞌ rá chelu jín rá chuvátúꞌ lúlí vá ntu kúvi siíyo ráa rá kua̱chi.

Hebreos 10:4 ပူးပေါင်းရင်းမြစ်များ

Marcos 12:33

Jee kunu̱u̱nꞌ‑ó Ndiosíꞌ jín ne̱ nɨꞌɨ ánímaꞌ‑ó, jín ne̱ nɨꞌɨ antúníꞌ‑ó, jín ne̱ nɨꞌɨ iniꞌ‑ó, jín kua neí iniꞌ‑ó. Jee kunu̱u̱nꞌ‑ó rá ñanitáꞌán‑ó kuéntáꞌ ñúnúunꞌ‑ó maáó. Ñáꞌnú ka̱ꞌ rá tu̱ꞌun yukuán nsú káꞌ nɨꞌɨ rá kitɨ téñuꞌunꞌ‑ó sókóꞌ‑ó nu̱u̱nꞌ Ndiosíꞌ jín nɨꞌɨ rá inka nantíñú sókóꞌ‑ó nu̱u̱nꞌ Ndiosíꞌ ―nkachiꞌ mestrúꞌ vá.

Juan 1:29

Jee ki̱vɨ̱ꞌ steñu̱ꞌún jee niniꞌ Juan máá Jesús ya̱ váji‑i nu̱u̱nꞌ re̱ꞌ, jee nkachiꞌ re̱ꞌ nu̱u̱nꞌ rá ñɨvɨ: ―Kune̱ꞌyá rán chi te̱e yaꞌá kúvi kuéntáꞌ ɨɨn lanchi lúlí ya̱ nchu̱ichí Ndiosíꞌ maa, chi kuéntáꞌ jiáꞌníꞌ rá ñɨvɨ Israel lanchi lúlí sókóꞌ ráa maa nu̱u̱nꞌ Ndiosíꞌ jee sukuán sííyo te̱e yaꞌá kua̱chi si̱kɨ̱ꞌ rá ñɨvɨ.

Romanos 11:27

Jee yaꞌá kúvi tratúꞌ ni̱ꞌ ya̱ saꞌá ni̱ꞌ jín ráa, sáá siíyo ni̱ꞌ rá kua̱chi ráa. Nkachiꞌ Ndiosíꞌ.

Hebreos 10:1

Chi tu̱ꞌun ley Moisés kuvi‑i kuéntáꞌ ɨɨn xi̱ne̱ꞌñu̱ꞌ ya̱ xínéꞌénꞌ‑e ya̱ váꞌa ya̱ kiji jín Cristo, soo ntu sáꞌá‑a mákua sáꞌá nijia re̱ꞌ. Chi ni nsáꞌ kúvi saꞌá ley vá ya̱ kino̱o na̱a̱ꞌ rá ñɨvɨ jie̱ꞌe̱ꞌ ya̱ sukuáni yɨ́táꞌán ta kui̱ya̱ꞌ ta kui̱ya̱ꞌ sókóꞌ rá ñɨvɨ sa̱na̱ꞌ ya̱ kúyatin ráa nu̱u̱nꞌ Ndiosíꞌ néñu̱ꞌun ráa re̱ꞌ sukuán.

Hebreos 10:11

Jee ntáká rá inka su̱tu̱ꞌ vitan nteenꞌ íñɨ́ ráa sáꞌá ráa tiñu nu̱u̱nꞌ Ndiosíꞌ, jee kue̱ꞌe̱ꞌ víꞌí íchí nánikó ráa sókóꞌ ráa rá sa̱na̱ꞌ ya̱ jiáꞌníꞌ ráa, soo ni nsáꞌ kúvi siíyo yukuán kua̱chi sáꞌá ráa.

Hebreos 10:8

Soo xíꞌna ka̱ꞌ nkachiꞌ Jesús nu̱u̱nꞌ Ndiosíꞌ: “Ntu nkuíni nú ya̱ sókóꞌ rá ñɨvɨ sa̱na̱ꞌ ni rá nantíñú, ni rá téñuꞌunꞌ ráa sókóꞌ ráa, ni rá sókóꞌ ráa jie̱ꞌe̱ꞌ kua̱chi ráa. Jee ni ntu kúváꞌa iniꞌ nú néꞌyá nú maa”, asúnika̱ꞌ sukuán nso̱ko̱ꞌ ráa sánikua̱ꞌ tátúníꞌ ley maa.

Hebreos 9:9

Chi jie̱ꞌe̱ꞌ ntáká rá yaꞌá xínéꞌénꞌ‑e nu̱u̱nꞌ‑ó na̱ja kúvi tiempúꞌ vitan. Chi sókóꞌ ñɨvɨ nantíñú jín sa̱na̱ꞌ nu̱u̱nꞌ Ndiosíꞌ, soo rá nantíñú jín rá sa̱na̱ꞌ ya̱ sókóꞌ maa nu̱u̱nꞌ Ndiosíꞌ yukuán jee ntu kúvi kuitɨꞌ saꞌá‑a ya̱ kino̱o noo ánímaꞌ ñɨvɨ ya̱ néñu̱ꞌun Ndiosíꞌ sukuán jee saáva ntu kénta kuniꞌ ráa ya̱ ntu níso ráa kua̱chi.

1 Juan 3:5

Jee jíníꞌ rán ya̱ Jesús nkiji re̱ꞌ ñɨ̱vɨ́ yaꞌá sáva siíyo re̱ꞌ rá kua̱chi‑ó. Jee ntu̱ví ná kua̱chi re̱ꞌ íyó.