Génesis 9:23 - Mixteco del suroeste de Tlaxiaco Oaxaca

²³ I̱ña̱jée Sem jín Jafet nkeꞌen ráa saꞌma jee nchi̱só ráa maa chi̱yo̱ꞌ ráa jee nika ya̱ta̱ꞌ ráa ñasɨꞌ ráa ya̱ta̱ꞌ tátáꞌ ráa. Jee nna̱teeyátá ráa nu̱u̱nꞌ ráa jee ntu nne̱ꞌyá ráa ya̱ íyó ñɨɨn lɨ́ɨ́ꞌ tátáꞌ ráa.

Génesis 9:23 ပူးပေါင်းရင်းမြစ်များ

Génesis 9:22

Jee Cam, tátáꞌ Canaán, niniꞌ re̱ꞌ ya̱ íyó ñɨɨn lɨ́ɨ́ꞌ tátáꞌ re̱ꞌ jee ña̱kachiꞌ re̱ꞌ maa nu̱u̱nꞌ ni núvíꞌ rá ñaniꞌ re̱ꞌ.

Génesis 9:24

Jee nna̱taꞌviꞌ iniꞌ Noé ya̱ níni re̱ꞌ jee sáá nku̱káꞌnú iniꞌ re̱ꞌ ya̱ nsa̱ꞌá se̱ꞌya yɨ́ɨ́ re̱ꞌ ya̱ su̱chí ka̱ꞌ jín re̱ꞌ

Romanos 13:7

Jee chunáán rán nu̱u̱nꞌ nta̱ká rá ñɨvɨ ya̱ táyáꞌvi rán. Retú táyáꞌvi rán xu̱ꞌún náneeꞌ vetíñú, jee chunáán rán maa. Jee retú táyáꞌvi rán xu̱ꞌún tetáꞌán, jee chunáán rán maa. Jee nu̱u̱nꞌ ñɨvɨ ya̱ íyó saꞌá ñáꞌnú rán, jee saꞌá ñáꞌnú rán nu̱u̱nꞌ ñɨvɨ vá. Jee nu̱u̱nꞌ ñɨvɨ ya̱ íyó nakuatáꞌví rán, jee nakuatáꞌví rán ráa.

Gálatas 6:1

Ránoꞌó ñaniꞌ, ré ɨɨn táꞌán rán nkininkava nu̱u̱nꞌ kua̱chi, suvirán ya̱ sáꞌá sáni kuíni Ta̱chi̱ꞌ Ííꞌ Ndiosíꞌ, jee nachuꞌun tuku rán máá ichi váꞌa. Kaꞌanꞌ másúꞌ iniꞌ rán jín‑i. Jee nito koo rán maárán, sáva nsíkúvi iniꞌ rán nu̱u̱nꞌ kua̱chi vá.

1 Timoteo 5:1

Koto kúxeenꞌ nú nu̱u̱nꞌ ɨɨn te̱e ñáꞌnú, soo nakutíñú nú nu̱u̱nꞌ re̱ꞌ kuéntáꞌ káꞌánꞌ nú jín tátáꞌ nú. Jee nakutíñú va̱ꞌa nú nu̱u̱nꞌ rá te̱e súchí ka̱ꞌ, kuéntáꞌ kúvi ráa rá ñaniꞌ nú,

1 Timoteo 5:17

Rá te̱e kúñáꞌnú, ya̱ yósóꞌ va̱ꞌa nu̱u̱nꞌ rá ñanitáꞌán, ya̱ níkɨ́nꞌ ichi Cristo, jee íyó ni̱ꞌi̱nꞌ ráa si̱kɨ̱ꞌ ka̱ꞌ ya̱ sáñáꞌnú rá ñanitáꞌán nu̱u̱nꞌ ráa, jín ya̱ ku̱ꞌva rán ya̱ꞌvi ráa. Víꞌí ka̱ꞌ ya̱ maáráa stékútu̱ꞌún Tu̱ꞌun Ndiosíꞌ jee xínéꞌénꞌ ráa maa, íyó ni̱ꞌi̱nꞌ ráa ya̱ꞌvi ráa.

1 Timoteo 5:19

Koto sáꞌá nú kuéntáꞌ sáá xíkóñáꞌán ɨɨn ni ñɨvɨ si̱kɨ̱ꞌ ɨɨn te̱e kúñáꞌnú nu̱u̱nꞌ ñanitáꞌán‑ó ré ntu̱ví íyó u̱vi̱ꞌ áxí u̱ni̱ꞌ ñɨvɨ ya̱ xíkóñáꞌán ráa ya̱ naáꞌ ya̱ íyó si̱kɨ̱ꞌ re̱ꞌ.

1 Pedro 2:17

Koo ya̱ ñáꞌnú nu̱u̱nꞌ rán kune̱ꞌyá rán ntáká ñɨvɨ, kunu̱u̱nꞌ rán rá ñanitáꞌán rán, jee kuꞌun yúꞌví iniꞌ rán Ndiosíꞌ, jee koo ya̱ ñáꞌnú nu̱u̱nꞌ rán kune̱ꞌyá rán ñɨvɨ máá ñáꞌnú ka̱ꞌ tátúníꞌ.

1 Pedro 4:8

Jee ya̱ ñáꞌnú ka̱ꞌ nu̱u̱nꞌ nɨꞌɨ vá kukáñá iniꞌ rán kunu̱u̱nꞌ rán ɨɨn inka táꞌán rán, chi retú ñúnúunꞌ táꞌán‑ó, jee jiásɨ́ꞌ‑ó nu̱u̱nꞌ kue̱ꞌe̱ꞌ rá kua̱chi sáꞌá‑ó jie̱ꞌe̱ꞌ ya̱ nékáꞌnú iniꞌ‑ó ɨɨn inka táꞌán‑ó.