Génesis 7:14 - Mixteco del suroeste de Tlaxiaco Oaxaca

¹⁴ Ntáká ráa nki̱vɨ jín ntáká nu̱u̱nꞌ rá kitɨ yúkú sánikua̱ꞌ rá kitɨ kúvi maárátíꞌ, jín ntáká nu̱u̱nꞌ rá sa̱na̱ꞌ sánikua̱ꞌ rá kitɨ kúvi maárátíꞌ, jín ntáká nu̱u̱nꞌ rá kitɨ síúꞌun maárátíꞌ sánikua̱ꞌ rá kitɨ kúvi maárátíꞌ, jín ntáká nu̱u̱nꞌ rá kitɨ íyó chi̱yo̱ꞌ sánikua̱ꞌ rá kitɨ kúvi maárátíꞌ.

Génesis 7:14 ပူးပေါင်းရင်းမြစ်များ

Génesis 1:21

Jee nsa̱ꞌá Ndiosíꞌ rá kitɨ mánasɨ́ ya̱ íyó nu̱u̱nꞌ nteñúꞌún, jín nɨꞌɨ rá kitɨ tékúꞌ nu̱u̱nꞌ nute, ya̱ táꞌvíꞌ ta ɨɨn sánikua̱ꞌ tataꞌ kúvi maáráa, jín nɨꞌɨ rá kitɨ íyó chi̱yo̱ꞌ, ya̱ táꞌvíꞌ ta ɨɨn sánikua̱ꞌ tataꞌ kúvi maáráa. Jee niniꞌ Ndiosíꞌ ya̱ váꞌa ví‑i.

Génesis 1:24

Jee nkachiꞌ Ndiosíꞌ: “Koo rá kitɨ tékúꞌ: rá sa̱na̱ꞌ, rá kitɨ líꞌí ya̱ rá siúꞌun ráa maáráa nu̱u̱nꞌ ñu̱ꞌún, jín rá kitɨ yúkú. Taꞌviꞌ ta ɨɨn sánikua̱ꞌ tataꞌ kúvi maáráa.” Jee nkuvi suꞌva.

Génesis 6:19

Jee ntáká rá kitɨ tékúꞌ ya̱ íyó ñunéꞌyúꞌ chuꞌun nú ni u̱vi̱ꞌ ni u̱vi̱ꞌ ntáká rátíꞌ iniꞌ arca, sáva kutekuꞌ rátíꞌ jín noꞌó. Koo ɨɨn kitɨ yɨ́ɨ́ jín ɨɨn kitɨ sɨ́ꞌɨ́ ta rá kitɨ vá.

Génesis 7:13

Jee ki̱vɨ̱ꞌ yukuán Noé, jín rá se̱ꞌya yɨ́ɨ́ re̱ꞌ, ya̱ kúvi Sem, Cam jín Jafet, jín ñasɨ́ꞌɨ́ re̱ꞌ, jín núníꞌ rá ñasɨ́ꞌɨ́ rá se̱ꞌya Noé nki̱vɨ ráa iniꞌ arca.

Génesis 7:15

Nkenta rátíꞌ nu̱u̱nꞌ Noé nki̱vɨ rátíꞌ arca ta u̱vi̱ꞌ ta u̱vi̱ꞌ ntáká nu̱u̱nꞌ rá kitɨ íyó ñunéꞌyúꞌ ya̱ tékúꞌ ya̱ íxtátáchiꞌ.