Génesis 50:21 - Mixteco del suroeste de Tlaxiaco Oaxaca

²¹ Saáva koto yúꞌví rán. Chi maáníꞌ taji ya̱ kajiꞌ rán jín rá se̱ꞌya rán ―nkachiꞌ José, jee suꞌva nna̱saváꞌa José iniꞌ ráa, jee viiꞌ ñunkúún xá nkaꞌanꞌ re̱ꞌ jín ráa.

Génesis 50:21 ပူးပေါင်းရင်းမြစ်များ

Génesis 34:3

Soo kuíre nchu̱nu̱u̱nꞌ re̱ꞌ Dina, se̱ꞌya sɨ́ꞌɨ́ Lea, nñunu̱u̱nꞌ re̱ꞌ ñasúchí vá, jee nkaꞌanꞌ ñúnkúún re̱ꞌ jín ña sáva saꞌá re̱ꞌ ya̱ kunu̱u̱nꞌ ña re̱ꞌ.

Génesis 45:5

Jee ntañúꞌún koto núkuíꞌyáꞌ iniꞌ rán ni koto kítɨ́ꞌ iniꞌ rán jín maárán jie̱ꞌe̱ꞌ ya̱ nxi̱kó rán nuꞌuꞌ nu̱u̱nꞌ rá ñɨvɨ nkiji yaꞌá, chi nta̱jí Ndiosíꞌ xíꞌna ka̱ꞌ nuꞌuꞌ yaꞌá nsú káꞌ ránoꞌó sáva sikáku re̱ꞌ rá ñɨvɨ kutekuꞌ ráa.

Génesis 47:12

Jee suni njia̱ꞌa José rá kajiꞌ tátáꞌ re̱ꞌ, jín rá ñaniꞌ re̱ꞌ jín nɨꞌɨ rá táꞌán veꞌi tátáꞌ re̱ꞌ, sáni na̱ja kua̱ꞌ se̱ꞌya ráa íyó.

Génesis 50:22

Nééꞌ José jín rá táꞌán veꞌi tátáꞌ re̱ꞌ nu̱u̱nꞌ ñuunꞌ Egipto. Jee ntekuꞌ José sientúꞌ u̱ji̱ꞌ (110) kui̱ya̱ꞌ.

Mateo 5:44

Soo nuꞌuꞌ káchíꞌ ni̱ꞌ nu̱u̱nꞌ ránú ya̱: Íyó kunu̱u̱nꞌ rán rá ñɨvɨ túfíꞌ ta̱ꞌán ráa jín ránoꞌó, [jee kachiꞌ rán ya̱ váꞌa nu̱u̱nꞌ rá ñɨvɨ ya̱ chísónínu kini ráa ránoꞌó, jee saꞌá rán ya̱ váꞌa nu̱u̱nꞌ rá ñɨvɨ ya̱ táꞌvi iniꞌ ráa néꞌyá ráa ránoꞌó], jee ka̱ka̱nꞌ táꞌvíꞌ rán nu̱u̱nꞌ Ndiosíꞌ ya̱ váꞌa jie̱ꞌe̱ꞌ rá ñɨvɨ [káꞌánꞌ niva̱ꞌa ráa si̱kɨ̱ꞌ rán jee] jíto u̱ꞌvi̱ꞌ ráa ránoꞌó.

Mateo 6:14

’Chi retú nékáꞌnú iniꞌ rán ya̱ niváꞌa sáꞌá rá ñɨvɨ ránoꞌó, jee Tátáꞌ rán Ndiosíꞌ ya̱ nééꞌ re̱ꞌ antivɨ́ súkún suni kunekáꞌnú iniꞌ re̱ꞌ kune̱ꞌyá re̱ꞌ ránoꞌó.

1 Tesalonicenses 5:15

Nito koo rán maáránoꞌó ya̱ koto náchunáán ni ɨɨn rán ya̱ ni̱váꞌa nu̱u̱nꞌ ni ɨɨn ñɨvɨ sáꞌá niva̱ꞌa nu̱u̱nꞌ ránoꞌó. Chisaꞌ sukuáni nanukú rán ya̱ váꞌa kuvi nu̱u̱nꞌ ɨɨn inka rán jín nu̱u̱nꞌ nɨꞌɨ rá ñɨvɨ.

1 Pedro 3:9

Koto násaꞌá niva̱ꞌa rán nu̱u̱nꞌ ɨɨn ñɨvɨ ya̱ sáꞌá niva̱ꞌa‑a jín ránoꞌó, jee koto nátenu̱u̱nꞌ rán ñɨvɨ ya̱ ténúunꞌ‑u ránoꞌó, chisaꞌ nakaꞌanꞌ rán tu̱ꞌun váꞌa ya̱ kuvi ya̱ váꞌa nu̱u̱nꞌ ráa. Chi nkana Ndiosíꞌ ránoꞌó sáva saꞌá rán suꞌva sáva ni̱ꞌi̱nꞌ rán ta̱ꞌvi̱ꞌ taji re̱ꞌ nu̱u̱nꞌ rán ya̱ kuvi ya̱ váꞌa ránoꞌó.