Génesis 50:11 - Mixteco del suroeste de Tlaxiaco Oaxaca

¹¹ Jee sáá niniꞌ rá ñɨvɨ nééꞌ nu̱u̱nꞌ ñuꞌun sánitɨ́ɨn Canaán, ya̱ jiaku iniꞌ rá ñɨvɨ Egipto nu̱u̱nꞌ ñuꞌun nu̱u̱nꞌ kúyutún nikɨn tataꞌ sáꞌá ñuunꞌ Atad, jee nkachiꞌ ráa: “Yaꞌá kúvi ɨɨn ñujiínꞌ níviniꞌ núkuíꞌyáꞌ iniꞌ rá ñɨvɨ Egipto”, nkachiꞌ ráa. Saáva nsi̱kúnání ráa súví nu̱u̱nꞌ ñuꞌun yukuán Abel‑Mizraim, ya̱ káá íyó ka̱ꞌ ichi yúntekáꞌnú Jordán.

Génesis 50:11 ပူးပေါင်းရင်းမြစ်များ

Génesis 13:7

Jee kántátúꞌun rá ñɨvɨ kúmí sa̱na̱ꞌ Abram jín rá kúmí sa̱na̱ꞌ Lot. (Jee tiempúꞌ yukuán, rá ñɨvɨ ya̱ kúvi tataꞌ ichiyúkúnꞌ Canaán jín rá ñɨvɨ ferezeo suni nééꞌ ráa nu̱u̱nꞌ ñu̱ꞌún yukuán.)

Génesis 24:6

Jee nkachiꞌ Abraham nu̱u̱nꞌ re̱ꞌ: ―¡Ntu̱ví! Kumí nú maánú koto jiáꞌánꞌ nú ñuunꞌ yukuán jín se̱ꞌya ni̱ꞌ.

Génesis 34:30

Saájee nkachiꞌ Jacob nu̱u̱nꞌ Simeón jín Leví: ―Nchuꞌun rán nuꞌuꞌ nu̱u̱nꞌ tuntíxín, chi rá ñɨvɨ canaán jín rá ñɨvɨ ferezeo ya̱ nééꞌ ráa ñuꞌun yaꞌá, jee nsa̱ꞌá rán ya̱ ta̱ꞌvi̱ꞌ iniꞌ ráa kune̱ꞌyá ráa nuꞌuꞌ. Jee yakuꞌ víꞌí rá te̱e kúmí ni̱ꞌ. Jee sikánitáꞌán ráa si̱kɨ̱ꞌ nuꞌuꞌ jee kiji ráa kantáꞌán ráa jín nuꞌuꞌ, jee xináánꞌ ráa nuꞌuꞌ jín rá táꞌán veꞌi ni̱ꞌ ―nkachiꞌ Jacob nu̱u̱nꞌ ráa.

Génesis 50:10

Jee sáá nkenta ráa nu̱u̱nꞌ ñuꞌun nu̱u̱nꞌ kúyutún nikɨn tataꞌ sáꞌá ñuunꞌ naní Atad ya̱ káá íyó ka̱ꞌ ichi yúntekáꞌnú Jordán, jee yukuán jiáku iniꞌ ráa jee sáꞌá ráa ñujiínꞌ níviniꞌ núkuíꞌyáꞌ iniꞌ ráa jie̱ꞌe̱ꞌ ni̱yɨ ráa. Jee ni̱yo tu̱nkuéká iniꞌ José u̱xa̱ꞌ ki̱vɨ̱ꞌ jie̱ꞌe̱ꞌ níꞌiꞌ tátáꞌ re̱ꞌ.

Génesis 50:12

Jee nsa̱ꞌá rá se̱ꞌya yɨ́ɨ́ Jacob jín tátáꞌ ráa sánikua̱ꞌ nta̱túníꞌ re̱ꞌ nu̱u̱nꞌ ráa.