Génesis 5:22 - Mixteco del suroeste de Tlaxiaco Oaxaca

²² Sáá njia̱ꞌa tiempúꞌ nsa̱ꞌá Enoc se̱ꞌya re̱ꞌ Matusalén jee nika Enoc nyɨ̱tíñú re̱ꞌ nu̱u̱nꞌ Ndiosíꞌ u̱ni̱ꞌ sientúꞌ kui̱ya̱ꞌ ka̱ꞌ (300) jee nsa̱ꞌá re̱ꞌ ka̱ꞌ se̱ꞌya yɨ́ɨ́ jín se̱ꞌya sɨ́ꞌɨ́.

Génesis 5:22 ပူးပေါင်းရင်းမြစ်များ

Génesis 17:1

Jee íñɨ́ Abram ku̱mi̱xiko xa̱ꞌu̱nꞌ ku̱mi̱ꞌ (99) kui̱ya̱ꞌ jee ntu̱ví I̱toꞌoꞌ‑ó nu̱u̱nꞌ Abram jee nkachiꞌ re̱ꞌ nu̱u̱nꞌ‑u: ―Nuꞌuꞌ ví Ndiosíꞌ ya̱ níso ni̱ꞌ nɨꞌɨ ntántúníꞌ fuersáꞌ ííꞌ. Kɨtíñú nu̱u̱nꞌ ni̱ꞌ jee kueꞌnu na̱a̱ꞌ ya̱ ntu̱náꞌ kua̱chi koo si̱kɨ̱ꞌ nú.

Génesis 24:40

’Jee nna̱xiníkó re̱ꞌ nu̱u̱nꞌ ni̱ꞌ: “I̱toꞌoꞌ ni̱ꞌ ya̱ jíka ni̱ꞌ jín re̱ꞌ, jee suvire̱ꞌ chuichí re̱ꞌ najiáꞌáꞌ ííꞌ re̱ꞌ kɨ̱ꞌɨ̱nꞌ jín noꞌó, sáva kɨ̱ꞌɨ̱nꞌ va̱ꞌa nú nu̱u̱nꞌ kɨ̱ꞌɨ̱nꞌ nú jee keꞌen nú ɨɨn ñaꞌan sáva kuvi ña ñasɨ́ꞌɨ́ se̱ꞌya ni̱ꞌ nteñu rá ñaꞌan táꞌán veꞌi ni̱ꞌ, ya̱ kúvi táꞌán veꞌi tátáꞌ ni̱ꞌ.

Génesis 48:15

Saájee nkachiꞌ ya̱chi̱ꞌ re̱ꞌ ya̱ netuꞌ kuvi José jín rá tu̱ꞌun yaꞌá: “Ndiosíꞌ ya̱ nika na̱a̱ꞌ Abraham jín Isaac ichinúúnꞌ‑u, ya̱ nkuvi ráa rá tátáꞌ jííꞌ ni̱ꞌ, jee kúvi re̱ꞌ Ndiosíꞌ ya̱ nku̱mí nuꞌuꞌ ne̱ ki̱vɨ̱ꞌ nkaku ni̱ꞌ jín ne̱ vitan,

Génesis 5:21

Íñɨ́ Enoc u̱ni̱xiko u̱ꞌu̱nꞌ kui̱ya̱ꞌ (65) sáá nsa̱ꞌá re̱ꞌ se̱ꞌya re̱ꞌ Matusalén.

Génesis 5:23

Jee nɨꞌɨ rá kui̱ya̱ꞌ ntekuꞌ Enoc ni̱ñɨ re̱ꞌ u̱ni̱ꞌ sientúꞌ u̱ni̱xiko u̱ꞌu̱nꞌ kui̱ya̱ꞌ (365).

Génesis 5:24

Jee nika Enoc nyɨ̱tíñú re̱ꞌ nu̱u̱nꞌ Ndiosíꞌ jee kuíre ntu ka̱ꞌ nééꞌ re̱ꞌ ñɨ̱vɨ́ yaꞌá chi nna̱keꞌen tékúꞌ Ndiosíꞌ maa.

Génesis 6:9

Yaꞌá ví tu̱ꞌun jie̱ꞌe̱ꞌ ya̱ nnoꞌo Noé. Noé kúvi ɨɨn te̱e na̱a̱ꞌ nu̱u̱nꞌ Ndiosíꞌ ntu̱náꞌ níyo chikua̱chi ñɨvɨ si̱kɨ̱ꞌ re̱ꞌ nteñu rá ñɨvɨ ntekuꞌ tiempúꞌ yukuán. Jee nika Noé nyɨ̱tíñú re̱ꞌ nu̱u̱nꞌ Ndiosíꞌ.

Lucas 1:6

Jee ni núvíꞌ ráa nkuvi ñɨvɨ na̱a̱ꞌ ichinúúnꞌ Ndiosíꞌ, chi na̱a̱ꞌ va̱ꞌa ñaꞌnu ráa sánikua̱ꞌ ntáká tiñu ya̱ nta̱túníꞌ I̱toꞌoꞌ‑ó Ndiosíꞌ jín rá tiñu ñakɨnꞌ re̱ꞌ, jee ntu íyó na̱ jie̱ꞌe̱ꞌ chikua̱chi ñɨvɨ si̱kɨ̱ꞌ ráa jie̱ꞌe̱ꞌ vá.

Hechos 9:31

Saájee rá ñɨvɨ kúneí iniꞌ ráa Jesús, ya̱ nééꞌ nɨꞌɨ ichi sánitɨ́ɨn Judea, Galilea, jín Samaria, jee nneeꞌ ñunkúún ráa. Jee jíjia iniꞌ ráa ka̱ꞌ kúneí iniꞌ ráa Jesús. Jee jiáꞌnu ráa jín ya̱ ñúyúꞌví iniꞌ ráa I̱toꞌoꞌ‑ó. Jee náchuꞌun neí Ta̱chi̱ꞌ Ííꞌ Ndiosíꞌ iniꞌ ráa. Jee va̱ji kúkueꞌeꞌ ráa.

Romanos 8:1

Saájee vitan jee ni ntu̱náꞌ íyó ya̱ sijíta Ndiosíꞌ xinóꞌo re̱ꞌ rá ñɨvɨ ya̱ yɨ́ꞌɨ́ ráa nu̱u̱nꞌ Cristo Jesús, [ya̱ ntu jiáꞌnu ráa ka̱ꞌ sáni níyo néꞌén iniꞌ ráa jín yɨkɨkúñu ráa, chisaꞌ jiáꞌnu ráa sáni kuíni Ta̱chi̱ꞌ Ííꞌ Ndiosíꞌ].

1 Corintios 7:17

Saájee ta ɨɨn ɨɨn rán íyó kueꞌnu rán sánikua̱ꞌ ntaji I̱toꞌoꞌ‑ó sáá koo rán, jín sánikua̱ꞌ ya̱ íyó rán sáá nkana Ndiosíꞌ ránoꞌó kɨꞌɨ rán nu̱u̱nꞌ re̱ꞌ, jee ni̱nu̱ꞌ iniꞌ rán nka̱níjiá rán. Jee suꞌva tátúníꞌ ni̱ꞌ nu̱u̱nꞌ ntáká rá grupo rá ñɨvɨ jínúꞌ iniꞌ ráa káníjiá ráa Jesús.

2 Corintios 6:16

Jee, ¿ná kúvi ya̱ kétáꞌán veñu̱ꞌun Ndiosíꞌ jín rá nantíñú ya̱ nsú Ndiosíꞌ ví‑i ya̱ néñu̱ꞌun ñɨvɨ rúja? Chi maáó kúvi‑ó veñu̱ꞌun Ndiosíꞌ tékúꞌ, chi yɨ́ꞌɨ́ re̱ꞌ iniꞌ‑ó, sáni nkachiꞌ re̱ꞌ: Kuneeꞌ ni̱ꞌ nteñu ráa jee kakanuun ni̱ꞌ satíñú ni̱ꞌ iniꞌ ráa. Jee maáníꞌ kuvi Ndiosíꞌ ráa. Jee suviráa kuvi ñɨvɨ maáníꞌ.

Efesios 5:15

Saáva kumí va̱ꞌa rán na̱ja jiáꞌnu rán. Koto jiáꞌnu rán kuéntáꞌ kua̱ꞌ jiáꞌnu rá ñɨvɨ ya̱ ntu ñúꞌún kájí xi̱ni̱ꞌ, chisaꞌ kueꞌnu rán kuéntáꞌ kua̱ꞌ ñɨvɨ ñúꞌún kájí xíniꞌ.

Colosenses 1:10

Suꞌva jíkánꞌ táꞌvíꞌ ránꞌ nu̱u̱nꞌ Ndiosíꞌ, sáva kaka na̱a̱ꞌ rán sánikua̱ꞌ íyó kueꞌnu ñɨvɨ ya̱ yɨ́ꞌɨ́ ráa nu̱u̱nꞌ I̱toꞌoꞌ‑ó, sáva suꞌva sukuáni kuva̱ꞌa iniꞌ re̱ꞌ kune̱ꞌyá re̱ꞌ na̱sa jíka rán. Jee suꞌva saꞌá rán nta̱ká tiñu váꞌa, kuéntáꞌ ɨɨn yutun jiáꞌa ya̱ vixíꞌ váꞌa. Jee kukueꞌeꞌ ka̱ꞌ kukáꞌnú noo iniꞌ rán na̱sa iniꞌ Ndiosíꞌ.

Colosenses 4:5

Kuꞌun kájí xíniꞌ rán kueꞌnu ñunkúún rán sáni kuíni Ndiosíꞌ nteñu rá ñɨvɨ ya̱ ntu kúneí iniꞌ ráa Cristo, jee suꞌva ntu súkuíta rán tiempúꞌ ya̱ káꞌánꞌ rán jín ráa.

1 Tesalonicenses 2:12

jee tétíñú ránꞌ ránoꞌó ya̱ kaka na̱a̱ꞌ rán sáni íyó kaka rá ñɨvɨ Ndiosíꞌ. Maáréꞌ nkana ránoꞌó kɨꞌɨ rán naꞌá re̱ꞌ nu̱u̱nꞌ tátúníꞌ re̱ꞌ nu̱u̱nꞌ ñɨvɨ, jín nu̱u̱nꞌ viiꞌ kuñáꞌnú rán jín re̱ꞌ.

1 Tesalonicenses 4:1

Jee ntañúꞌún kaꞌanꞌ ráníꞌ jie̱ꞌe̱ꞌ inka ka̱ꞌ tiñu. Ránoꞌó, ñaniꞌ jín ku̱ꞌva, jee jie̱ꞌe̱ꞌ yɨ́ꞌɨ́ ráníꞌ nu̱u̱nꞌ I̱toꞌoꞌ‑ó Jesús jee jíkánꞌ táꞌvíꞌ ránꞌ nu̱u̱nꞌ ránoꞌó jee xíníꞌvɨ́ꞌ ránꞌ iniꞌ ránoꞌó, ya̱ kukueꞌeꞌ víꞌí ka̱ꞌ kaka rán sánikua̱ꞌ nxi̱néꞌénꞌ ránꞌ ránoꞌó na̱sa íyó kaka rán sáva kuva̱ꞌa iniꞌ Ndiosíꞌ kune̱ꞌyá re̱ꞌ na̱sa jíka rán, sánikua̱ꞌ ya jiáꞌnu rán.

1 Juan 1:7

Soo retú na̱a̱ꞌ jiáꞌnu‑ó kuéntáꞌ nu̱u̱nꞌ túúnꞌ ñuꞌunꞌ sánikua̱ꞌ íyó maáréꞌ nu̱u̱nꞌ túúnꞌ ñuꞌunꞌ ya̱ kúvi ya̱ na̱a̱ꞌ íyó maáréꞌ, saájee íyó ɨnuún‑ó jín ɨɨn inka táꞌán‑ó, jee nónoo‑ó nu̱u̱nꞌ re̱ꞌ chi ni̱ꞌi̱ꞌ maá Se̱ꞌya re̱ꞌ Jesús jee ñatɨ ni̱ñɨ̱ꞌ vá sáva nasánoo‑o yó nu̱u̱nꞌ nta̱ká kua̱chi‑ó.