Génesis 49:6 - Mixteco del suroeste de Tlaxiaco Oaxaca

⁶ Jee nsáꞌ ki̱vɨ ni̱ꞌ nu̱u̱nꞌ nútútú ráa nátúꞌún ráa, ni nkánitáꞌán ni̱ꞌ jín ráa sáá nútútú ráa, chi nki̱tɨ̱ꞌ iniꞌ ráa jee nsa̱ꞌá ráa ni̱yɨ jee nkuva̱ꞌa iniꞌ ráa ñeꞌneꞌ ráa rá tu̱chi tíkóó jie̱ꞌe̱ꞌ rá toro sáva saꞌá lénkó ráa rátíꞌ.

Génesis 49:6 ပူးပေါင်းရင်းမြစ်များ

Génesis 34:30

Saájee nkachiꞌ Jacob nu̱u̱nꞌ Simeón jín Leví: ―Nchuꞌun rán nuꞌuꞌ nu̱u̱nꞌ tuntíxín, chi rá ñɨvɨ canaán jín rá ñɨvɨ ferezeo ya̱ nééꞌ ráa ñuꞌun yaꞌá, jee nsa̱ꞌá rán ya̱ ta̱ꞌvi̱ꞌ iniꞌ ráa kune̱ꞌyá ráa nuꞌuꞌ. Jee yakuꞌ víꞌí rá te̱e kúmí ni̱ꞌ. Jee sikánitáꞌán ráa si̱kɨ̱ꞌ nuꞌuꞌ jee kiji ráa kantáꞌán ráa jín nuꞌuꞌ, jee xináánꞌ ráa nuꞌuꞌ jín rá táꞌán veꞌi ni̱ꞌ ―nkachiꞌ Jacob nu̱u̱nꞌ ráa.

Lucas 12:19

Saájee kachiꞌ ni̱ꞌ nu̱u̱nꞌ maáníꞌ: Noꞌó íyó kue̱ꞌe̱ꞌ víꞌí nu̱u̱nꞌ nú ya̱ ñúꞌún váꞌa ya̱ kenta kue̱ꞌe̱ꞌ víꞌí kui̱ya̱ꞌ. ¡Najia̱ví! ¡Kajiꞌ! ¡Koꞌo! ¡Nusɨ̱ɨ̱ꞌ iniꞌ!”, káchíꞌ te̱e vá jín maáréꞌ.

2 Corintios 6:14

Koto síkánitáꞌán rán maárán jín rá ñɨvɨ ya̱ ntu ínúꞌ iniꞌ ráa Cristo sáva kueꞌnu rán sáni ya̱ ntu kunuún iniꞌ jín Tu̱ꞌun Ndiosíꞌ, chi sukuán kúvi kuéntáꞌ néta̱ꞌán sɨ́ɨ́n sɨ́ɨ́n nu̱u̱nꞌ u̱vi̱ꞌ kitɨ ɨɨn yugúꞌ. ¿Soo na̱sa kúvi kanitáꞌán rá ñɨvɨ kínóo na̱a̱ꞌ nu̱u̱nꞌ Ndiosíꞌ jín rá ñɨvɨ ntu kínóo na̱a̱ꞌ ráa nu̱u̱nꞌ re̱ꞌ rúja? Jee, ¿na̱sa kanitáꞌán ñuꞌunꞌ jín ya̱ neenꞌ rúja?