Génesis 49:24 - Mixteco del suroeste de Tlaxiaco Oaxaca

²⁴ Soo José chi kino̱o kutú arco re̱ꞌ jee nakuiꞌ rá naꞌá re̱ꞌ saꞌá Ndiosíꞌ, jee máá Ndiosíꞌ kúñáꞌnú nasɨ́kuitɨꞌ nu̱u̱nꞌ nɨꞌɨ. Jee Ndiosíꞌ ví ya̱ néñu̱ꞌun Jacob maa, jee Ndiosíꞌ ví ya néen kuéntáꞌ re̱ꞌ Jacob kua̱ꞌ te̱e náka sa̱na̱ꞌ, jee kúmí kútú‑u Israel kuéntáꞌ ɨɨn kava yu̱u̱ꞌ.

Génesis 49:24 ပူးပေါင်းရင်းမြစ်များ

Génesis 45:11

Jee yukuán taji ni̱ꞌ nu̱u̱nꞌ nú ya̱ kajiꞌ rán sáva ntu nuláꞌví nú, jín rá táꞌán veꞌi nú, jín nɨꞌɨ ya̱ kúmí nú, chi sukuán koo i̱i̱ꞌ ka̱ꞌ ta̱ma̱ꞌ u̱ꞌu̱nꞌ kui̱ya̱ꞌ ka̱ꞌ”, kachiꞌ rán nu̱u̱nꞌ tátáꞌ ni̱ꞌ.

Génesis 45:5

Jee ntañúꞌún koto núkuíꞌyáꞌ iniꞌ rán ni koto kítɨ́ꞌ iniꞌ rán jín maárán jie̱ꞌe̱ꞌ ya̱ nxi̱kó rán nuꞌuꞌ nu̱u̱nꞌ rá ñɨvɨ nkiji yaꞌá, chi nta̱jí Ndiosíꞌ xíꞌna ka̱ꞌ nuꞌuꞌ yaꞌá nsú káꞌ ránoꞌó sáva sikáku re̱ꞌ rá ñɨvɨ kutekuꞌ ráa.

Génesis 45:7

Soo nchu̱ichí Ndiosíꞌ nuꞌuꞌ xíꞌna ka̱ꞌ nsú káꞌ ránoꞌó sáva saꞌá re̱ꞌ ya̱ kino̱o i̱i̱ꞌ ichiyúkúnꞌ kiji nu̱u̱nꞌ rán nu̱u̱nꞌ ñu̱ꞌún, chi viiꞌ nsa̱ꞌá re̱ꞌ sáva sikáku re̱ꞌ rá ñɨvɨ kue̱ꞌe̱ꞌ nasɨ́kuitɨꞌ.

Génesis 47:12

Jee suni njia̱ꞌa José rá kajiꞌ tátáꞌ re̱ꞌ, jín rá ñaniꞌ re̱ꞌ jín nɨꞌɨ rá táꞌán veꞌi tátáꞌ re̱ꞌ, sáni na̱ja kua̱ꞌ se̱ꞌya ráa íyó.

Génesis 48:15

Saájee nkachiꞌ ya̱chi̱ꞌ re̱ꞌ ya̱ netuꞌ kuvi José jín rá tu̱ꞌun yaꞌá: “Ndiosíꞌ ya̱ nika na̱a̱ꞌ Abraham jín Isaac ichinúúnꞌ‑u, ya̱ nkuvi ráa rá tátáꞌ jííꞌ ni̱ꞌ, jee kúvi re̱ꞌ Ndiosíꞌ ya̱ nku̱mí nuꞌuꞌ ne̱ ki̱vɨ̱ꞌ nkaku ni̱ꞌ jín ne̱ vitan,

Génesis 49:23

Jee rá te̱e jiátíñú arco kuꞌun ta̱ꞌvi̱ꞌ iniꞌ ráa kune̱ꞌyá ráa maa, jee tivɨꞌ ráa maa jín flecha ráa jee ixtáña̱ꞌán ráa maa.

Génesis 50:21

Saáva koto yúꞌví rán. Chi maáníꞌ taji ya̱ kajiꞌ rán jín rá se̱ꞌya rán ―nkachiꞌ José, jee suꞌva nna̱saváꞌa José iniꞌ ráa, jee viiꞌ ñunkúún xá nkaꞌanꞌ re̱ꞌ jín ráa.

Mateo 21:42

Jee nkachiꞌ Jesús nu̱u̱nꞌ ráa: ―¿Á ni ntiáné kaꞌvi rán Tutuꞌ níso Tu̱ꞌun Ndiosíꞌ?: Yu̱u̱ꞌ ya̱ nkuniichiꞌ rá te̱e jiáni veꞌi, jee yu̱u̱ꞌ vá nkenta nkuvi máá yu̱u̱ꞌ ñáꞌnú ka̱ꞌ íyótiñu, ya̱ káá skináꞌ veꞌi jín ya̱ jiáꞌa kuꞌvaꞌ nu̱u̱nꞌ sámáꞌ veꞌi. Maá I̱toꞌoꞌ‑ó Ndiosíꞌ nsa̱ꞌá maa, jee tívɨ́ xíniꞌ‑ó néꞌyá‑ó maa jín nchinúún‑ó, káchíꞌ nu̱u̱nꞌ Tutuꞌ Ííꞌ jie̱ꞌe̱ꞌ maáréꞌ.

Marcos 12:10

’¿Á ni ntiáné kaꞌvi rán Tutuꞌ yaꞌá ya̱ níso Tu̱ꞌun Ndiosíꞌ? Káchíꞌ‑i: Yu̱u̱ꞌ, ya̱ nku̱ichi iniꞌ rá te̱e jiáni veꞌi, yu̱u̱ꞌ vá nkenta kúvi yu̱u̱ꞌ máá ñáꞌnú ka̱ꞌ ya̱ níyotiñu ka̱ꞌ jiáꞌa‑a fuersáꞌ veꞌi vá.

Lucas 20:17

Saájee nna̱kune̱ꞌyá váꞌa Jesús nu̱u̱nꞌ ráa, jee nkachiꞌ re̱ꞌ: ―¿Na̱ jie̱ꞌe̱ꞌ káꞌánꞌ tu̱ꞌun yaꞌá ya̱ níso nu̱u̱nꞌ Tutuꞌ Ííꞌ Ndiosíꞌ ya̱ kachiꞌ‑i: Yu̱u̱ꞌ, ya̱ nku̱ichi iniꞌ rá te̱e jiáni veꞌi, jee yu̱u̱ꞌ vá nkenta kúvi yu̱u̱ꞌ máá ñáꞌnú ka̱ꞌ ya̱ íyótiñu‑u jiáꞌa‑a fuersáꞌ veꞌi vá, káchíꞌ nu̱u̱nꞌ Tutuꞌ Ííꞌ?

Hechos 4:11

Jesús yaꞌá nku̱ichi iniꞌ rán maa sú kúñáꞌnú re̱ꞌ ka̱ꞌ nu̱u̱nꞌ nɨꞌɨ, kuéntáꞌ nku̱ichi iniꞌ rá te̱e jiáni veꞌi yu̱u̱ꞌ ya̱ nkenta kúvi yu̱u̱ꞌ yɨ́tuvi‑i veꞌi kuéntáꞌ sɨꞌɨnꞌ nka̱ꞌnú.

Romanos 14:4

Jee noꞌó, ¿né ɨɨn kúvi nú, ya̱ síjíta nú jie̱ꞌe̱ꞌ ya̱ sáꞌá ɨɨn musúꞌ inka i̱toꞌoꞌ, résa? Chi i̱toꞌoꞌ musúꞌ vá sanáaꞌ‑a jie̱ꞌe̱ꞌ ya̱ ni̱ñɨ ni̱ꞌin musúꞌ vá áxí nkininkava musúꞌ vá, jee nsú noꞌó. Jee kuiñɨ ni̱ꞌin‑i, chi I̱toꞌoꞌ‑ó níso re̱ꞌ fesáꞌ sáva kuvi saꞌá re̱ꞌ ya̱ kuiñɨ ni̱ꞌin‑i nu̱u̱nꞌ re̱ꞌ.

Efesios 2:20

Chi nsa̱ꞌá Ndiosíꞌ ya̱ maáórán kúvi‑ó kuéntáꞌ veꞌi ya̱ yósóꞌ nu̱u̱nꞌ koo jie̱ꞌe̱ꞌ ve̱ꞌí. Jee koo jie̱ꞌe̱ꞌ ve̱ꞌí vá kúvi Tu̱ꞌun Ndiosíꞌ ya̱ nste̱kútu̱ꞌún rá te̱e níso tiñu apóstol, ya̱ nchu̱ichí re̱ꞌ sáva stúvi ráa tu̱ꞌun re̱ꞌ, jín rá te̱e nna̱kani ráa tu̱ꞌun nkene yuꞌú re̱ꞌ. Jee máá Cristo Jesús kúvi kuéntáꞌ yu̱u̱ꞌ maá ñáꞌnú ka̱ꞌ ya̱ yɨ́tuvi skináꞌ veꞌi vá.

Colosenses 1:11

Jee jíkánꞌ táꞌvíꞌ ránꞌ ya̱ taji re̱ꞌ fuersáꞌ nu̱u̱nꞌ rán, ya̱ váji ne̱ nu̱u̱nꞌ nɨꞌɨ fuersáꞌ ííꞌ níꞌin níso re̱ꞌ, ya̱ na̱ ka̱ꞌ kúñáꞌnú, sáva kuni̱ꞌin rán kaka rán ichi re̱ꞌ jee káꞌnú koo iniꞌ rán.

2 Timoteo 4:17

Soo máá I̱toꞌoꞌ‑ó ni̱ñɨ jín ni̱ꞌ jee nchi̱neí nchituvi re̱ꞌ nuꞌuꞌ, sáva sikúnkuvi ni̱ꞌ kachitu̱ꞌún ni̱ꞌ tu̱ꞌun váꞌa re̱ꞌ, sáva teso̱ꞌo nta̱ká ñɨvɨ ya̱ ntu kúvi Israel maa. Jee nsi̱káku re̱ꞌ nuꞌuꞌ nu̱u̱nꞌ tu̱nóꞌó xinóꞌo ñɨvɨ xe̱e̱nꞌ niva̱ꞌa, kuéntáꞌ kua̱ꞌ réáꞌ nsi̱káku re̱ꞌ nuꞌuꞌ nu̱u̱nꞌ maá yuꞌú nikaꞌa.