Génesis 47:4 - Mixteco del suroeste de Tlaxiaco Oaxaca

⁴ Jee nkachiꞌ ráa ka̱ꞌ nu̱u̱nꞌ Faraón: ―Va̱ji ránꞌ sáva kino̱o ránꞌ nu̱u̱nꞌ ñuunꞌ yaꞌá, chi ntu̱ví iteꞌ sáva kajiꞌ rá sa̱na̱ꞌ ránꞌ, ya̱ kúvi rán musúꞌ nú, chi kútámá víꞌí nu̱u̱nꞌ ñuunꞌ Canaán. Saáva kova̱ꞌa xá iniꞌ nú taji nú ya̱ kino̱o ránꞌ kuneeꞌ ránꞌ nu̱u̱nꞌ ñuꞌun sánitɨ́ɨn Gosén.

Génesis 47:4 ပူးပေါင်းရင်းမြစ်များ

Génesis 12:10

Jee ni̱yo ta̱ma̱ꞌ nu̱u̱nꞌ ñu̱ꞌún yukuán, jee kua̱ꞌa̱nꞌ Abram jín rá ñɨvɨ re̱ꞌ Egipto jee nkino̱o re̱ꞌ kuéntáꞌ to̱ꞌo̱ꞌ yukuán chi ni̱yo ta̱ma̱ꞌ xe̱e̱nꞌ nu̱u̱nꞌ ñu̱ꞌún Canaán.

Génesis 15:13

Jee nkachiꞌ Ndiosíꞌ nu̱u̱nꞌ Abram: ―Kuniꞌ nijia nú ya̱ rá ichiyúkúnꞌ ya̱ kene nu̱u̱nꞌ nú kuvi ráa to̱ꞌo̱ꞌ kuneeꞌ ráa inka ñuunꞌ ya̱ ntu kúvi ñuunꞌ ráa. Jee satíñú ráa nu̱u̱nꞌ rá ñɨvɨ ñuunꞌ vá jee kuvi ráa musúꞌ keꞌen ñɨvɨ, jee koto u̱ꞌvi̱ꞌ rá ñɨvɨ vá ráa ku̱mi̱ꞌ sientúꞌ (400) kui̱ya̱ꞌ.

Génesis 43:1

Jee xe̱e̱nꞌ víꞌí íyó ta̱ma̱ꞌ nu̱u̱nꞌ ñuꞌun ñuunꞌ.

Génesis 45:10

Jee kuneeꞌ nú nu̱u̱nꞌ ñuꞌun ñuunꞌ sánitɨ́ɨn Gosén. Jee suꞌva koo yatin nú jín nuꞌuꞌ. Kuneeꞌ nú yukuán jín rá se̱ꞌya nú jín rá tiání nú jín nɨꞌɨ rá sa̱na̱ꞌ líꞌí nú jín rá xi̱ni̱kɨ̱ꞌ nú, jín nɨꞌɨ rá nantíñú kúmí nú.

Génesis 46:34

jee ránoꞌó kachiꞌ rán nu̱u̱nꞌ re̱ꞌ ya̱: “Ne̱ súchí ránꞌ yɨ́tíñú rán náka rán rá sa̱na̱ꞌ ɨɨn nuún ni kuéntáꞌ rá jííꞌ yanaꞌán ránꞌ.” Jee sáva suꞌva kuvi kino̱o rán kuneeꞌ rán nu̱u̱nꞌ ñuꞌun sánitɨ́ɨn Gosén, chi rá ñɨvɨ Egipto jíníichiꞌ ráa ntáká rá te̱e náka sa̱na̱ꞌ ―nkachiꞌ José.

Génesis 47:5

Saájee nkachiꞌ Faraón nu̱u̱nꞌ José: ―Tátáꞌ nú jín rá ñaniꞌ nú va̱ji ráa nu̱u̱nꞌ nú.

Hechos 7:11

’Soo nku̱támá nɨꞌɨ nación Egipto jín nɨꞌɨ ñuꞌun Canaán [nu̱u̱nꞌ nééꞌ Jacobo]. Jee nnoꞌo víꞌí rá ñɨvɨ yukuán. Jee ntu nna̱niꞌinꞌ rá jííꞌ‑ó yanaꞌán ya̱ kajiꞌ ráa.

Hechos 7:6

’Jee nkachiꞌ Ndiosíꞌ sukuán, ya̱ rá ichiyúkúnꞌ kene nu̱u̱nꞌ re̱ꞌ kuvi ráa to̱ꞌo̱ꞌ kuneeꞌ ráa inka nación ya̱ tátúníꞌ inka ñɨvɨ. Jee rá ñɨvɨ yukuán saꞌá ráa rává musúꞌ kéꞌen ráa. Jee saꞌá kini ráa rává ku̱mi̱ꞌ sientúꞌ (400) kui̱ya̱ꞌ.