Génesis 47:19 - Mixteco del suroeste de Tlaxiaco Oaxaca

¹⁹ ¿Na̱ kuvi chi kuviꞌ ránꞌ ni néꞌyá nú ránuꞌuꞌ jee naanꞌ ñuꞌun ránꞌ résa? Keꞌen nú ránuꞌuꞌ jín rá ñuꞌun ránꞌ, jie̱ꞌe̱ꞌ nikɨn kajiꞌ ránꞌ. Jee saáva kuvi ránꞌ musúꞌ satíñú saɨn nu̱u̱nꞌ Faraón jee ñuꞌun ránꞌ kuvi Faraón maa, jee sáva taji nú nikɨn tataꞌ nu̱u̱nꞌ ránꞌ sáva kutekuꞌ ránꞌ ka̱ꞌ jee nku̱víꞌ ránꞌ jee sáva nkóo saɨn ñuꞌun ―nkachiꞌ ráa nu̱u̱nꞌ José.

Génesis 47:19 ပူးပေါင်းရင်းမြစ်များ

Génesis 41:36

Jee suꞌva kino̱o rá yaꞌá kuꞌun va̱ꞌa‑a sáva kajiꞌ rá ñɨvɨ ñuunꞌ maa, sáva nku̱víꞌ rá ñɨvɨ jie̱ꞌe̱ꞌ so̱ko ni uxáꞌ kui̱ya̱ꞌ kiji kutámá ya̱ koo nu̱u̱nꞌ ñuunꞌ Egipto.

Génesis 47:15

Jee sáá nɨꞌɨ xu̱ꞌún nu̱u̱nꞌ ñuunꞌ Egipto jín nu̱u̱nꞌ ñuunꞌ Canaán, jee nɨꞌɨ rá ñɨvɨ Egipto ña̱ꞌa̱nꞌ ráa ña̱kachiꞌ ráa nu̱u̱nꞌ José: ―¡Taji xá ya̱ kajiꞌ ránꞌ! ¿Na̱ kuvi chi íyó kuviꞌ ránꞌ ichinúúnꞌ noꞌó, jie̱ꞌe̱ꞌ ya̱ nnɨꞌɨ xu̱ꞌún ránꞌ rúsa?

Génesis 47:18

Jee sáá njia̱ꞌa kui̱ya̱ꞌ yukuán, jee kui̱ya̱ꞌ u̱vi̱ꞌ ña̱ꞌa̱nꞌ tuku ráa nkachiꞌ ráa nu̱u̱nꞌ José: ―Ntu chise̱ꞌí ránꞌ yuꞌú ránꞌ nu̱u̱nꞌ nú ya̱ nnɨꞌɨ xu̱ꞌún ráníꞌ, jee suni rá sa̱na̱ꞌ ránꞌ ya̱ kúvi rátíꞌ sa̱na̱ꞌ nú, i̱toꞌoꞌ ránꞌ. Jee ntu̱ví ka̱ꞌ kínóo nantíñú ránꞌ taji ránꞌ nu̱u̱nꞌ nú, i̱toꞌoꞌ ránꞌ, chisaꞌ kua̱chi íyó ñunéꞌyúꞌ ránꞌ jín ñuꞌun ránꞌ.

Génesis 47:20

Saájee nkeꞌen José nɨꞌɨ rá ñuꞌun ñuunꞌ Egipto sáva kuvi Faraón maa, chi nxi̱kó ntáká rá ñɨvɨ ñuunꞌ Egipto rá ñuꞌun ráa, jie̱ꞌe̱ꞌ nóꞌo víꞌí ráa ta̱ma̱ꞌ. Jee suꞌva njia̱ꞌa ñuꞌun ráa kuvi ñuꞌun Faraón.

Mateo 16:26

Chi, ¿na̱ nu̱u̱nꞌ íyótiñu nu̱u̱nꞌ ɨɨn ñɨvɨ, retú súnika̱ꞌ kuneí‑i ni̱ꞌi̱nꞌ‑i kua̱íyó ñɨ̱vɨ́ yaꞌá, retú sukuíta‑a ánímaꞌ‑a ya̱ nsáꞌ nanitáꞌvíꞌ‑i nu̱u̱nꞌ Ndiosíꞌ rúja? Áxí, ¿ná kúvi ya̱ chunáán ɨɨn ñɨvɨ sáva sikáku‑u ánímaꞌ‑a nanitáꞌvíꞌ‑i nu̱u̱nꞌ Ndiosíꞌ rúja? Ntu̱náꞌ íyó ya̱ kúvi ku̱ꞌva‑a.