Génesis 47:16 - Mixteco del suroeste de Tlaxiaco Oaxaca

¹⁶ Jee nna̱xiníkó José nu̱u̱nꞌ ráa: ―Retú ya nnɨꞌɨ xu̱ꞌún rán, kiji rán jín rá sa̱na̱ꞌ rán taji rán rátíꞌ jee sama ni̱ꞌ rátíꞌ jín trigúꞌ ―nkachiꞌ José.

Génesis 47:16 ပူးပေါင်းရင်းမြစ်များ

Génesis 47:15

Jee sáá nɨꞌɨ xu̱ꞌún nu̱u̱nꞌ ñuunꞌ Egipto jín nu̱u̱nꞌ ñuunꞌ Canaán, jee nɨꞌɨ rá ñɨvɨ Egipto ña̱ꞌa̱nꞌ ráa ña̱kachiꞌ ráa nu̱u̱nꞌ José: ―¡Taji xá ya̱ kajiꞌ ránꞌ! ¿Na̱ kuvi chi íyó kuviꞌ ránꞌ ichinúúnꞌ noꞌó, jie̱ꞌe̱ꞌ ya̱ nnɨꞌɨ xu̱ꞌún ránꞌ rúsa?

Génesis 47:17

Jee ña̱ꞌa̱nꞌ ráa jín rá kitɨ lalá ráa, jín rá sa̱na̱ꞌ líꞌí ráa, jín rá xi̱ni̱kɨ̱ꞌ ráa, jín rá burrúꞌ ráa nu̱u̱nꞌ José jee nu̱u̱nꞌ rá sa̱na̱ꞌ ráa vá njia̱ꞌa José trigúꞌ nu̱u̱nꞌ ráa kui̱ya̱ꞌ yukuán.

1 Corintios 10:32

Jee saáva koto na̱ sáꞌá rán tiñu ya̱ sikúvi rán iniꞌ rá ñɨvɨ ya̱ nsíkíninkava rán ráa nu̱u̱nꞌ kua̱chi, va̱ni ñɨvɨ ñuunꞌ Israel, áxí va̱ni ñɨvɨ inka nación, áxí va̱ni rá ñɨvɨ ya̱ jínúꞌ iniꞌ ráa káníjiá ráa yɨ́ꞌɨ́ ráa xi̱ntíín Ndiosíꞌ.

Filipenses 4:8

Jee nu̱u̱nꞌ nɨ́ꞌɨ ka̱ꞌ kachiꞌ ni̱ꞌ ka̱ꞌ nu̱u̱nꞌ rán, ránoꞌó ñaniꞌ jín ku̱ꞌva. Kuꞌun iniꞌ rán jie̱ꞌe̱ꞌ nta̱ká tu̱ꞌun na̱a̱ꞌ, jín jie̱ꞌe̱ꞌ nta̱ká tiñu ya̱ íyó ñáꞌnú, jín jie̱ꞌe̱ꞌ nta̱ká tiñu ya̱ íyó na̱a̱ꞌ, jín jie̱ꞌe̱ꞌ nta̱ká tiñu ya̱ íyó ninuꞌun, jín jie̱ꞌe̱ꞌ nta̱ká tiñu ya̱ sáꞌá ya̱ níní viiꞌ kuvi iniꞌ ñɨvɨ, jín jie̱ꞌe̱ꞌ nta̱ká tiñu ya̱ sáꞌá ñáꞌnú ñɨvɨ nu̱u̱nꞌ‑u. Retú íyó tiñu ya̱ íyó váꞌa, jee retú íyó tiñu ya̱ íyó níꞌínꞌ‑i ya̱ nakuetúꞌún ñɨvɨ jie̱ꞌe̱ꞌ‑e, kuꞌun iniꞌ rán maa.

Colosenses 4:5

Kuꞌun kájí xíniꞌ rán kueꞌnu ñunkúún rán sáni kuíni Ndiosíꞌ nteñu rá ñɨvɨ ya̱ ntu kúneí iniꞌ ráa Cristo, jee suꞌva ntu súkuíta rán tiempúꞌ ya̱ káꞌánꞌ rán jín ráa.