Génesis 47:12 - Mixteco del suroeste de Tlaxiaco Oaxaca

¹² Jee suni njia̱ꞌa José rá kajiꞌ tátáꞌ re̱ꞌ, jín rá ñaniꞌ re̱ꞌ jín nɨꞌɨ rá táꞌán veꞌi tátáꞌ re̱ꞌ, sáni na̱ja kua̱ꞌ se̱ꞌya ráa íyó.

Génesis 47:12 ပူးပေါင်းရင်းမြစ်များ

Génesis 45:10

Jee kuneeꞌ nú nu̱u̱nꞌ ñuꞌun ñuunꞌ sánitɨ́ɨn Gosén. Jee suꞌva koo yatin nú jín nuꞌuꞌ. Kuneeꞌ nú yukuán jín rá se̱ꞌya nú jín rá tiání nú jín nɨꞌɨ rá sa̱na̱ꞌ líꞌí nú jín rá xi̱ni̱kɨ̱ꞌ nú, jín nɨꞌɨ rá nantíñú kúmí nú.

Génesis 45:11

Jee yukuán taji ni̱ꞌ nu̱u̱nꞌ nú ya̱ kajiꞌ rán sáva ntu nuláꞌví nú, jín rá táꞌán veꞌi nú, jín nɨꞌɨ ya̱ kúmí nú, chi sukuán koo i̱i̱ꞌ ka̱ꞌ ta̱ma̱ꞌ u̱ꞌu̱nꞌ kui̱ya̱ꞌ ka̱ꞌ”, kachiꞌ rán nu̱u̱nꞌ tátáꞌ ni̱ꞌ.

Génesis 45:7

Soo nchu̱ichí Ndiosíꞌ nuꞌuꞌ xíꞌna ka̱ꞌ nsú káꞌ ránoꞌó sáva saꞌá re̱ꞌ ya̱ kino̱o i̱i̱ꞌ ichiyúkúnꞌ kiji nu̱u̱nꞌ rán nu̱u̱nꞌ ñu̱ꞌún, chi viiꞌ nsa̱ꞌá re̱ꞌ sáva sikáku re̱ꞌ rá ñɨvɨ kue̱ꞌe̱ꞌ nasɨ́kuitɨꞌ.

Génesis 47:1

Jee kua̱ꞌa̱nꞌ José ku̱ꞌva re̱ꞌ tu̱ꞌun nu̱u̱nꞌ Faraón, jee nkachiꞌ re̱ꞌ nu̱u̱nꞌ‑u: ―Tátáꞌ ni̱ꞌ jín rá ñaniꞌ ni̱ꞌ nkenta ráa ya̱ va̱ji ráa ne̱ Canaán, jee nkenta ráa jín rá sa̱na̱ꞌ líꞌí ráa jín rá xi̱ni̱kɨ̱ꞌ ráa jín nɨꞌɨ ya̱ kumí ráa, jee nééꞌ ráa ñuꞌun sánitɨ́ɨn Gosén.

Génesis 47:21

Jee nsa̱ꞌá re̱ꞌ rá ñɨvɨ ñuunꞌ Egipto nkuvi ráa musúꞌ sátíñú saɨn nu̱u̱nꞌ nɨꞌɨ ñuunꞌ Egipto, ne̱ íyó ichi Egipto jín ne̱ íyó inka ichi.

Génesis 47:24

Jee íyó ku̱ꞌva rán nu̱u̱nꞌ Faraón ɨɨn kilo tataꞌ sáꞌá ránꞌ nu̱u̱nꞌ ya̱ u̱ꞌu̱nꞌ kilo, jee ku̱mi̱ꞌ kilo kino̱o jín rán sáva taji rán maa nu̱u̱nꞌ ñuꞌun rán jín sáva kajiꞌ rán, jín rá ñɨvɨ táꞌán veꞌi rán, jín rá se̱ꞌya rán ―nkachiꞌ José nu̱u̱nꞌ ráa.

Génesis 50:21

Saáva koto yúꞌví rán. Chi maáníꞌ taji ya̱ kajiꞌ rán jín rá se̱ꞌya rán ―nkachiꞌ José, jee suꞌva nna̱saváꞌa José iniꞌ ráa, jee viiꞌ ñunkúún xá nkaꞌanꞌ re̱ꞌ jín ráa.

1 Tesalonicenses 2:7

sosaꞌ ñunkúún iniꞌ ránꞌ kuéntáꞌ ɨɨn nánáꞌ jíto ñunkúún ña rá se̱ꞌya ña, ya̱ síkáxínꞌ ña ráa.

1 Timoteo 4:8

Chi sikújia‑ó yɨkɨkúñu‑ó jee íyótiñu yakuꞌ, soo retú kueꞌnu‑ó ichi na̱a̱ꞌ sáni kuíni Ndiosíꞌ íyótiñu nɨꞌɨ nu̱u̱nꞌ. Chi suꞌva ni̱ꞌi̱nꞌ‑ó ya̱ váꞌa ya̱ nchi̱sóyuꞌú Ndiosíꞌ taji re̱ꞌ ni ya̱ tékúꞌ‑ó tiempúꞌ vitan, jín tiempúꞌ kiji ichinúúnꞌ sáá kutekuꞌ‑ó nɨ́ɨ́nkání jín re̱ꞌ.

1 Timoteo 5:4

Retú íyó ɨɨn ñaꞌan náꞌví íyó rá se̱ꞌya‑a áxí rá tiání‑i, suviráa vá íyó kutu̱ꞌva ráa xíꞌna ka̱ꞌ ya̱ saꞌá ñáꞌnú ráa nu̱u̱nꞌ ña. Jee suꞌva saꞌá ñáꞌnú ráa nu̱u̱nꞌ Ndiosíꞌ. Jee nakoto ráa ña jie̱ꞌe̱ꞌ ya̱ nito sɨꞌɨ́ ráa maáráa. Chi kúváꞌa iniꞌ Ndiosíꞌ néꞌyá re̱ꞌ ya̱ sáꞌá‑a suꞌva.

1 Timoteo 5:8

Soo néni ɨɨn ñɨvɨ ya̱ ntu jíto re̱ꞌ táꞌán veꞌi re̱ꞌ, jee víꞌí ka̱ꞌ retú ntu jíto re̱ꞌ sɨꞌɨ́ veꞌi re̱ꞌ, jee nku̱ichi iniꞌ re̱ꞌ tu̱ꞌun Cristo, ya̱ kúneí iniꞌ‑ó. Jee mánasɨ́ ka̱ꞌ sáꞌá re̱ꞌ nsú káꞌ ɨɨn ñɨvɨ ya̱ ntu ínúꞌ iniꞌ‑i tu̱ꞌun Cristo.