Génesis 47:11 - Mixteco del suroeste de Tlaxiaco Oaxaca

¹¹ Jee nsi̱kúneeꞌ José tátáꞌ re̱ꞌ jín rá ñaniꞌ re̱ꞌ nu̱u̱nꞌ ñuꞌún vá, jee njia̱ꞌa José nu̱u̱nꞌ ráa ñuꞌun máá va̱ꞌa ka̱ꞌ ya̱ íyó nu̱u̱nꞌ ñuꞌun ñuunꞌ Egipto, ya̱ káá nu̱u̱nꞌ ñuꞌunꞌ ñuunꞌ sánitɨ́ɨn Ramsés sáva kuneeꞌ ráa yukuán, sánikua̱ꞌ nta̱túníꞌ Faraón.

Génesis 47:11 ပူးပေါင်းရင်းမြစ်များ

Génesis 46:34

jee ránoꞌó kachiꞌ rán nu̱u̱nꞌ re̱ꞌ ya̱: “Ne̱ súchí ránꞌ yɨ́tíñú rán náka rán rá sa̱na̱ꞌ ɨɨn nuún ni kuéntáꞌ rá jííꞌ yanaꞌán ránꞌ.” Jee sáva suꞌva kuvi kino̱o rán kuneeꞌ rán nu̱u̱nꞌ ñuꞌun sánitɨ́ɨn Gosén, chi rá ñɨvɨ Egipto jíníichiꞌ ráa ntáká rá te̱e náka sa̱na̱ꞌ ―nkachiꞌ José.

Génesis 47:27

Jee nneeꞌ rá ñɨvɨ Israel ñuꞌun Egipto. Jee yukuán nneeꞌ ráa nu̱u̱nꞌ ñuꞌun sánitɨ́ɨn Gosén. Jee yukuán nni̱ꞌi̱nꞌ ráa ñuꞌun, jee nna̱taꞌviꞌ víꞌí ráa jee nkenta ráa nnu̱kueꞌeꞌ nasɨ́kuitɨꞌ ráa.

Génesis 47:6

Íyó núne ñuꞌun Egipto nu̱u̱nꞌ rán, sikúneeꞌ nú tátáꞌ nú jín rá ñaniꞌ nú nu̱u̱nꞌ ñuꞌun váꞌa ka̱ꞌ. Sikúneeꞌ nú ráa ñuꞌun ñuunꞌ sánitɨ́ɨn Gosén. Jee retú jíníꞌ nú ya̱ íyó rá te̱e nteñu ráa ya̱ nijia iniꞌ ráa náka ráa sa̱na̱ꞌ, jee kani nú ráa kuneen kuéntáꞌ ráa rá xi̱ni̱kɨ̱ꞌ ni̱ꞌ ―nkachiꞌ Faraón.

Juan 10:10

’Te̱e kuíꞌná kiji re̱ꞌ sáva kua̱chi máá saꞌá kuíꞌná re̱ꞌ, kaꞌniꞌ re̱ꞌ, jee xináánꞌ re̱ꞌ. Soo nuꞌuꞌ va̱ji ni̱ꞌ sáva kúvi ni̱ꞌi̱nꞌ rá ñɨvɨ ni̱ꞌ ya̱ kutekuꞌ ráa jín Ndiosíꞌ nɨ́ɨ́nkání jee na̱ ka̱ꞌ viiꞌ ka̱ꞌ kueꞌnu ráa jín Ndiosíꞌ ichi re̱ꞌ ñɨ̱vɨ́ yaꞌá.

Juan 10:28

Jee ku̱ꞌva ni̱ꞌ nu̱u̱nꞌ ráa ya̱ kutekuꞌ ráa nɨ́ɨ́nkání jín nuꞌuꞌ, soo ni nsáꞌ kuviꞌ ánímaꞌ ráa chi koo ráa jín Ndiosíꞌ nɨ́ɨ́nkání, jee ni ɨɨn ntu̱náꞌ kaneeꞌ‑e rá ñɨvɨ vá naꞌá ni̱ꞌ.

Juan 14:2

Chi nu̱u̱nꞌ nééꞌ Tátáꞌ ni̱ꞌ jee íyó kue̱ꞌe̱ꞌ víꞌí nu̱u̱nꞌ íyó kuneeꞌ ñɨvɨ. Jee retánꞌ ntu̱ví íyó, jee nsáꞌ kachiꞌ ni̱ꞌ maa sukuán nu̱u̱nꞌ rán. Jee saáva kɨ̱ꞌɨ̱nꞌ ni̱ꞌ saꞌá túꞌva ni̱ꞌ nu̱u̱nꞌ kuneeꞌ rán.

Juan 14:23

Jee nna̱xiníkó Jesús, jee nkachiꞌ re̱ꞌ nu̱u̱nꞌ‑u: ―Ɨɨn ñɨvɨ ya̱ ñúnúunꞌ‑u nuꞌuꞌ, jee sikúnkuvi‑i tu̱ꞌun ni̱ꞌ, jee kunu̱u̱nꞌ Tátáꞌ ni̱ꞌ maa, jee ni núvíꞌ ni̱ꞌ jín Tátáꞌ ni̱ꞌ kiji ránꞌ nu̱u̱nꞌ ñɨvɨ vá, jee koo ránꞌ jín‑i.

Juan 17:2

Chi ntaji nú tiñu níso ni̱ꞌ ya̱ tátúníꞌ ni̱ꞌ nu̱u̱nꞌ ntáká ñɨvɨ ñɨ̱vɨ́, sáva ntáká rá ñɨvɨ ya̱ ntaji nú nu̱u̱nꞌ ni̱ꞌ kɨꞌɨ ráa nu̱u̱nꞌ ni̱ꞌ, ni̱ꞌi̱nꞌ ráa ya̱ kutekuꞌ ráa nɨ́ɨ́nkání jín‑ó saꞌá ni̱ꞌ.

Juan 17:24

’Tátáꞌ ni̱ꞌ, jee rá ñɨvɨ ya̱ ntaji nú nu̱u̱nꞌ ni̱ꞌ, jee kuíni ni̱ꞌ ya̱ suni maáráa kuneeꞌ ráa jín nuꞌuꞌ nu̱u̱nꞌ kuneeꞌ ni̱ꞌ, sáva kuniꞌ ráa na̱ja viiꞌ nasɨ́kuitɨꞌ kúñáꞌnú ni̱ꞌ ya̱ ntaji nú nu̱u̱nꞌ ni̱ꞌ, chi ñúnúunꞌ nú nuꞌuꞌ ne̱ ntiáꞌan ka̱ꞌ nsa̱ꞌá nú ñɨ̱vɨ́.