Génesis 45:8 - Mixteco del suroeste de Tlaxiaco Oaxaca

⁸ ’Saáva nsú ránoꞌó ví ya̱ nta̱jí nuꞌuꞌ yaꞌá, chisaꞌ maá Ndiosíꞌ ví‑i. Jee ñani Ndiosíꞌ nuꞌuꞌ kúvi ni̱ꞌ kuéntáꞌ tááꞌ nu̱u̱nꞌ Faraón ya̱ nákutíñú ni̱ꞌ nu̱u̱nꞌ re̱ꞌ, jín ya̱ kúvi ni̱ꞌ i̱toꞌoꞌ kosoꞌ ni̱ꞌ nu̱u̱nꞌ nɨꞌɨ vetíñú re̱ꞌ, jín ya̱ nísotíñú ni̱ꞌ tátúníꞌ ni̱ꞌ nu̱u̱nꞌ nɨꞌɨ ñuꞌun Egipto.

Génesis 45:8 ပူးပေါင်းရင်းမြစ်များ

Génesis 45:26

Jee nna̱kani ráa nu̱u̱nꞌ re̱ꞌ ya̱ tékúꞌ i̱i̱ꞌ José jín ya̱ suvire̱ꞌ vá kúvi te̱e nísotíñú tátúníꞌ‑i nu̱u̱nꞌ nɨꞌɨ ñuꞌun ñuunꞌ Egipto. Soo nsa̱ꞌvi iniꞌ Jacob jee ntu jínúꞌ iniꞌ re̱ꞌ tu̱ꞌun káchíꞌ ráa nu̱u̱nꞌ re̱ꞌ.

Génesis 45:5

Jee ntañúꞌún koto núkuíꞌyáꞌ iniꞌ rán ni koto kítɨ́ꞌ iniꞌ rán jín maárán jie̱ꞌe̱ꞌ ya̱ nxi̱kó rán nuꞌuꞌ nu̱u̱nꞌ rá ñɨvɨ nkiji yaꞌá, chi nta̱jí Ndiosíꞌ xíꞌna ka̱ꞌ nuꞌuꞌ yaꞌá nsú káꞌ ránoꞌó sáva sikáku re̱ꞌ rá ñɨvɨ kutekuꞌ ráa.

Juan 15:16

Chi nsú ránoꞌó nka̱ji rán nuꞌuꞌ, chisaꞌ nuꞌuꞌ nka̱ji ni̱ꞌ ránoꞌó ya̱ kɨꞌɨ rán nu̱u̱nꞌ ni̱ꞌ, jee ñani ni̱ꞌ ránoꞌó kuneeꞌ tiñu si̱kɨ̱ꞌ rán, sáva saꞌá rán tiñu ni̱ꞌ kuéntáꞌ kúun uva, sáva tiñu váꞌa vá kino̱o‑o kutú‑u. Sáva néni ɨɨn ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ jee taji re̱ꞌ maa nu̱u̱nꞌ rán.

Juan 19:11

Soo nna̱xiníkó Jesús: ―Ntu̱ví íyó na̱ tiñu kuniso nú sáva sanáaꞌ nú si̱kɨ̱ꞌ nuꞌuꞌ, retánꞌ nsú Ndiosíꞌ nééꞌ antivɨ́ súkún ntaji re̱ꞌ tiñu vá níso nú. Jee saáva te̱e ya̱ nna̱tají re̱ꞌ nuꞌuꞌ xi̱ntíín noꞌó, jee suvire̱ꞌ vá íyó ka̱ꞌ kua̱chi si̱kɨ̱ꞌ re̱ꞌ nsú káꞌ noꞌó.

Romanos 9:16

Saáva káji Ndiosíꞌ ñɨvɨ nsú jie̱ꞌe̱ꞌ ya̱ kuíni ñɨvɨ ví‑i, ni nsú jie̱ꞌe̱ꞌ ya̱ núnasɨ́ ñɨvɨ ví‑i, chisaꞌ jie̱ꞌe̱ꞌ Ndiosíꞌ ya̱ íyó tu̱náꞌví iniꞌ re̱ꞌ maa.

Filemón 1:15

Sa̱naanꞌ nku̱sɨ́ɨ́n Onésimo nu̱u̱nꞌ nú yakuꞌ ni tiempúꞌ sáva kuneeꞌ re̱ꞌ nɨ́ɨ́nkání jín noꞌó.