Génesis 45:5 - Mixteco del suroeste de Tlaxiaco Oaxaca

⁵ Jee ntañúꞌún koto núkuíꞌyáꞌ iniꞌ rán ni koto kítɨ́ꞌ iniꞌ rán jín maárán jie̱ꞌe̱ꞌ ya̱ nxi̱kó rán nuꞌuꞌ nu̱u̱nꞌ rá ñɨvɨ nkiji yaꞌá, chi nta̱jí Ndiosíꞌ xíꞌna ka̱ꞌ nuꞌuꞌ yaꞌá nsú káꞌ ránoꞌó sáva sikáku re̱ꞌ rá ñɨvɨ kutekuꞌ ráa.

Génesis 45:5 ပူးပေါင်းရင်းမြစ်များ

Génesis 37:28

Jee sáá njia̱ꞌa rá ñɨvɨ yukuán ya̱ kéꞌen xíkó ya̱ kúvi ráa tataꞌ ichiyúkúnꞌ Madián [ya̱ kúvi ichiyúkúnꞌ Ismael], jee ntavaꞌ rá ñaniꞌ José maáréꞌ iniꞌ sókó, jee nxi̱kó ráa re̱ꞌ nu̱u̱nꞌ rá ñɨvɨ ichiyúkúnꞌ Ismael jie̱ꞌe̱ꞌ o̱ko̱ꞌ (20) xu̱ꞌún kua̱chi ka̱a plata jee kua̱ꞌa̱nꞌ rá ñɨvɨ vá jín José nu̱u̱nꞌ ñuunꞌ Egipto.

Génesis 47:25

Jee nna̱xiníkó ráa nu̱u̱nꞌ José: ―¡Nsi̱káku nú ránuꞌuꞌ ya̱ kutekuꞌ ránꞌ ka̱ꞌ! ¡Ma̱ni̱ꞌ iniꞌ nú néꞌyá nú ránuꞌuꞌ, jee kuvi ránꞌ musúꞌ satíñú saɨn nu̱u̱nꞌ Faraón! ―nkachiꞌ ráa nu̱u̱nꞌ José.

Génesis 50:19

Soo nna̱xiníkó José nu̱u̱nꞌ ráa: ―Koto yúꞌví rán. Chi, ¿á nuꞌuꞌ nákunasɨꞌ ni̱ꞌ nu̱u̱nꞌ Ndiosíꞌ rúja? ¡Ntu̱ví!

Génesis 50:20

Ránoꞌó nkaꞌvi iniꞌ rán saꞌá kini rán nuꞌuꞌ, soo Ndiosíꞌ nkuna̱a̱ꞌ iniꞌ re̱ꞌ maa sáva sama re̱ꞌ ya̱ niváꞌa vá sáva kene ya̱ váꞌa sáva sáꞌá re̱ꞌ tiñu váꞌa vitan, sáva sikáku ni̱ꞌ rá ñɨvɨ kue̱ꞌe̱ꞌ tékúꞌ ráa.

Génesis 50:21

Saáva koto yúꞌví rán. Chi maáníꞌ taji ya̱ kajiꞌ rán jín rá se̱ꞌya rán ―nkachiꞌ José, jee suꞌva nna̱saváꞌa José iniꞌ ráa, jee viiꞌ ñunkúún xá nkaꞌanꞌ re̱ꞌ jín ráa.

Lucas 23:34

Soo nkachiꞌ Jesús: ―Tááꞌ ni̱ꞌ, kunekáꞌnú iniꞌ nú kune̱ꞌyá nú ráa, chi ntu̱ví jíníꞌ ráa na̱ kúvi ya̱ sáꞌá ráa ―nkachiꞌ re̱ꞌ. Jee tásáva ráa saꞌma re̱ꞌ nu̱u̱nꞌ ɨɨn inka ráa jee nsi̱kɨ́ ráa suertéꞌ sáva tasáva ráa maa.

2 Corintios 2:11

sáva nkúneí kui̱ꞌna̱ꞌ maá ñáꞌnú naní Satanás kosoꞌ‑o nu̱u̱nꞌ‑ó, chi jíníꞌ‑ó rá máñáꞌ re̱ꞌ.

2 Corintios 2:7

Jee saáva, íyó va̱ꞌa ka̱ꞌ ya̱ íyó kunekáꞌnú iniꞌ rán kune̱ꞌyá rán ñɨvɨ vá, jee nasaváꞌa rán iniꞌ‑i, sáva nkúneí tu̱nkuéká iniꞌ‑i jín‑i.

Filemón 1:15

Sa̱naanꞌ nku̱sɨ́ɨ́n Onésimo nu̱u̱nꞌ nú yakuꞌ ni tiempúꞌ sáva kuneeꞌ re̱ꞌ nɨ́ɨ́nkání jín noꞌó.