Génesis 45:20 - Mixteco del suroeste de Tlaxiaco Oaxaca

²⁰ Jee koto nániꞌvɨꞌ iniꞌ rán jie̱ꞌe̱ꞌ rá nantíñú kúmí rán chi ya̱ váꞌa ka̱ꞌ ya̱ íyó nu̱u̱nꞌ nɨꞌɨ ñuꞌun Egipto vá kuvi rán”, ―nkachiꞌ Faraón nu̱u̱nꞌ José ya̱ kachiꞌ re̱ꞌ maa nu̱u̱nꞌ rá ñaniꞌ re̱ꞌ.

Génesis 45:20 ပူးပေါင်းရင်းမြစ်များ

Génesis 20:15

Jee nkachiꞌ Abimelec: ―Kune̱ꞌyá, káá ñuꞌun ni̱ꞌ ichinúúnꞌ. Kuneeꞌ nu̱u̱nꞌ táꞌánꞌ iniꞌ nú.

Génesis 45:18

Jee nakeꞌen rán tátáꞌ rán kiji rán jín re̱ꞌ jín rá táꞌán veꞌi rán nu̱u̱nꞌ ni̱ꞌ. Jee taji ni̱ꞌ nu̱u̱nꞌ rán ñuꞌun va̱ꞌa ka̱ꞌ ya̱ íyó nu̱u̱nꞌ ñuꞌun ñuunꞌ Egipto, jee kajiꞌ rán ya̱ kene nu̱u̱nꞌ tataꞌ sáꞌá ya̱ íyó nu̱u̱nꞌ ñuꞌun yaꞌá.”

Génesis 45:19

Jee noꞌó suni tatúníꞌ nú nu̱u̱nꞌ ráa yaꞌá ya̱: “Nakeꞌen rán rá karretáꞌ nu̱u̱nꞌ ñuunꞌ Egipto, kɨ̱ꞌɨ̱nꞌ rán jín ráa sáva kuꞌun rá kua̱chi lúlí rán, jín rá ñaꞌan rán, jín tátáꞌ rán, jee kiji rán.

Génesis 45:21

Jee suꞌva nsa̱ꞌá rá se̱ꞌya Israel (Jacob). Jee njia̱ꞌa José nu̱u̱nꞌ ráa rá karretáꞌ ya̱ sánikua̱ꞌ nta̱túníꞌ Faraón, jín ya̱ kajiꞌ ráa ichi.

Génesis 47:6

Íyó núne ñuꞌun Egipto nu̱u̱nꞌ rán, sikúneeꞌ nú tátáꞌ nú jín rá ñaniꞌ nú nu̱u̱nꞌ ñuꞌun váꞌa ka̱ꞌ. Sikúneeꞌ nú ráa ñuꞌun ñuunꞌ sánitɨ́ɨn Gosén. Jee retú jíníꞌ nú ya̱ íyó rá te̱e nteñu ráa ya̱ nijia iniꞌ ráa náka ráa sa̱na̱ꞌ, jee kani nú ráa kuneen kuéntáꞌ ráa rá xi̱ni̱kɨ̱ꞌ ni̱ꞌ ―nkachiꞌ Faraón.

Mateo 24:17

Jee ñɨvɨ ya̱ yósóꞌ xi̱ni̱ꞌ ve̱ꞌí‑i, jee koto núun‑u tavaꞌ‑a nantíñú‑u íyó iniꞌ veꞌi‑i.

Lucas 17:31

’Jee ki̱vɨ̱ꞌ yukuán, jee ñɨvɨ ya̱ yósóꞌ‑o xi̱ni̱ꞌ ve̱ꞌí‑i, jee rá nantíñú‑u ya̱ íyó iniꞌ veꞌi‑i, jee koto núun‑u tavaꞌ‑a rává. Jee suni ñɨvɨ ya̱ íñɨ́‑ɨ nu̱u̱nꞌ tataꞌ sáꞌá‑a nu̱u̱nꞌ kuꞌúꞌ, jee suni koto níkó‑o veꞌi‑i jie̱ꞌe̱ꞌ rá nantíñú‑u.