Génesis 43:21 - Mixteco del suroeste de Tlaxiaco Oaxaca

²¹ soo sáá nkenta ránꞌ nu̱u̱nꞌ kino̱o ránꞌ kusuꞌ ránꞌ yakuááꞌ, jee nnine ránꞌ rá kuxtáꞌ ránꞌ, jee niniꞌ ránꞌ nɨꞌɨ xu̱ꞌún ta ɨɨn ránꞌ ñúꞌún‑u yuꞌú kuxtáꞌ ta ɨɨn ráníꞌ jee vitan jee va̱ji ránꞌ jín‑i sáva naxiníkó ránꞌ maa.

Génesis 43:21 ပူးပေါင်းရင်းမြစ်များ

Génesis 43:12

Jee suni kuáꞌán rán jín u̱vi̱ꞌ íchí ka̱ꞌ xu̱ꞌún, ya̱ nna̱taji ráa nu̱u̱nꞌ rán iniꞌ yuꞌú kuxtáꞌ, chi sa̱naanꞌ jee nkuvi ɨɨn tusanaanꞌ.

Génesis 43:15

Jee nkeꞌen rá te̱e vá rá nantíñú ya̱ kuvi ta̱ꞌvi̱ꞌ, jín u̱vi̱ꞌ íchí ka̱ꞌ kue̱ꞌe̱ꞌ xu̱ꞌún jín Benjamín jee nke̱chí ráa kua̱ꞌa̱nꞌ ráa nu̱u̱nꞌ ñuꞌun Egipto. Jee nkenta ráa ichinúúnꞌ José.

Génesis 43:20

Jee nkachiꞌ ráa: ―Kunekáꞌnú xá iniꞌ nú tátáꞌ, xíꞌna íchí nkiji nijia ráníꞌ nki̱keꞌen ránꞌ ya̱ kajiꞌ ránꞌ,

Génesis 43:22

Jee suni va̱ji ránꞌ ka̱ꞌ jín xu̱ꞌún sáva keꞌen ránꞌ nikɨn kajiꞌ ránꞌ. Jee ntu jíníꞌ ránꞌ né ɨɨn nchuꞌun xu̱ꞌún ránꞌ iniꞌ rá kuxtáꞌ ―nkachiꞌ ráa.

Génesis 44:8

Tɨɨn kuéntáꞌ nú ya̱ xu̱ꞌún ya̱ nna̱niꞌinꞌ ránꞌ yuꞌú rá kuxtáꞌ ránꞌ, nkiji ránꞌ jín‑i ne̱ ñuꞌun ñuunꞌ Canaán jee nna̱xiníkó ránꞌ maa nu̱u̱nꞌ nú. ¿Na̱sa kuvi saꞌá kuíꞌná ráníꞌ nantíñú yɨ́yáꞌvi plata áxí oro veꞌi I̱toꞌoꞌ nú rúja?

Romanos 12:17

Jee koto násaꞌá niva̱ꞌa rán nu̱u̱nꞌ ni ɨɨn ñɨvɨ ya̱ nsa̱ꞌá niva̱ꞌa‑a jín noꞌó. Kuniꞌvɨꞌ iniꞌ rán saꞌá rán tiñu váꞌa ichinúúnꞌ ntáká ñɨvɨ.

Romanos 13:8

Koto na̱ kútaya̱ꞌvi rán nu̱u̱nꞌ ni ɨɨn ñɨvɨ, chisaꞌ íyó jie̱ꞌe̱ꞌ ya̱ táyáꞌvi rán ya̱ íyó kunu̱u̱nꞌ rán ɨɨn inka táꞌán rán ya̱ sukuáni íyó chunáán rán maa. Chi ñɨvɨ ya̱ ñúnúunꞌ‑u táꞌán‑a, jee ya̱ nsi̱kúnkuvi‑i ya̱ tátúníꞌ ley Ndiosíꞌ.

Hebreos 13:18

Ka̱ka̱nꞌ táꞌvíꞌ rán nu̱u̱nꞌ Ndiosíꞌ jie̱ꞌe̱ꞌ ránuꞌuꞌ. Chi jíníꞌ va̱ꞌa ráníꞌ ya̱ ntu̱náꞌ ñúꞌún kua̱chi iniꞌ ránꞌ jín ya̱ kuíni ránꞌ ya̱ saꞌá na̱a̱ꞌ va̱ꞌa ránꞌ ntáká nu̱u̱nꞌ ntáká tiñu.

Hebreos 13:5

Koto jiáꞌnu rán ñujiínꞌ kunu̱u̱nꞌ rán xu̱ꞌún, soo kuva̱ꞌa iniꞌ rán jín ya̱ kúmí rán, chi káchíꞌ Ndiosíꞌ: Ni nsáꞌ xinóo ni̱ꞌ noꞌó. Jee ni nsáꞌ keꞌen ni̱ꞌ xinóo maáníꞌ noꞌó.

1 Pedro 2:12

Jee kueꞌnu va̱ꞌa rán nteñu rá ñɨvɨ ya̱ ntu jíníꞌ ráa Tu̱ꞌun Ndiosíꞌ, sáva súka̱ꞌ káꞌánꞌ rá ñɨvɨ si̱kɨ̱ꞌ rán kuéntáꞌ kua̱ꞌ sáꞌá rán tiñu níváꞌa, soo kuniꞌ rá ñɨvɨ vá rá tiñu váꞌa sáꞌá rán, jee nakuetúꞌún ráa Ndiosíꞌ ki̱vɨ̱ꞌ niji tuku Cristo sanáaꞌ re̱ꞌ sáni ya̱ nááꞌ.

1 Pedro 3:16

Soo másúꞌ koo iniꞌ rán naxiníkó rán nu̱u̱nꞌ ráa, jee kaꞌanꞌ yɨ́ñúꞌún rán jín ráa, jee kueꞌnu na̱a̱ꞌ rán ya̱ jíníꞌ rán ya̱ ntu íyó si̱kɨ̱ꞌ rán, sáva sáá káꞌánꞌ niva̱ꞌa ráa si̱kɨ̱ꞌ rán kukanuun ráa jie̱ꞌe̱ꞌ tu̱ꞌun niváꞌa ya̱ káꞌánꞌ ráa jie̱ꞌe̱ꞌ va̱ꞌa jiáꞌnu rán jie̱ꞌe̱ꞌ yɨ́ꞌɨ́ rán nu̱u̱nꞌ Cristo.