Génesis 42:34 - Mixteco del suroeste de Tlaxiaco Oaxaca

³⁴ Jee kiji rán jín ñaniꞌ lúlí rán ka̱ꞌ jee suꞌva kukáꞌnú iniꞌ ni̱ꞌ ya̱ ntu̱ví kúvi rán ñɨvɨ nání yuꞌuꞌ jee kúvi rán ñɨvɨ na̱a̱ꞌ jee saájee nataji ni̱ꞌ ñaniꞌ rán nu̱u̱nꞌ rán jee kuvi kaka núne rán nu̱u̱nꞌ ñuunꞌ yaꞌá xíkó jín kéꞌen”, nkachiꞌ re̱ꞌ nu̱u̱nꞌ ránꞌ ―nkachiꞌ ráa nu̱u̱nꞌ tátáꞌ ráa.

Génesis 42:34 ပူးပေါင်းရင်းမြစ်များ

Génesis 20:15

Jee nkachiꞌ Abimelec: ―Kune̱ꞌyá, káá ñuꞌun ni̱ꞌ ichinúúnꞌ. Kuneeꞌ nu̱u̱nꞌ táꞌánꞌ iniꞌ nú.

Génesis 34:10

Jee kino̱o rán kuneeꞌ rán jín ránuꞌuꞌ, chi káá ñuꞌun yaꞌá núne na̱kua̱ꞌ kuíni rán, jee kuneeꞌ rán nu̱u̱nꞌ ñuꞌun yaꞌá, keꞌen rán jín xi̱kó rán, jee keꞌen rán ñuꞌun ―nkachiꞌ Hamor nu̱u̱nꞌ ráa.

Génesis 34:21

―Rá te̱e yaꞌá kúvi ráa te̱e nééꞌ va̱ꞌa jín‑ó, jee ku̱ꞌva‑ó kuneeꞌ ráa nu̱u̱nꞌ ñuꞌun yaꞌá, jee kakanuun ráa ñuꞌun yaꞌá keꞌen ráa jín xi̱kó ráa, chi káá kue̱ꞌe̱ꞌ ñuꞌun yaꞌá ya̱ kuvi ráa yaꞌá. Jee rá se̱ꞌya sɨ́ꞌɨ́ ráa nakeꞌen‑ó ráña kuvi ñasɨ́ꞌɨ́‑ó, jee ku̱ꞌva‑ó rá se̱ꞌya sɨ́ꞌɨ́‑ó nu̱u̱nꞌ ráa kuvi ñasɨ́ꞌɨ́ ráa.

Génesis 42:15

Jee jín yaꞌá kototúníꞌ ni̱ꞌ ránoꞌó: Jee a nááꞌ vá tékúꞌ Faraón jee suni sukuán a nááꞌ sánáaꞌ ni̱ꞌ nu̱u̱nꞌ tu̱ꞌun káꞌánꞌ ni̱ꞌ, ya̱ ni nsáꞌ kene rán yaꞌá nekuaꞌ kiji ñaniꞌ lúlí rán nu̱u̱nꞌ yaꞌá.

Génesis 42:20

Jee kiji rán jín ñaniꞌ lúlí rán nu̱u̱nꞌ ni̱ꞌ, jee kuniꞌ ni̱ꞌ retú na̱a̱ꞌ káꞌánꞌ rán, jee nku̱víꞌ rán ―nkachiꞌ José nu̱u̱nꞌ ráa. Jee ni̱yo maniꞌ ráa ya̱ nkachiꞌ re̱ꞌ.