Génesis 42:25 - Mixteco del suroeste de Tlaxiaco Oaxaca

²⁵ Jee kuíre nta̱túníꞌ re̱ꞌ ya̱ chuꞌun chitú rá musúꞌ re̱ꞌ nikɨn iniꞌ kuxtáꞌ rá ñaniꞌ re̱ꞌ, jín ya̱ naxiníkó rá musúꞌ re̱ꞌ xu̱ꞌún ta ɨɨn rá ñaniꞌ re̱ꞌ, jee chuꞌun ráa xu̱ꞌún vá iniꞌ ta ɨɨn rá kuxtáꞌ rá ñaniꞌ re̱ꞌ, jín ya̱ ku̱ꞌva ráa neyu nu̱u̱nꞌ rá ñaniꞌ re̱ꞌ sáva kajiꞌ ráa maa ichi kua̱noꞌonꞌ ráa. Jee suꞌva nsa̱ꞌá rá musúꞌ re̱ꞌ.

Génesis 42:25 ပူးပေါင်းရင်းမြစ်များ

Génesis 42:26

Saájee ntee rá ñaniꞌ re̱ꞌ rá kuxtáꞌ nikɨn ya̱ta̱ꞌ rá burrúꞌ ráa, jee nkene ráa nu̱u̱nꞌ ñuunꞌ yukuán jee kua̱ꞌa̱nꞌ nnoꞌonꞌ ráa.

Génesis 43:12

Jee suni kuáꞌán rán jín u̱vi̱ꞌ íchí ka̱ꞌ xu̱ꞌún, ya̱ nna̱taji ráa nu̱u̱nꞌ rán iniꞌ yuꞌú kuxtáꞌ, chi sa̱naanꞌ jee nkuvi ɨɨn tusanaanꞌ.

Génesis 45:21

Jee suꞌva nsa̱ꞌá rá se̱ꞌya Israel (Jacob). Jee njia̱ꞌa José nu̱u̱nꞌ ráa rá karretáꞌ ya̱ sánikua̱ꞌ nta̱túníꞌ Faraón, jín ya̱ kajiꞌ ráa ichi.

Mateo 5:44

Soo nuꞌuꞌ káchíꞌ ni̱ꞌ nu̱u̱nꞌ ránú ya̱: Íyó kunu̱u̱nꞌ rán rá ñɨvɨ túfíꞌ ta̱ꞌán ráa jín ránoꞌó, [jee kachiꞌ rán ya̱ váꞌa nu̱u̱nꞌ rá ñɨvɨ ya̱ chísónínu kini ráa ránoꞌó, jee saꞌá rán ya̱ váꞌa nu̱u̱nꞌ rá ñɨvɨ ya̱ táꞌvi iniꞌ ráa néꞌyá ráa ránoꞌó], jee ka̱ka̱nꞌ táꞌvíꞌ rán nu̱u̱nꞌ Ndiosíꞌ ya̱ váꞌa jie̱ꞌe̱ꞌ rá ñɨvɨ [káꞌánꞌ niva̱ꞌa ráa si̱kɨ̱ꞌ rán jee] jíto u̱ꞌvi̱ꞌ ráa ránoꞌó.

Mateo 6:33

Soo nukú xíꞌna ki̱vi naꞌá Ndiosíꞌ ya̱ tatúníꞌ re̱ꞌ nu̱u̱nꞌ rán, jín ya̱ kino̱o na̱a̱ꞌ rán nu̱u̱nꞌ re̱ꞌ, jee taji re̱ꞌ nɨꞌɨ rá nantíñú yaꞌá.

1 Pedro 3:9

Koto násaꞌá niva̱ꞌa rán nu̱u̱nꞌ ɨɨn ñɨvɨ ya̱ sáꞌá niva̱ꞌa‑a jín ránoꞌó, jee koto nátenu̱u̱nꞌ rán ñɨvɨ ya̱ ténúunꞌ‑u ránoꞌó, chisaꞌ nakaꞌanꞌ rán tu̱ꞌun váꞌa ya̱ kuvi ya̱ váꞌa nu̱u̱nꞌ ráa. Chi nkana Ndiosíꞌ ránoꞌó sáva saꞌá rán suꞌva sáva ni̱ꞌi̱nꞌ rán ta̱ꞌvi̱ꞌ taji re̱ꞌ nu̱u̱nꞌ rán ya̱ kuvi ya̱ váꞌa ránoꞌó.