Génesis 41:8 - Mixteco del suroeste de Tlaxiaco Oaxaca

⁸ Soo ki̱vɨ̱ꞌ steñu̱ꞌún ya̱neꞌenꞌ ñúníní iniꞌ Faraón jee nta̱jí re̱ꞌ rá te̱e kana ráa kiji ntáká rá te̱e nijin iniꞌ jín ntáká rá níchí xíniꞌ íyó nu̱u̱nꞌ ñuunꞌ Egipto. Jee nna̱kani Faraón nu̱u̱nꞌ ráa rá ña̱ní nñání re̱ꞌ, soo ni ɨɨn ráa ni ntu̱ví nkuvi kachiꞌ nu̱u̱nꞌ re̱ꞌ ná kúníꞌ kachiꞌ rá ña̱ní nña̱ní re̱ꞌ.

Génesis 41:8 ပူးပေါင်းရင်းမြစ်များ

Génesis 40:6

Jee ya̱neꞌenꞌ nkenta José nu̱u̱nꞌ ráa ya̱ vá néꞌyá re̱ꞌ ráa, jee niniꞌ re̱ꞌ ya̱ núkuíꞌyáꞌ iniꞌ ráa.

Génesis 40:8

Jee nna̱xiníkó ráa nu̱u̱nꞌ re̱ꞌ: ―Nña̱ní ráníꞌ ɨɨn ña̱ní nu̱u̱nꞌ ñuma̱ꞌná ráníꞌ jee ntu̱ví íyó ne̱ ɨɨn vá kachiꞌ nu̱u̱nꞌ ránꞌ ná kúníꞌ kachiꞌ ña̱ní ránꞌ ―nkachiꞌ ráa nu̱u̱nꞌ José. Saájee nkachiꞌ José nu̱u̱nꞌ ráa: ―¿Á nsú Ndiosíꞌ ví ya̱ káchíꞌ‑i ná kúníꞌ kachiꞌ ya̱ ñání ránꞌ rúja? Nakani rán maa nu̱u̱nꞌ ni̱ꞌ ―nkachiꞌ José nu̱u̱nꞌ ráa.

Génesis 41:15

Jee nkachiꞌ Faraón nu̱u̱nꞌ José: ―Nña̱ní ni̱ꞌ ɨɨn ña̱ní nu̱u̱nꞌ ñuma̱ꞌná ni̱ꞌ jee ni ntu̱né íyó ni ɨɨn ñɨvɨ ya̱ kuvi kachiꞌ nákúniꞌ káchíꞌ ña̱ní ni̱ꞌ, soo nteso̱ꞌo ni̱ꞌ jie̱ꞌe̱ꞌ noꞌó ya̱ sáá teso̱ꞌo nú ɨɨn ña̱ní jee kúvi káchíꞌ nú nákúniꞌ kachiꞌ ña̱ní ―nkachiꞌ Faraón nu̱u̱nꞌ José.

Génesis 41:24

Jee rá yoko trigúꞌ ti̱chiꞌmaꞌ vá nyajiꞌ ráa ni u̱xa̱ꞌ rá yoko trigúꞌ íyó máá viiꞌ vá. Jee nna̱kani ni̱ꞌ rá yaꞌá nu̱u̱nꞌ rá te̱e nijin iniꞌ, soo ni ɨɨn ráa ni ntu̱ví nkúvi kachiꞌ ná kúníꞌ kachiꞌ ña̱ní ni̱ꞌ nu̱u̱nꞌ ni̱ꞌ ―nkachiꞌ Faraón nu̱u̱nꞌ José.

Génesis 41:7

Jee rá yoko trigúꞌ nnachi vá nyajiꞌ ráa rá ni uxúꞌ rá yoko trigúꞌ máá viiꞌ máá titɨ vá, kúníꞌ Faraón. Jee nnoto re̱ꞌ, jee niniꞌ re̱ꞌ ya̱ ɨɨn ña̱ní kúvi‑i.

Mateo 2:1

Jee sáá nkaku Jesús ñuunꞌ Belén, ya̱ yɨ́ꞌɨ́ xi̱ntíín ñuꞌun Judea. Jee tiempúꞌ yukuán kúvi Herodes te̱e tátúníꞌ re̱ꞌ rá ñuunꞌ vá. Jee nu̱u̱nꞌ ñuunꞌ Jerusalén nkenta sava rá te̱e tu̱ꞌva níchí xi̱ni̱ꞌ ya̱ váji ráa ne̱ ichi nu̱u̱nꞌ kénta nka̱niiꞌ.

Hechos 17:18

Soo íyó kéꞌín rá te̱e ya̱ sava ráa súkuáꞌa ñujiínꞌ epicúreo. Jee sava ráa súkuáꞌa ñujiínꞌ estoico. Jee nka̱ntátúꞌun ráa jín‑i, jee kéꞌín ráa nkachiꞌ: ―¿Ná kuíni kachiꞌ te̱e nékáíyó káꞌánꞌ yaꞌá? Jee inka ráa ka̱ꞌ nkachiꞌ: ―Túvi‑i kuéntáꞌ ɨɨn te̱e ya̱ xínéꞌénꞌ‑e jie̱ꞌe̱ꞌ rá ndiosíꞌ to̱ꞌo̱ꞌ inka ñuunꞌ. Nkachiꞌ ráa yaꞌá chi nkaꞌanꞌ Pablo tu̱ꞌun váꞌa jie̱ꞌe̱ꞌ Jesús jín jie̱ꞌe̱ꞌ ya̱ nna̱tekuꞌ i̱i̱ꞌ re̱ꞌ jín ya̱ natekuꞌ i̱i̱ꞌ ñɨvɨ nteñu rá níꞌiꞌ.

Hechos 7:22

Jee nxi̱néꞌénꞌ ráa maa nɨꞌɨ tu̱ꞌun níchí jíníꞌ rá te̱e Egipto, jee nku̱níchí xá xi̱ni̱ꞌ re̱ꞌ jín ya̱ nkaꞌanꞌ re̱ꞌ jín ya̱ nsa̱ꞌá re̱ꞌ.

1 Corintios 1:19

Chi káchíꞌ nu̱u̱nꞌ Tutuꞌ níso Tu̱ꞌun Ndiosíꞌ: Xináánꞌ ni̱ꞌ tu̱ꞌun níchí rá ñɨvɨ níchí xíniꞌ, jee siíyo ni̱ꞌ rá tu̱ꞌun tánɨ́ꞌ xi̱ni̱ꞌ rá ñɨvɨ nito xi̱ni̱ꞌ.