Génesis 4:7 - Mixteco del suroeste de Tlaxiaco Oaxaca

⁷ Retánꞌ ya̱ váꞌa saꞌá nú, ¿á ntu íyó nuva̱ꞌa iniꞌ nú rúja? Soo retú ntu saꞌá nú ya̱ váꞌa jee íyó yatin kua̱chi jín nú kuéntáꞌ íñɨ́‑ɨ yuvéꞌí nú níyo iniꞌ‑i néꞌyá‑a nó kosoꞌ‑o nó, soo íyó kuneí nú kajiaꞌ nú kua̱chi vá.”

Génesis 4:7 ပူးပေါင်းရင်းမြစ်များ

Génesis 19:21

Saájee nkachiꞌ najiáꞌáꞌ ííꞌ vá nu̱u̱nꞌ re̱ꞌ: ―Va̱tu̱ni, yɨ́netuꞌ ni̱ꞌ yaꞌá ya̱ jíkánꞌ nú nu̱u̱nꞌ ni̱ꞌ jee nsáꞌ xináánꞌ ni̱ꞌ ñuunꞌ vá ya̱ nkachiꞌ nú.

Génesis 3:16

Nkachiꞌ Ndiosíꞌ nu̱u̱nꞌ ñaꞌan vá: ―Xiníꞌin yɨɨ́ ni̱ꞌ kuyajiꞌ iniꞌ nú sáá kuneeꞌ kue̱ꞌi̱ꞌ nú. Kuteꞌneꞌ iniꞌ nú sáá xtaꞌvíꞌ nú rá se̱ꞌya nú. Niyo iniꞌ nú kutóó nú yɨɨ́ nú. Jee maáréꞌ kosoꞌ re̱ꞌ nu̱u̱nꞌ nú.

Hechos 10:35

Soo íyó mániꞌ re̱ꞌ néꞌyá re̱ꞌ ñɨvɨ ntáká ñuunꞌ, ya̱ ñúyúꞌví iniꞌ ráa re̱ꞌ, jín ya̱ jiáꞌnu na̱a̱ꞌ ráa.

Romanos 12:1

Saáva, ránoꞌó ñanitáꞌán ni̱ꞌ, jie̱ꞌe̱ꞌ ya̱ nníꞌinꞌ yó ya̱ náꞌví iniꞌ Ndiosíꞌ yó, jee saáva náxinániꞌvɨꞌ ni̱ꞌ iniꞌ rán ya̱ nasokoꞌ tékúꞌ rán maárán nu̱u̱nꞌ Ndiosíꞌ sáva kɨtíñú rán nu̱u̱nꞌ re̱ꞌ ya̱ kusɨ́ɨ́n rán kene rán nu̱u̱nꞌ ya̱ niváꞌa, jín ya̱ kueꞌnu rán sáni kúváꞌa iniꞌ re̱ꞌ néꞌyá re̱ꞌ maa. Yukuán kúvi nijia ya̱ néñu̱ꞌun rán re̱ꞌ jín ánímaꞌ rán.

Romanos 14:18

Chi ñɨvɨ ya̱ sukuán yɨ́tíñú‑u nu̱u̱nꞌ Cristo, jee kúváꞌa iniꞌ Ndiosíꞌ néꞌyá re̱ꞌ maa, jee kúváꞌa iniꞌ rá inka ñɨvɨ jie̱ꞌe̱ꞌ ya̱ sáꞌá‑a.

Romanos 15:16

sáva sáꞌá ni̱ꞌ tiñu Cristo Jesús nu̱u̱nꞌ rá ñɨvɨ ya̱ ntu kúvi ñɨvɨ Israel. Sáꞌá ni̱ꞌ tiñu kuéntáꞌ su̱tu̱ꞌ, ya̱ stékútu̱ꞌún ni̱ꞌ tu̱ꞌun váꞌa Ndiosíꞌ, sáva kuvi ki̱vɨ ráa nu̱u̱nꞌ re̱ꞌ, kuéntáꞌ násokoꞌ ni̱ꞌ ráa nu̱u̱nꞌ re̱ꞌ, jee saájee kúváꞌa iniꞌ re̱ꞌ néꞌyá re̱ꞌ ráa, chi nsa̱ꞌá Ta̱chi̱ꞌ Ííꞌ re̱ꞌ nnu̱noo ráa chi nsásɨ́ɨ́n re̱ꞌ ráa sáva kɨtíñú ráa nu̱u̱nꞌ re̱ꞌ.

Romanos 6:12

Saáva koto jiáꞌa rán ka̱ꞌ ya̱ kuneí kosoꞌ kua̱chi jín yɨkɨkúñu rán ya̱ jíꞌíꞌ‑i, sáva nkáníjiá rán ka̱ꞌ rá néꞌí níyo iniꞌ yɨkɨkúñu rán.

Romanos 6:16

¿Á ntu jíníꞌ rán ya̱ retú chiꞌi rán maárán xi̱ntíín inka ñɨvɨ kuéntáꞌ ɨɨn musúꞌ kéꞌen ñɨvɨ sáva kaníjiá rán maa, saájee kúvi rán musúꞌ kéꞌen ya̱ yɨ́ꞌɨ́ rán xi̱ntíín ñɨvɨ vá ya̱ káníjiá rán? Jee suni sukuán kúvi rán musúꞌ yɨ́ꞌɨ́ rán xi̱ntíín kua̱chi retú chiꞌi rán maárán xi̱ntíín kua̱chi kaníjiá rán maa, jee kenta kuéntáꞌ jíꞌíꞌ rán nu̱u̱nꞌ Ndiosíꞌ. Áxí kúvi rán musúꞌ yɨ́ꞌɨ́ rán xi̱ntíín Ndiosíꞌ ya̱ káníjiá rán re̱ꞌ jee kenta kino̱o na̱a̱ꞌ rán nu̱u̱nꞌ re̱ꞌ.

Efesios 1:6

Saáva jie̱ꞌe̱ꞌ vá íyó nakuetúꞌún‑ó Ndiosíꞌ ya̱ viiꞌ kúñáꞌnú re̱ꞌ jie̱ꞌe̱ꞌ ya̱ na̱ ka̱ꞌ vá íyó mániꞌ iniꞌ re̱ꞌ jín yó jee nsi̱kútaꞌviꞌ saɨn re̱ꞌ ya̱ váꞌa nu̱u̱nꞌ‑ó, jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo, ya̱ ñúnúunꞌ re̱ꞌ maa.

1 Timoteo 5:4

Retú íyó ɨɨn ñaꞌan náꞌví íyó rá se̱ꞌya‑a áxí rá tiání‑i, suviráa vá íyó kutu̱ꞌva ráa xíꞌna ka̱ꞌ ya̱ saꞌá ñáꞌnú ráa nu̱u̱nꞌ ña. Jee suꞌva saꞌá ñáꞌnú ráa nu̱u̱nꞌ Ndiosíꞌ. Jee nakoto ráa ña jie̱ꞌe̱ꞌ ya̱ nito sɨꞌɨ́ ráa maáráa. Chi kúváꞌa iniꞌ Ndiosíꞌ néꞌyá re̱ꞌ ya̱ sáꞌá‑a suꞌva.

Hebreos 11:4

Chi ni̱nu̱ꞌ iniꞌ Abel nku̱neí iniꞌ re̱ꞌ Ndiosíꞌ, jee saáva nso̱ko̱ꞌ re̱ꞌ ya̱ váꞌa víꞌí ka̱ꞌ nu̱u̱nꞌ Ndiosíꞌ nsú káꞌ Caín. Jee saáva nna̱kuetúꞌún Ndiosíꞌ ya̱ Abel kúvi re̱ꞌ te̱e na̱a̱ꞌ, chi nna̱kuetúꞌún Ndiosíꞌ jie̱ꞌe̱ꞌ ya̱ nsókoꞌ Abel. Jee saáva súka̱ꞌ ya̱ ni̱ꞌi̱ꞌ re̱ꞌ, jee kuéntáꞌ níkɨ́nꞌ i̱i̱ꞌ káꞌánꞌ re̱ꞌ ne̱ vitan chi nkuvi re̱ꞌ te̱e ni̱nu̱ꞌ iniꞌ.

Santiago 1:15

Saájee sáá kíjiéꞌé níyo iniꞌ ráa jee suꞌva káku kua̱chi iniꞌ ráa. Jee sáá jíjia kua̱chi iniꞌ ráa jee suꞌva kenta kusɨ́ɨ́n ñɨvɨ nu̱u̱nꞌ Ndiosíꞌ jee suꞌva jíꞌíꞌ ráa nu̱u̱nꞌ re̱ꞌ.

1 Pedro 2:5

Jee ránoꞌó ranika̱ꞌ, suni kúvi rán kuéntáꞌ rá yu̱u̱ꞌ tékúꞌ ya̱ jiátíñú Ndiosíꞌ ránoꞌó sáꞌá re̱ꞌ veꞌi nu̱u̱nꞌ yɨ́ꞌɨ́ Ta̱chi̱ꞌ Ííꞌ re̱ꞌ, sáva kuvi rán su̱tu̱ꞌ ííꞌ kɨtíñú rán nu̱u̱nꞌ tiñu re̱ꞌ, sáva so̱ko̱ꞌ rán nu̱u̱nꞌ Ndiosíꞌ máá tiñu sánikua̱ꞌ sátíñú Ta̱chi̱ꞌ Ííꞌ re̱ꞌ iniꞌ ránoꞌó ya̱ kúváꞌa iniꞌ re̱ꞌ néꞌyá re̱ꞌ maa jie̱ꞌe̱ꞌ yɨ́ꞌɨ́ rán nu̱u̱nꞌ Jesús ya̱ kúvi Cristo.