Génesis 39:12 - Mixteco del suroeste de Tlaxiaco Oaxaca

¹² jee ntɨɨn ña saꞌma José jee nkachiꞌ ña nu̱u̱nꞌ re̱ꞌ: ―Kava jín ni̱ꞌ ―nkachiꞌ ña nu̱u̱nꞌ José. Soo jínu re̱ꞌ nkene re̱ꞌ jee nxi̱nóo re̱ꞌ saꞌma re̱ꞌ xi̱ntíín ña.

Génesis 39:12 ပူးပေါင်းရင်းမြစ်များ

Génesis 39:10

Jee súnika̱ꞌ nkachiꞌ ña suꞌva nu̱u̱nꞌ José ta ki̱vɨ̱ꞌ ta ki̱vɨ̱ꞌ soo ntu̱ví sáꞌá re̱ꞌ kuéntáꞌ nu̱u̱nꞌ káꞌánꞌ ña jee ntu ñákava re̱ꞌ kusuꞌ re̱ꞌ jín ña, ni ya̱ kutáꞌán re̱ꞌ jín ña.

Génesis 39:11

Jee ɨɨn ki̱vɨ̱ꞌ nki̱vɨ José iniꞌ veꞌi sáva saꞌá re̱ꞌ rá tiñu íyó saꞌá re̱ꞌ, soo ni ntu̱ví ni ɨɨn ñɨvɨ sátíñú iniꞌ veꞌi hora yukuán,

Génesis 39:13

Jee sáá niniꞌ ña ya̱ sáá nkene re̱ꞌ chíkéꞌi jee nxi̱nóo re̱ꞌ saꞌma re̱ꞌ xi̱ntíín ña,

Génesis 39:8

Soo ntu njiáꞌayuꞌú re̱ꞌ saꞌá maa, jee nkachiꞌ re̱ꞌ nu̱u̱nꞌ ñasɨ́ꞌɨ́ i̱toꞌoꞌ re̱ꞌ vá: ―Teso̱ꞌo nú, i̱toꞌoꞌ ni̱ꞌ nxi̱nóo re̱ꞌ xi̱ntíín ni nɨꞌɨ ya̱ kúmí re̱ꞌ, jee ni ya̱ íyó ni̱ꞌ yaꞌá, jee ntu̱ví íyó re̱ꞌ ya̱ naniꞌvɨꞌ iniꞌ re̱ꞌ jie̱ꞌe̱ꞌ rá nantíñú íyó veꞌi re̱ꞌ.

1 Corintios 15:33

Koto jiáꞌa rán xináꞌví rá ñɨvɨ ránoꞌó jín tu̱ꞌun káꞌánꞌ ráa, chi: “Retú jíka nú jín rá ñɨvɨ kánéꞌén, jee stívɨ́ ráa ránoꞌó nu̱u̱nꞌ ñujiínꞌ váꞌa jíka rán.”

2 Timoteo 2:22

Kunu nú chusává maánú nu̱u̱nꞌ ya̱ níyo iniꞌ nú ya̱ sɨ̱ɨ̱ꞌ iniꞌ ɨɨn te̱e súchí. Jee kunikɨnꞌ nú ichi ya̱ kino̱o na̱a̱ꞌ nú nu̱u̱nꞌ Ndiosíꞌ, ya̱ tu̱ꞌun kuneí iniꞌ nú Cristo, ya̱ tu̱ꞌun kunu̱u̱nꞌ nú Ndiosíꞌ jín ñɨvɨ, jín ya̱ tu̱ꞌun kuneeꞌ ñunkúún nú jín táꞌán nú. Jee saꞌá nú suꞌva jín rá ñɨvɨ ya̱ ni̱ka̱nꞌ táꞌvíꞌ ráa jín ánímaꞌ noo nu̱u̱nꞌ Cristo, ya̱ kuvi re̱ꞌ I̱toꞌoꞌ ráa.

1 Pedro 2:11

Ránoꞌó ñanitáꞌán ya̱ ñúnúunꞌ ni̱ꞌ, náxiníꞌvɨ́ꞌ ni̱ꞌ iniꞌ rán ya̱ koo rán kuéntáꞌ kua̱ꞌ retánꞌ kúvi rán to̱ꞌo̱ꞌ inka ñuunꞌ ya̱ váji íká rán jee ntu jiáꞌnu rán kuéntáꞌ jiáꞌnu rá ñɨvɨ ñɨ̱vɨ́ yaꞌá, jee saáva chusává rán rá tiñu ya̱ níyo iniꞌ rán saꞌá rán ya̱ ntu yɨ́ꞌɨ́ xi̱ntíín Ndiosíꞌ chi súkúta̱ꞌán‑a jín ánímaꞌ rán.