Génesis 37:27 - Mixteco del suroeste de Tlaxiaco Oaxaca

²⁷ Kɨ̱ꞌɨ̱nꞌ‑ó, xi̱kó‑ó maa nu̱u̱nꞌ rá ñɨvɨ tataꞌ ichiyúkúnꞌ Ismael jee ntɨ́ɨn‑ó maa nka̱ꞌníꞌ‑ó maa chi ñaniꞌ ni̱ñɨ̱ꞌ‑órán ví re̱ꞌ ―nkachiꞌ Judá. Jee ni̱yo ma̱ni̱ꞌ iniꞌ rá ñaniꞌ re̱ꞌ ya̱ nkachiꞌ re̱ꞌ.

Génesis 37:27 ပူးပေါင်းရင်းမြစ်များ

Génesis 29:14

Jee nkachiꞌ Labán nu̱u̱nꞌ Jacob: “Máá nááꞌ nijia ya̱ maánú kúvi se̱ꞌya ni̱ñɨ̱ꞌ veꞌi maáníꞌ”, nkachiꞌ Labán. Saájee nkino̱o Jacob ɨɨn yo̱o̱ꞌ nneeꞌ re̱ꞌ jín Labán.

Génesis 37:22

―jee nkachiꞌ Rubén nu̱u̱nꞌ ráa―. Koto jiáꞌníꞌ rán maa, chisaꞌ chuꞌun rán maa iniꞌ sókó yaꞌá ya̱ nééꞌ nu̱u̱nꞌ ñuꞌun sáɨn yaꞌá. Soo koto tɨ́ɨn rán maa saꞌá kini rán ―nkachiꞌ Rubén suꞌva chi nkuini re̱ꞌ sikáku re̱ꞌ José xi̱ntíín rá ñaniꞌ re̱ꞌ jee sáva naku̱ꞌva re̱ꞌ maa nu̱u̱nꞌ tátáꞌ re̱ꞌ.

Génesis 42:21

Soo nkachiꞌ rá ñaniꞌ re̱ꞌ nu̱u̱nꞌ ɨɨn inka rá táꞌán ráa: ―Ya̱ nááꞌ nijia ya̱ íyó si̱kɨ̱ꞌ‑ó jie̱ꞌe̱ꞌ nsa̱ꞌá niva̱ꞌa‑ó nu̱u̱nꞌ ñaniꞌ‑ó, José, chi nne̱ꞌyá‑ó ya̱ nnu̱kuíꞌyáꞌ iniꞌ re̱ꞌ sáá jíkánꞌ táꞌvíꞌ‑i nu̱u̱nꞌ‑ó ya̱ kunáꞌví iniꞌ‑ó maa, soo ntu nsa̱ꞌá‑ó kuéntáꞌ. Saáva vitan va̱ji tu̱ꞌun núkuíꞌyáꞌ yaꞌá nu̱u̱nꞌ‑ó ―nkachiꞌ ráa.

Génesis 50:20

Ránoꞌó nkaꞌvi iniꞌ rán saꞌá kini rán nuꞌuꞌ, soo Ndiosíꞌ nkuna̱a̱ꞌ iniꞌ re̱ꞌ maa sáva sama re̱ꞌ ya̱ niváꞌa vá sáva kene ya̱ váꞌa sáva sáꞌá re̱ꞌ tiñu váꞌa vitan, sáva sikáku ni̱ꞌ rá ñɨvɨ kue̱ꞌe̱ꞌ tékúꞌ ráa.

Mateo 16:26

Chi, ¿na̱ nu̱u̱nꞌ íyótiñu nu̱u̱nꞌ ɨɨn ñɨvɨ, retú súnika̱ꞌ kuneí‑i ni̱ꞌi̱nꞌ‑i kua̱íyó ñɨ̱vɨ́ yaꞌá, retú sukuíta‑a ánímaꞌ‑a ya̱ nsáꞌ nanitáꞌvíꞌ‑i nu̱u̱nꞌ Ndiosíꞌ rúja? Áxí, ¿ná kúvi ya̱ chunáán ɨɨn ñɨvɨ sáva sikáku‑u ánímaꞌ‑a nanitáꞌvíꞌ‑i nu̱u̱nꞌ Ndiosíꞌ rúja? Ntu̱náꞌ íyó ya̱ kúvi ku̱ꞌva‑a.

Mateo 26:15

jee nkachiꞌ‑i: ―¿Ná kúvi ya̱ kuíni rán taji rán nu̱u̱nꞌ ni̱ꞌ, jee nataji ni̱ꞌ Jesús nu̱u̱nꞌ rán? ―nkachiꞌ‑i. Saájee nchu̱ku̱ꞌva ráa o̱ko̱ꞌ u̱ji̱ꞌ (30) xu̱ꞌún ka̱a ya̱ kúvi plata, jee njia̱ꞌa ráa maa nu̱u̱nꞌ‑u.

1 Timoteo 1:10

jín nu̱u̱nꞌ ñɨvɨ kúsíkɨ́ jín inka ñɨvɨ ya̱ ntu kúvi ñasɨ́ꞌɨ́ re̱ꞌ áxí ntu kúvi yɨɨ́ ña, jín nu̱u̱nꞌ rá ñɨvɨ kívɨ ráa ñujiínꞌ xeꞌne, jín nu̱u̱nꞌ ñɨvɨ sákuíꞌná ráa ñɨvɨ, jín nu̱u̱nꞌ ñɨvɨ túꞌún, jín nu̱u̱nꞌ ñɨvɨ sánáaꞌ ráa nu̱u̱nꞌ tu̱ꞌun káꞌánꞌ ráa jín tu̱ntúꞌún nu̱u̱nꞌ ñɨvɨ, jín nu̱u̱nꞌ ñɨvɨ ya̱ sáꞌá néni ɨɨn tiñu, ya̱ íyó sɨ́ɨ́n nu̱u̱nꞌ tu̱ꞌun jíníꞌ‑ó ya̱ tu̱ꞌun na̱a̱ꞌ ví ya̱ káꞌánꞌ‑a

Apoclipsis 18:13

jín canela, jín especia ya̱ sáꞌá nu̱ꞌú neyu, jín su̱jie ííꞌ, jín su̱jie u̱va̱ꞌ jiáꞌánꞌ vi̱xi̱ꞌ naní mirra, jín aceite jiáꞌánꞌ vi̱xi̱ꞌ, jín nixiꞌ vinúꞌ uva, jín aceite, jín yuchi trigúꞌ, jín nikɨn trigúꞌ, jín rá xi̱ni̱kɨ̱ꞌ, jín rá lanchi, jín rá kitɨ, jín rá karretáꞌ, jín rá musúꞌ ya̱ sátíñú saɨn ya̱ nkuya̱ꞌvi.