Génesis 37:15 - Mixteco del suroeste de Tlaxiaco Oaxaca

¹⁵ jee saájee nna̱niꞌinꞌ ɨɨn te̱e re̱ꞌ nu̱u̱nꞌ kuꞌúꞌ jíkanuun re̱ꞌ jee ni̱ka̱tu̱ꞌún te̱e vá re̱ꞌ: ―¿Ná kúvi ya̱ nanukú nú? ―nkachiꞌ te̱e vá.

Génesis 37:15 ပူးပေါင်းရင်းမြစ်များ

Génesis 21:14

Saájee neꞌenꞌ víꞌí nnako̱o Abraham ya̱neꞌenꞌ, jee nkeꞌen re̱ꞌ ya̱ kajiꞌ Agar jín ɨɨn xlaúꞌ ñɨɨn ñúꞌún nute koꞌo ña jee njia̱ꞌa re̱ꞌ rává nu̱u̱nꞌ Agar jee nchi̱só re̱ꞌ rává si̱kɨ̱ꞌ chi̱yo̱ꞌ ña, jee nna̱ku̱ꞌva re̱ꞌ te̱e súchí vá nu̱u̱nꞌ ña, jee nta̱jí re̱ꞌ ráa kua̱ꞌa̱nꞌ ráa. Jee kua̱ꞌa̱nꞌ ráa jee jíkanuun ráa nu̱u̱nꞌ ñuꞌun sáɨn nu̱u̱nꞌ naní Beerseba nu̱u̱nꞌ ni ntu̱náꞌ ñɨvɨ nééꞌ.

Génesis 37:14

Jee nkachiꞌ Israel (Jacob) nu̱u̱nꞌ re̱ꞌ: ―Kuáꞌánꞌ xá jee kune̱ꞌyá nú na̱sa nóꞌo rá ñaniꞌ keín nú jín rá sa̱na̱ꞌ, jee nikó nu̱u̱nꞌ ni̱ꞌ kitaji nú tu̱ꞌun nu̱u̱nꞌ ni̱ꞌ ―nkachiꞌ Israel (Jacob). Jee nta̱jí re̱ꞌ José nu̱u̱nꞌ ñuꞌun Siquem jee nkene‑e ñuꞌun Hebrón káá nteñu jie̱ꞌe̱ꞌ rá yuku, jee sáá nkenta José nu̱u̱nꞌ Siquem,

Génesis 37:16

Jee nna̱xiníkó re̱ꞌ nu̱u̱nꞌ te̱e vá: ―Nánukú ni̱ꞌ rá ñaniꞌ ni̱ꞌ. Kova̱ꞌa xá iniꞌ nú, kachiꞌ xá nú nu̱u̱nꞌ ni̱ꞌ, ¿né núꞌ íñɨ́ ráa náka ráa rá sa̱na̱ꞌ? ―nkachiꞌ José nu̱u̱nꞌ te̱e vá.

Juan 1:38

Saájee nna̱koto yátá Jesús, jee niniꞌ re̱ꞌ ya̱ níkɨ́nꞌ ráa ya̱ta̱ꞌ re̱ꞌ, jee nkachiꞌ re̱ꞌ nu̱u̱nꞌ ráa: ―¿Ná kúvi ya̱ nánukú rán? ―nkachiꞌ re̱ꞌ nu̱u̱nꞌ ráa. Jee nna̱xiníkó ráa nu̱u̱nꞌ re̱ꞌ, jee nkachiꞌ ráa: ―Mestrúꞌ, ¿né núꞌ kúvi nu̱u̱nꞌ nééꞌ nú? ―nkachiꞌ ráa.

Juan 18:4

Soo ya̱ jíníꞌ Jesús nɨꞌɨ rá tu̱nóꞌó va̱ji nu̱u̱nꞌ re̱ꞌ, jee saáva nkene re̱ꞌ kua̱taꞌanꞌ re̱ꞌ ráa, jee nkachiꞌ re̱ꞌ: ―¿Né ɨɨn nánukú rán? ―nkachiꞌ re̱ꞌ.

Juan 18:7

Jee saáva tukuni ni̱ka̱tu̱ꞌún Jesús ráa: ―¿Né ɨɨn nánukú rán? Jee nkachiꞌ ráa: ―Jesús tée ñuunꞌ Nazaret ―nkachiꞌ ráa.

Juan 20:15

Nkachiꞌ Jesús nu̱u̱nꞌ ña: ―Nánáꞌ, ¿na̱ kuvi chi náꞌyúꞌ nú? ¿Né ɨɨn nánukú nú? ―nkachiꞌ re̱ꞌ nu̱u̱nꞌ ña. Soo káꞌvi iniꞌ ña ya̱ kúvi re̱ꞌ ɨɨn te̱e ya̱ kúmí tataꞌ sáꞌá káá yukuán, jee nkachiꞌ ña nu̱u̱nꞌ re̱ꞌ: ―Tátáꞌ, retú suvinú kua̱ꞌa̱nꞌ nú jín re̱ꞌ, jee kachiꞌ nú né núꞌ nsa̱ꞌá nú maa sáva nakeꞌen ni̱ꞌ maa kɨ̱ꞌɨ̱nꞌ ni̱ꞌ jín‑i ―nkachiꞌ ña.

Juan 4:27

Jee ni káchíꞌ re̱ꞌ ka̱ꞌ nu̱u̱nꞌ ña sukuán, jee nnenta rá te̱e súkuáꞌa re̱ꞌ ráa, jee nti̱vɨ́ víꞌí xi̱ni̱ꞌ ráa ya̱ káꞌánꞌ re̱ꞌ jín ɨɨn ñaꞌan. Soo ni ɨɨn ráa ni ntu ni̱ka̱tu̱ꞌún ráa re̱ꞌ: “¿Ná kúvi ya̱ jíkátu̱ꞌún nú ña?”, áxí, “¿na̱ jie̱ꞌe̱ꞌ káꞌánꞌ nú jín ña?”