Génesis 32:7 - Mixteco del suroeste de Tlaxiaco Oaxaca

⁷ Jee nyu̱ꞌví nasɨ́kuitɨꞌ Jacob, jee nnu̱kuíꞌyáꞌ víꞌí iniꞌ re̱ꞌ, saáva nta̱sáva re̱ꞌ u̱vi̱ꞌ grupo rá ñɨvɨ kútáꞌán jín re̱ꞌ, jín suni rá sa̱na̱ꞌ líꞌí, jín rá xi̱ni̱kɨ̱ꞌ, jín rá kameyúꞌ.

Génesis 32:7 ပူးပေါင်းရင်းမြစ်များ

Génesis 32:11

’Vitan jee kova̱ꞌa xá iniꞌ nú sikáku xá nuꞌuꞌ xi̱ntíín ñaniꞌ ni̱ꞌ Esaú, chi yúꞌví ni̱ꞌ ya̱ sa̱naanꞌ kiji re̱ꞌ saꞌá kini re̱ꞌ nuꞌuꞌ jín rá kuáchí jín rá nánáꞌ ráa.

Génesis 32:3

Jee nchu̱ichí Jacob sava rá te̱e kua̱ꞌa̱nꞌ jín tu̱ꞌun nu̱u̱nꞌ ñaniꞌ re̱ꞌ Esaú, nu̱u̱nꞌ ñuunꞌ Seir, ya̱ kúvi ñuunꞌ sánitɨ́ɨn ñuunꞌ Edom.

Génesis 32:8

Chi nkaꞌvi iniꞌ re̱ꞌ ya̱ retú va̱ji Esaú kantáꞌán re̱ꞌ si̱kɨ̱ꞌ ɨɨn grupo, jee inka ka̱ꞌ grupo kuvi kaku ráa, nkaꞌvi iniꞌ Jacob.

Génesis 33:1

Sáá nna̱neꞌen nu̱u̱nꞌ Jacob jee niniꞌ re̱ꞌ ya̱ va̱ji Esaú kutáꞌán‑a jín ku̱mi̱ꞌ sientúꞌ (400) rá te̱e, saájee nta̱sáva re̱ꞌ rá kuáchí ya̱ kɨ̱ꞌɨ̱nꞌ kutáꞌán jín Lea, jín Raquel jín ni núvíꞌ rá ñaꞌan kúvi musúꞌ ya̱ jiátíñú saɨn.

Génesis 35:3

Jee nakuiñɨꞌ‑órán jee kɨ̱nkaa‑órán nu̱u̱nꞌ ñuꞌun Betel, chi yukuán samaꞌ ni̱ꞌ yu̱u̱ꞌ sáva saꞌá ni̱ꞌ ɨɨn nu̱u̱nꞌ sáva so̱ko̱ꞌ‑ó nu̱u̱nꞌ Ndiosíꞌ ya̱ nna̱xiníkó re̱ꞌ nu̱u̱nꞌ nuꞌuꞌ jee chíneí re̱ꞌ nuꞌuꞌ sáá i̱yó ni̱ꞌ jín tu̱ꞌun núkuíꞌyáꞌ iniꞌ, jee kútáꞌán re̱ꞌ jín ni̱ꞌ né ni nkúvi nu̱u̱nꞌ kua̱ꞌa̱nꞌ ni̱ꞌ ―nkachiꞌ Jacob.

Mateo 10:16

’Jee kune̱ꞌyá rán, chi nuꞌuꞌ chúichí ni̱ꞌ ránoꞌó kɨ̱ꞌɨ̱nꞌ rán nteñu rá ñɨvɨ, kuéntáꞌ kuáꞌánꞌ rá lanchi nteñu rá váꞌúꞌ xe̱e̱nꞌ. Saáva nito koo rán kuéntáꞌ ko̱o̱ꞌ, soo kuꞌun másúꞌ saɨn iniꞌ rán kuéntáꞌ paloma.

Mateo 8:26

Jee nkachiꞌ re̱ꞌ nu̱u̱nꞌ ráa: ―¿Na̱ kuvi chi yúꞌví víꞌí rán rúja?, ránoꞌó ya̱ yakuꞌ kúneí iniꞌ rán nuꞌuꞌ ―nkachiꞌ re̱ꞌ. Saájee nnakui̱ñɨ̱ꞌ nichiꞌ re̱ꞌ, jee nnu̱xeenꞌ re̱ꞌ nu̱u̱nꞌ ta̱chi̱ꞌ xéénꞌ jín nu̱u̱nꞌ jísóꞌ nteñúꞌún, jee ña̱kui̱ñɨ̱ꞌ rává, jee níín kuitɨꞌ nkuvi.

Juan 16:33

Ntáká rá tu̱ꞌun yaꞌá nkaꞌanꞌ ni̱ꞌ jín rán sáva ne̱ va̱ꞌa kino̱o ánímaꞌ rán, chi yɨ́ꞌɨ́ rán nu̱u̱nꞌ ni̱ꞌ. Chi kiji tu̱nóꞌó nu̱u̱nꞌ rán iniꞌ ñɨ̱vɨ́ yaꞌá, soo koo neí iniꞌ rán, chi ya nku̱neí ni̱ꞌ nu̱u̱nꞌ nɨꞌɨ ya̱ niváꞌa íyó iniꞌ ñɨ̱vɨ́.

Hechos 14:22

Yukuán, nna̱chituvi ráa ánímaꞌ rá ñɨvɨ yɨ́ꞌɨ́ nu̱u̱nꞌ Jesús. Nna̱xiníꞌvɨ́ꞌ ráa iniꞌ rává kuni̱ꞌin rává kúneí iniꞌ rává Jesús. Nkachiꞌ ráa: ―Kue̱ꞌe̱ꞌ tu̱nóꞌó nínísaá kunoꞌo‑ó jee ki̱vɨ‑ó nu̱u̱nꞌ tátúníꞌ Ndiosíꞌ.

2 Corintios 1:4

Chi suvire̱ꞌ násaváꞌa re̱ꞌ iniꞌ‑ó nu̱u̱nꞌ nta̱ká rá tu̱nóꞌó nóꞌo‑ó, sáva suni maáó ranika̱ꞌ kuvi nasaváꞌa‑ó iniꞌ rá ñɨvɨ ya̱ nóꞌo rá na̱ni tu̱nóꞌó. Chi nasaváꞌa‑ó iniꞌ ráa sánikua̱ꞌ nna̱saváꞌa Ndiosíꞌ iniꞌ‑ó.

2 Timoteo 3:12

Chi ya̱ nááꞌ ví nijia ya̱ koto u̱ꞌvi̱ꞌ ñɨvɨ nta̱ká rá ñɨvɨ ya̱ kuíni ráa kueꞌnu ráa ichi na̱a̱ꞌ sáni kuíni Ndiosíꞌ jie̱ꞌe̱ꞌ nika̱ꞌ yɨ́ꞌɨ́ ráa nu̱u̱nꞌ Cristo Jesús.