Génesis 30:23 - Mixteco del suroeste de Tlaxiaco Oaxaca

²³ Jee nna̱nise̱ꞌya ña jee ni̱yo se̱ꞌya yɨ́ɨ́ ña, jee nkachiꞌ ña: “Nsíyo Ndiosíꞌ tu̱nkánuun nuꞌuꞌ ya̱ ntu íyó se̱ꞌya ni̱ꞌ nékúvi”, nkachiꞌ ña.

Génesis 30:23 ပူးပေါင်းရင်းမြစ်များ

Génesis 29:31

Jee niniꞌ I̱toꞌoꞌ ya̱ kúíchi iniꞌ Jacob ñasɨ́ꞌɨ́ re̱ꞌ Lea, jee nsa̱ꞌá Ndiosíꞌ ya̱ koo se̱ꞌya ña, soo Raquel chi kúvi ña ñaꞌan númáꞌ.

Lucas 1:21

Jee rá ñɨvɨ íñɨ́ chíkéꞌi veñu̱ꞌun káꞌnú i̱i̱ꞌ vá nétu ráa kene Zacarías, jee kúsɨ́ɨ́n iniꞌ ráa ya̱ kúkuéé víꞌí re̱ꞌ kene re̱ꞌ iniꞌ veñu̱ꞌun káꞌnú i̱i̱ꞌ vá.

Lucas 1:25

“Suꞌva nsa̱ꞌá I̱toꞌoꞌ‑ó jín nuꞌuꞌ, chi vitan íyó mániꞌ iniꞌ re̱ꞌ néꞌyá re̱ꞌ nuꞌuꞌ chi nsíyo re̱ꞌ tu̱nkánuun íyó ni̱ꞌ nu̱u̱nꞌ rá ñɨvɨ ya̱ ntu íyó se̱ꞌya ni̱ꞌ.”

Lucas 1:27

Ña̱ne̱ꞌyá‑a ɨɨn ñaꞌan súchí núún jee káá náꞌviꞌ jie̱ꞌe̱ꞌ ña ya̱ tana̱ꞌá ña jín ɨɨn te̱e naní José ya̱ kúvi re̱ꞌ se̱ꞌya ichiyúkúnꞌ va̱ji nu̱u̱nꞌ David. Jee ñaꞌan súchí núún vá naní ña María.