Génesis 3:17 - Mixteco del suroeste de Tlaxiaco Oaxaca

¹⁷ Jee nkachiꞌ Ndiosíꞌ nu̱u̱nꞌ te̱e vá: ―Jie̱ꞌe̱ꞌ ya̱ nka̱níjiá nú ñasɨ́ꞌɨ́ nú, jee nyajiꞌ nú ya̱ vixíꞌ yutun nta̱túníꞌ ni̱ꞌ: “koto yájíꞌ nú maa”, saáva yósóni̱nu nu̱u̱nꞌ ñuꞌún jie̱ꞌe̱ꞌ ya̱ nsa̱ꞌá nú. Satíñú yɨ́ɨ́ nú kunoꞌo nú sáva ni̱ꞌi̱nꞌ nú ya̱ kajiꞌ nú nɨꞌɨ rá ki̱vɨ̱ꞌ kutekuꞌ nú.

Génesis 3:17 ပူးပေါင်းရင်းမြစ်များ

Génesis 3:11

Jee nkachiꞌ Ndiosíꞌ: ―¿Né ɨɨn nkachiꞌ nu̱u̱nꞌ nú ya̱ íyó ñɨɨ́n nú rúja? ¿Á nyajiꞌ nú ya̱ vixíꞌ nínta yutun nta̱túníꞌ ni̱ꞌ ya̱ koto yájíꞌ nú rúja?

Génesis 3:18

Jee nu̱u̱nꞌ ñu̱ꞌún ta̱ꞌvi̱ꞌ yu̱ku̱ꞌ ne̱ꞌén jín yu̱ku̱ꞌ iñu. Jee kajiꞌ nú yu̱ku̱ꞌ jiáꞌnu nu̱u̱nꞌ kúꞌúꞌ.

Génesis 3:6

Jee niniꞌ ña ya̱ va̱ꞌa íyó ya̱ vixíꞌ vá kajiꞌ maa. Jee tóó túvi néꞌyá ña maa. Jee síkúvi ya̱ vixíꞌ vá iniꞌ ña kajiꞌ ña maa sáva kuníchí ña. Jee nka̱neeꞌ ña ɨɨn ya̱ vixíꞌ vá jee nyajiꞌ ña maa jee suni njia̱ꞌa ña maa nu̱u̱nꞌ yɨɨ́ ña ya̱ nééꞌ re̱ꞌ jín ña yukuán, jee nyajiꞌ re̱ꞌ maa.

Génesis 5:29

Nsi̱kúnání re̱ꞌ maa Noé chi nkachiꞌ re̱ꞌ: “Maáréꞌ ví ya̱ xinúváꞌa re̱ꞌ iniꞌ‑ó nu̱u̱nꞌ tiñu sáꞌá‑ó jín tu̱nóꞌó nóꞌo‑ó sátíñú yɨ́ɨ́‑ó nu̱u̱nꞌ ñu̱ꞌún ya̱ nchi̱sónínu Ndiosíꞌ maa.”

Génesis 8:21

Jee nni̱ꞌi̱nꞌ I̱toꞌoꞌ‑ó xikoꞌ jiáꞌánꞌ viiꞌ ya̱ sókóꞌ Noé jee nkachiꞌ re̱ꞌ iniꞌ ánímaꞌ re̱ꞌ nu̱u̱nꞌ maáréꞌ: “Ya nchi̱sónínu ni̱ꞌ nu̱u̱nꞌ ñɨ̱vɨ́ jie̱ꞌe̱ꞌ ñɨvɨ chi ñúꞌún niva̱ꞌa iniꞌ ánímaꞌ rá ñɨvɨ ne̱ súchí ráa, soo ni ɨɨn íchí ka̱ꞌ nsáꞌ chisónínu tuku ni̱ꞌ maa sukuán, jee nsáꞌ xináánꞌ tuku ni̱ꞌ nɨꞌɨ rá tékúꞌ sánikua̱ꞌ ya̱ nsa̱ꞌá ni̱ꞌ.

Mateo 22:12

Jee nkachiꞌ re̱ꞌ nu̱u̱nꞌ‑u: “Tenó, ¿na̱ja nki̱vɨ nú yaꞌá ya̱ ni ntu̱ví ñúꞌún nú saꞌma viko tána̱ꞌá?”, nkachiꞌ re̱ꞌ, soo ni ntu̱ví nkúvi kaꞌanꞌ kuitɨꞌ te̱e vá.

Mateo 25:45

’Saájee naxiníkó ni̱ꞌ nu̱u̱nꞌ ráa, jee kachiꞌ ni̱ꞌ: “Máá nááꞌ vá káchíꞌ ni̱ꞌ nu̱u̱nꞌ rán, ya̱ mákua sukuán ntu nsáꞌá rán maa jín ɨɨn rá ñanitáꞌán ni̱ꞌ yaꞌá, ya̱ kúneí iniꞌ ráa nuꞌuꞌ, sú ɨɨn máá ñɨvɨ láꞌví ka̱ꞌ kúvi‑i, saájee suni ntu nsáꞌá rán maa nu̱u̱nꞌ nuꞌuꞌ”, kachiꞌ ni̱ꞌ nu̱u̱nꞌ ráa.

Lucas 19:22

Saájee nkachiꞌ re̱ꞌ nu̱u̱nꞌ‑u: “Musúꞌ kánéꞌén, jee jín rá tu̱ꞌun nkene yuꞌú maánú, sanáaꞌ ni̱ꞌ si̱kɨ̱ꞌ nú ya̱ íyó si̱kɨ̱ꞌ nú, chi ya̱ jíníꞌ nú ya̱ kúvi ni̱ꞌ ɨɨn te̱e xichiꞌ yɨ́ɨ́ víꞌí, chi nákeꞌen ni̱ꞌ ya̱ ntu ntéváꞌa ni̱ꞌ, jee nákeꞌen ni̱ꞌ tataꞌ sáꞌá ya̱ ntu ntaji ni̱ꞌ.

Juan 16:33

Ntáká rá tu̱ꞌun yaꞌá nkaꞌanꞌ ni̱ꞌ jín rán sáva ne̱ va̱ꞌa kino̱o ánímaꞌ rán, chi yɨ́ꞌɨ́ rán nu̱u̱nꞌ ni̱ꞌ. Chi kiji tu̱nóꞌó nu̱u̱nꞌ rán iniꞌ ñɨ̱vɨ́ yaꞌá, soo koo neí iniꞌ rán, chi ya nku̱neí ni̱ꞌ nu̱u̱nꞌ nɨꞌɨ ya̱ niváꞌa íyó iniꞌ ñɨ̱vɨ́.

Romanos 3:19

Soo jíníꞌ‑ó ya̱ néni ɨɨn tu̱ꞌun ya̱ káchíꞌ ley nta̱túníꞌ Ndiosíꞌ, jee káchíꞌ‑i vá nu̱u̱nꞌ rá ñɨvɨ yɨ́ꞌɨ́ ráa chi̱ji xi̱ntíín ley vá, sáva nta̱ká ñɨvɨ kasɨꞌ ráa yuꞌú ráa chi ntu kúvi nama ráa maáráa, jee kua̱íyó ñɨvɨ ñɨ̱vɨ́ kɨꞌɨ ráa chi̱ji nu̱u̱nꞌ sanáaꞌ Ndiosíꞌ si̱kɨ̱ꞌ kua̱chi ráa.

Hebreos 6:8

Soo retú kéne yu̱ku̱ꞌ ne̱ꞌén jín yu̱ku̱ꞌ iñu nu̱u̱nꞌ ñu̱ꞌún vá, yukuán jee ntu̱náꞌ tiñu kuitɨꞌ‑ɨ, jee va̱kuyatin chisónínu Ndiosíꞌ maa jee kiji ya̱ kenta ka̱yu̱ꞌ‑u.