Génesis 3:15 - Mixteco del suroeste de Tlaxiaco Oaxaca

¹⁵ Jee saꞌá ni̱ꞌ ya̱ tu̱fi̱ꞌ ta̱ꞌán noꞌó jín ñaꞌan vá, jín ya̱ tu̱fi̱ꞌ ta̱ꞌán se̱ꞌya ichiyúkúnꞌ nú jín se̱ꞌya ichiyúkúnꞌ ña. Jee ɨɨn se̱ꞌya ichiyúkúnꞌ ña xtufíꞌ re̱ꞌ xi̱ni̱ꞌ nú, jee suvinú xtufíꞌ xu̱jieꞌéꞌ re̱ꞌ.

Génesis 3:15 ပူးပေါင်းရင်းမြစ်များ

Génesis 49:17

Jee Dan chi kúvi re̱ꞌ kuéntáꞌ ɨɨn koo ya̱ káá yuíchí, ya̱ yáyɨꞌɨ́ xu̱jieꞌéꞌ kitɨ jee sáꞌá‑a ya̱ jiétéꞌ yátá ñɨvɨ ya̱ yósóꞌ ya̱ta̱ꞌ ti̱ꞌ.

Mateo 1:23

Kune̱ꞌyá rán, ɨɨn ñaꞌan súchí núún, nanise̱ꞌya ña, jee sikáku ña ɨɨn su̱chí yɨ́ɨ́, jee sikúnání ráa maa Emanuel káchíꞌ nu̱u̱nꞌ Tutuꞌ Ííꞌ. Emanuel kuíni kachiꞌ: Ndiosíꞌ íyó re̱ꞌ jín‑ó.

Mateo 1:25

Soo ntu núnéꞌén re̱ꞌ jín ña nekuaꞌ nkaku se̱ꞌya yɨ́ɨ́ ña. Jee nsi̱kúnání re̱ꞌ maa Jesús.

Mateo 12:34

¡Ránoꞌó ya̱ kúvi rán kuéntáꞌ tataꞌ ko̱o̱ꞌ xe̱e̱nꞌ! Jee, ¿na̱sa kúvi kachiꞌ rán tu̱ꞌun váꞌa rúja?, chi ñɨvɨ kánéꞌén ví maárán. Chi máá ya̱ ñúꞌún chitú ánímaꞌ ñɨvɨ ví ya̱ kéne yuꞌú‑u káchíꞌ‑i.

Mateo 13:38

Jee ñu̱ꞌún nu̱u̱nꞌ káá tataꞌ sáꞌá ví ñɨ̱vɨ́ yaꞌá, jee rá nikɨn váꞌa vá kúvi rá ñɨvɨ yɨ́ꞌɨ́ xi̱ntíín Ndiosíꞌ ya̱ tátúníꞌ re̱ꞌ nu̱u̱nꞌ ráa, jee rá yu̱ku̱ꞌ ne̱ꞌén ví rá ñɨvɨ yɨ́ꞌɨ́ xi̱ntíín ya̱ kíni.

Mateo 23:33

’¡Ko̱o̱ꞌ ránoꞌó! ¡Se̱ꞌya ko̱o̱ꞌ xe̱e̱nꞌ ví ránoꞌó! ¿Na̱ja kuvi ka̱ku rán nu̱u̱nꞌ sikɨ́naanꞌ Ndiosíꞌ ránoꞌó kɨ̱ꞌɨ̱nꞌ rán nu̱u̱nꞌ ñuꞌúnꞌ xéénꞌ?

Mateo 3:7

Soo sáá niniꞌ re̱ꞌ ya̱ kénta kue̱ꞌe̱ꞌ víꞌí rá te̱e yɨ́ꞌɨ́ ñujiínꞌ fariseo jín rá te̱e yɨ́ꞌɨ́ ñujiínꞌ saduceo nu̱u̱nꞌ síkuánuté re̱ꞌ, jee nkachiꞌ re̱ꞌ nu̱u̱nꞌ ráa: ―Ránoꞌó, kuéntáꞌ tataꞌ ko̱o̱ꞌ xe̱e̱nꞌ kúvi rán. ¿Né ɨɨn nxtúꞌva ya̱chi̱ꞌ nu̱u̱nꞌ rán, ya̱ kene kunu rán ka̱ku rán nu̱u̱nꞌ tu̱nóꞌó xéénꞌ kiji ya̱ xinóꞌo Ndiosíꞌ ránoꞌó chi kítɨ́ꞌ iniꞌ re̱ꞌ néꞌyá re̱ꞌ kua̱chi rán rúja?

Marcos 16:18

Jee tɨɨn ráa ko̱o̱ꞌ xe̱e̱nꞌ, jee ré koꞌo ráa nute kútáꞌán jín ñuꞌun xéénꞌ, jee ntu̱náꞌ kunoꞌo ráa. Jee suni chisó ráa naꞌá ráa nu̱u̱nꞌ rá kúꞌvíꞌ jee nuvi rává ―nkachiꞌ Jesús.

Lucas 1:76

Jee noꞌó, se̱ꞌya yɨ́ɨ́ lúlí ni̱ꞌ, ñani Ndiosíꞌ nó sáva kuvi nú ɨɨn te̱e ya̱ nakani nú tu̱ꞌun kene yuꞌú máá maá Ndiosíꞌ ya̱ máá ñáꞌnú re̱ꞌ ka̱ꞌ nu̱u̱nꞌ nɨꞌɨ. Chi xíꞌna nú kɨ̱ꞌɨ̱nꞌ nú kosoꞌ nú nu̱u̱nꞌ I̱toꞌoꞌ‑ó, sáva saꞌá tu̱ꞌva nú ánímaꞌ rá ñɨvɨ, jee kenta re̱ꞌ.

Lucas 10:19

Kune̱ꞌyá rán, ntaji ni̱ꞌ nu̱u̱nꞌ ránoꞌó tiñu ñáꞌnú ííꞌ níꞌin níso ni̱ꞌ ya̱ kuvi kua̱ñu̱ꞌ ránú ko̱o̱ꞌ jín ti̱suꞌmaꞌ, jín ya̱ suni kuneí rán nu̱u̱nꞌ nɨꞌɨ fuersáꞌ rá kui̱ꞌna̱ꞌ ya̱ nkenta si̱kɨ̱ꞌ Ndiosíꞌ jee ni ɨɨn ntu̱náꞌ kúvi xtufíꞌ ránoꞌó.

Lucas 22:53

Ni ki̱vɨ̱ꞌ nééꞌ ni̱ꞌ jín rán iniꞌ chíkéꞌi veñu̱ꞌun káꞌnú jee ntu ntɨ́ɨn rán nuꞌuꞌ. Soo yaꞌá ví hora rán ya̱ nkuna̱a̱ꞌ iniꞌ Ndiosíꞌ ya̱ saꞌá rán ya̱ niváꞌa jín tiñu tátúníꞌ kui̱ꞌna̱ꞌ kúñáꞌnú nu̱u̱nꞌ ñuunꞌ neenꞌ.

Lucas 24:27

Saájee nka̱jiéꞌé Jesús ne̱ nu̱u̱nꞌ rá tu̱ꞌun ntee Moisés jín rá tu̱ꞌun ntee nɨꞌɨ rá te̱e ya̱ nna̱kani tu̱ꞌun nkene yuꞌú Ndiosíꞌ ne̱ yanaꞌán jee nna̱kachiꞌ va̱ꞌa re̱ꞌ rá tu̱ꞌun jie̱ꞌe̱ꞌ maáréꞌ ya̱ níso nu̱u̱nꞌ nɨꞌɨ Tutuꞌ Ííꞌ.

Juan 8:44

Chi ránoꞌó chi tátáꞌ rán kúvi kui̱ꞌna̱ꞌ kúñáꞌnú, chi kuíni rán saꞌá rán rá tiñu ya̱ níyo iniꞌ tátáꞌ rán vá saꞌá rán. Chi maáréꞌ kúvi re̱ꞌ ya̱ sáꞌá re̱ꞌ ni̱yɨ ne̱ tiempúꞌ xíꞌnañúꞌún ya̱ ña̱ko̱o ñɨ̱vɨ́ yaꞌá. Jee ni ntu̱ví íñɨ́‑ɨ jín ya̱ naáꞌ, chi ntu̱ví ñúꞌún ya̱ naáꞌ iniꞌ‑i. Sáá káꞌánꞌ re̱ꞌ tu̱ꞌun túꞌún jee káꞌánꞌ re̱ꞌ sánikua̱ꞌ na̱sa íyó maáréꞌ, chi ya̱ kini túꞌún ví re̱ꞌ jee kúvi re̱ꞌ tátáꞌ nu̱u̱nꞌ ya̱ váji tu̱ꞌun túꞌún.

Hechos 13:10

Jee nkachiꞌ re̱ꞌ nu̱u̱nꞌ‑u: ―¡Kúneí tu̱ntúꞌún jín nú! ¡Máá jíka xínáꞌví nú! ¡Se̱ꞌya kui̱ꞌna̱ꞌ kúvi nú! ¡Kénta nú si̱kɨ̱ꞌ nɨꞌɨ ya̱ váꞌa! ¿Á ni nsíkɨ́kui̱ñɨ̱ꞌ nú ya̱ nátatúꞌún nú jie̱ꞌe̱ꞌ ichi na̱a̱ꞌ I̱toꞌoꞌ ráníꞌ Jesús rúja?

Romanos 16:20

Jee maá Ndiosíꞌ ya̱ sáꞌá re̱ꞌ ya̱ nééꞌ va̱ꞌa‑ó, jee ya̱chi̱ꞌ ni saꞌá re̱ꞌ ya̱ kuneí rán jín kui̱ꞌna̱ꞌ kúñáꞌnú ya̱ naní Satanás kuéntáꞌ kua̱xin rán maa chi̱ji jie̱ꞌe̱ꞌ rán. Jee na̱ ka̱ꞌ koo ma̱ni̱ꞌ iniꞌ I̱toꞌoꞌ‑ó Jesús kune̱ꞌyá re̱ꞌ ránoꞌó.

Romanos 3:13

Jee káꞌánꞌ ráa tu̱ꞌun ntu íyó ninuꞌun chi yaviꞌ su̱ku̱nꞌ ráa kúvi kuéntáꞌ veꞌi ni̱yɨ ya̱ núne, jee yáá túꞌún ráa, jee xtúfíꞌ tu̱ꞌun káꞌánꞌ ráa kuéntáꞌ nute xéénꞌ koo.

Gálatas 4:4

Soo sáá nkenta tiempúꞌ ñani Ndiosíꞌ, jee nchu̱ichí re̱ꞌ Se̱ꞌya re̱ꞌ. Jee nkaku‑u chi̱ji ɨɨn ñaꞌan. Jee ne̱ nkaku‑u nyɨ̱ꞌɨ‑ɨ chi̱ji xi̱ntíín tu̱ꞌun ley njia̱ꞌa Ndiosíꞌ nu̱u̱nꞌ Moisés.

Efesios 4:8

Chi jie̱ꞌe̱ꞌ yukuán kúvi ya̱ káchíꞌ nu̱u̱nꞌ Tutuꞌ Ííꞌ níso Tu̱ꞌun Ndiosíꞌ: Nnaa re̱ꞌ kua̱ꞌa̱nꞌ re̱ꞌ súkún, jee kua̱ꞌa̱nꞌ re̱ꞌ jín rá ñɨvɨ ya̱ nna̱tɨɨn re̱ꞌ ráa ya̱ nna̱kɨ̱ꞌɨ ráa xi̱ntíín re̱ꞌ, jee njia̱ꞌa re̱ꞌ ta̱ꞌvi̱ꞌ nu̱u̱nꞌ rá ñɨvɨ.

Colosenses 2:15

Jee sáá ni̱ꞌi̱ꞌ Cristo nu̱u̱nꞌ kurúsiꞌ, nku̱neí re̱ꞌ si̱kɨ̱ꞌ rá ta̱chi̱ꞌ kíni ya̱ kúñáꞌnú jín ya̱ níso ráa fuersáꞌ. Jee nstúvi nijinꞌ re̱ꞌ maa, kuéntáꞌ síáꞌa nijinꞌ rá ñɨvɨ ɨɨn te̱e nu̱chitú nu̱u̱nꞌ kua̱ꞌa̱nꞌ‑a veka̱a. Jee suꞌva nstúvi re̱ꞌ ya̱ kúñáꞌnú re̱ꞌ nu̱u̱nꞌ ráa, sáá ni̱ꞌi̱ꞌ re̱ꞌ nu̱u̱nꞌ kurúsiꞌ.

Hebreos 2:18

Chi suni nnoꞌo re̱ꞌ jín tu̱ꞌun xíníyo iniꞌ, jee saáva kuvi chineí re̱ꞌ rá ñɨvɨ ya̱ íyó tu̱ꞌun xíníyo iniꞌ jín ráa.

Hebreos 5:7

Jee rá ki̱vɨ̱ꞌ kúvi Cristo te̱e ñunéꞌyúꞌ sáá nneeꞌ re̱ꞌ iniꞌ ñɨ̱vɨ́ yaꞌá, jee ni̱ka̱nꞌ táꞌvíꞌ re̱ꞌ nkaꞌanꞌ kua̱chi re̱ꞌ ne̱ jiáku iniꞌ re̱ꞌ nka̱najíín re̱ꞌ nnaꞌyuꞌ ntenúúnꞌ re̱ꞌ nu̱u̱nꞌ Ndiosíꞌ ya̱ níso‑o fuersáꞌ sikáku‑u re̱ꞌ ya̱ kuviꞌ re̱ꞌ nékúvi. Jee saáva ntɨɨn kuéntáꞌ Ndiosíꞌ maa jie̱ꞌe̱ꞌ ya̱ ñúyúꞌví iniꞌ re̱ꞌ néꞌyá re̱ꞌ Ndiosíꞌ.

1 Juan 3:10

Jee suꞌva túvi né ɨɨn nijia ví rá se̱ꞌya Ndiosíꞌ, jín né ɨɨn nijia ví rá se̱ꞌya kui̱ꞌna̱ꞌ kúñáꞌnú: nta̱ká ñɨvɨ ya̱ ntu jíka na̱a̱ꞌ jín ya̱ ntu ñúnúunꞌ ráa rá ñanitáꞌán ráa ya̱ yɨ́ꞌɨ́ nu̱u̱nꞌ Jesús, jee ntu̱ví kúvi ráa se̱ꞌya Ndiosíꞌ.

1 Juan 3:8

Soo ñɨvɨ ya̱ sáꞌá kua̱chi, jee íñɨ́ ráa jín kui̱ꞌna̱ꞌ kúñáꞌnú. Chi kui̱ꞌna̱ꞌ kúñáꞌnú sáꞌá‑a kua̱chi ne̱ tiempúꞌ xíꞌnañúꞌún. Jee jie̱ꞌe̱ꞌ yaꞌá kúvi ya̱ nkiji máá Se̱ꞌya Ndiosíꞌ sáva xináánꞌ re̱ꞌ rá tiñu ya̱ sáꞌá kui̱ꞌna̱ꞌ kúñáꞌnú.

1 Juan 5:5

¿Né ɨɨn ví ya̱ kúneí si̱kɨ̱ꞌ ñujiínꞌ ñɨ̱vɨ́ yaꞌá, ya̱ ntu sáꞌá‑a vá, résa? Suvivá kúvi ñɨvɨ ya̱ jínúꞌ iniꞌ‑i ya̱ Jesús ví máá Se̱ꞌya Ndiosíꞌ.

Apoclipsis 12:17

Saájee nki̱tɨ̱ꞌ iniꞌ ko̱o̱ꞌ mánasɨ́ vá néꞌyá ti̱ꞌ ña. Saájee kua̱ꞌa̱nꞌ ti̱ꞌ kantáꞌán ti̱ꞌ jín rá inka rá se̱ꞌya ichiyúkúnꞌ ña, ya̱ suvi kúvi rá ñɨvɨ ya̱ síkúnkuvi ráa tu̱ꞌun ya̱ tátúníꞌ Ndiosíꞌ, jee níkɨ́nꞌ na̱a̱ꞌ ni̱ꞌin ráa nu̱u̱nꞌ rá tu̱ꞌun Jesús.

Apoclipsis 13:7

Jee njia̱ꞌa nu̱u̱nꞌ ti̱ꞌ ya̱ kantáꞌán ti̱ꞌ jín rá ñɨvɨ ya̱ nsa̱ꞌá sɨ́ɨ́n Ndiosíꞌ ya̱ yɨ́ꞌɨ́ ráa nu̱u̱nꞌ re̱ꞌ, jee kuneí ti̱ꞌ jín ráa. Jee suni njia̱ꞌa tiñu ya̱ nísotíñú ti̱ꞌ tátúníꞌ ti̱ꞌ nu̱u̱nꞌ kua̱íyó rá ñɨvɨ ntáká tataꞌ, jín nu̱u̱nꞌ ntáká ñuunꞌ, jín nu̱u̱nꞌ ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, jín nu̱u̱nꞌ ntáká nu̱u̱nꞌ rá ñɨvɨ.

Apoclipsis 2:10

Soo koto yúꞌví rán jie̱ꞌe̱ꞌ rá tu̱nóꞌó kunoꞌo rán. Chi kui̱ꞌna̱ꞌ kúñáꞌnú, jee saꞌá‑a ya̱ chiꞌi ñɨvɨ sava ránoꞌó veka̱a sáva kototúníꞌ‑i ránoꞌó retú kunikɨnꞌ nijia rán nuꞌuꞌ áxí ntu̱ví, jee kunoꞌo rán tu̱nóꞌó u̱ji̱ꞌ ki̱vɨ̱ꞌ. Soo kuiñɨ ni̱ꞌin rán sikúnkuvi na̱a̱ꞌ rán súka̱ꞌ ne̱ kuviꞌ rán, saájee taji ni̱ꞌ ta̱ꞌvi̱ꞌ nu̱u̱nꞌ rán, ya̱ suvi kuvi ya̱ ni̱ꞌi̱nꞌ rán ya̱ saꞌá Ndiosíꞌ ya̱ kutekuꞌ rán jín ni̱ꞌ nɨ́ɨ́nkání.

Apoclipsis 20:10

Jee kui̱ꞌna̱ꞌ kúñáꞌnú ya̱ nxi̱náꞌví‑i ráa, jee nsi̱kéne Ndiosíꞌ maa nchuꞌun re̱ꞌ maa nu̱u̱nꞌ ñúꞌún xéénꞌ kuéntáꞌ nteñúꞌún nu̱u̱nꞌ káyúꞌ núꞌvéꞌ ñuꞌunꞌ jín sufríꞌ, nu̱u̱nꞌ ya̱ yɨ́ꞌɨ́ kitɨ xéénꞌ kákini vá jín inka ka̱ꞌ kitɨ xéénꞌ kákini ya̱ kúvi te̱e ya̱ káchítu̱ꞌún tu̱ꞌun túꞌún kéne yuꞌú kitɨ xe̱e̱nꞌ xíꞌnañúꞌún. Jee nu̱u̱nꞌ ñúꞌúnꞌ yukuán kuꞌun ráa kunoꞌo ráa nɨ́ɨ́nkání.