Génesis 28:14 - Mixteco del suroeste de Tlaxiaco Oaxaca

¹⁴ Jee kenta kukueꞌeꞌ nasɨ́kuitɨꞌ ráa kuéntáꞌ ti̱ka̱cha̱a̱ꞌ ñuꞌun, jee kutenuun ráa ne̱ nu̱u̱nꞌ nteñúꞌún káꞌnú nu̱u̱nꞌ táꞌán nka̱niiꞌ, jín ne̱ ichi kénta nka̱niiꞌ, jín ne̱ ichi norte, jín ne̱ ichi sur, jee kuatíñú ni̱ꞌ noꞌó jín rá ñɨvɨ kiji kuvi ichiyúkúnꞌ nú sáva saꞌá ni̱ꞌ ya̱ netuꞌ kuvi rá ñɨvɨ ntáká táꞌán ichiyúkúnꞌ ñɨvɨ ñɨ̱vɨ́ yaꞌá.

Génesis 28:14 ပူးပေါင်းရင်းမြစ်များ

Génesis 12:3

Saꞌá ni̱ꞌ ya̱ netuꞌ kuvi rá ñɨvɨ ya̱ saꞌá ráa ya̱ netuꞌ kuvi noꞌó jín rá se̱ꞌya ichiyúkúnꞌ nú. Jee rá ñɨvɨ ya̱ chisónínu ráa saꞌá kini rá kune̱ꞌyá ráa ránoꞌó, jee chisónínu ni̱ꞌ ráa kunoꞌo ráa. Jee jie̱ꞌe̱ꞌ noꞌó ni̱ꞌi̱nꞌ ñɨvɨ nɨꞌɨ rá tataꞌ ichiyúkúnꞌ ñɨvɨ ñɨ̱vɨ́ ya̱ netuꞌ kuvi ráa”, nkachiꞌ I̱toꞌoꞌ‑ó.

Génesis 13:14

Sáá ya̱ kua̱ꞌa̱nꞌ Lot nku̱sɨ́ɨ́n re̱ꞌ nu̱u̱nꞌ Abram, jee I̱toꞌoꞌ‑ó nkachiꞌ re̱ꞌ nu̱u̱nꞌ Abram: “Nanenu̱u̱nꞌ jee kune̱ꞌyá ne̱ nu̱u̱nꞌ nééꞌ nú ne̱ ichi xíníꞌ ñɨ̱vɨ́, ne̱ ichi jiéꞌéꞌ ñɨ̱vɨ́, ne̱ ichi kénta nka̱niiꞌ jín ne̱ ichi táꞌánꞌ nka̱niiꞌ,

Génesis 13:15

chi nɨꞌɨ noo ñuꞌun néꞌyá nú nu̱u̱nꞌ noꞌó taji ni̱ꞌ maa jín nu̱u̱nꞌ rá se̱ꞌya ichiyúkúnꞌ nú ya̱ kuvi‑i ñuꞌun nú jín ráa nɨ́ɨ́nkání.

Génesis 13:16

Jee saꞌá ni̱ꞌ ya̱ nukueꞌeꞌ víꞌí rá se̱ꞌya ichiyúkúnꞌ nú kuéntáꞌ ti̱ka̱cha̱a̱ꞌ íyó nu̱u̱nꞌ ñu̱ꞌún, ya̱ retú kúneí kaꞌvi ɨɨn ñɨvɨ ti̱ka̱cha̱a̱ꞌ íyó nu̱u̱nꞌ ñu̱ꞌún, jee sunisaá kúvi kaꞌvi‑i rá se̱ꞌya ichiyúkúnꞌ nú.

Génesis 18:18

Chi íyó nijia ya̱ Abraham vá kuvi re̱ꞌ tátáꞌ ɨɨn nación máá kúñáꞌnú jín koo fesáꞌ‑a. Jee kuatíñú ni̱ꞌ maáréꞌ sáva saꞌá ni̱ꞌ ya̱ netuꞌ kuvi ntáká rá nación ñɨ̱vɨ́ yaꞌá.

Génesis 22:17

saꞌá víꞌí ni̱ꞌ ya̱ netuꞌ nasɨ́kuitɨꞌ kuvi nú ya̱ nukueꞌeꞌ víꞌí rá tataꞌ ichiyúkúnꞌ kene nu̱u̱nꞌ noꞌó kuéntáꞌ kue̱ꞌe̱ꞌ rá tiu̱u̱nꞌ íyó súkún jín kuéntáꞌ kue̱ꞌe̱ꞌ rá ñuítɨ́ káá yuꞌú nteñúꞌún. Jee kuneí rá tataꞌ ichiyúkúnꞌ nú kakɨnꞌ ráa si̱kɨ̱ꞌ rá ñɨvɨ túfíꞌ ta̱ꞌán jín ráa.

Génesis 22:18

Jee kuatíñú ni̱ꞌ rá ichiyúkúnꞌ nú sáva saꞌá ni̱ꞌ ya̱ netuꞌ kuvi rá ñɨvɨ ntáká rá nación íyó ñɨ̱vɨ́ yaꞌá, chi jie̱ꞌe̱ꞌ nika̱ꞌ nka̱níjiá nú ya̱ káchíꞌ ni̱ꞌ ―nkachiꞌ máá najiáꞌáꞌ ííꞌ I̱toꞌoꞌ.

Génesis 26:4

Jee saꞌá ni̱ꞌ ya̱ nukueꞌeꞌ víꞌí rá tataꞌ ichiyúkúnꞌ váji nu̱u̱nꞌ nú kuéntáꞌ kue̱ꞌe̱ꞌ rá tiu̱u̱nꞌ íyó súkún, jee ku̱ꞌva ni̱ꞌ kua̱íyó rá ñuꞌun yaꞌá nu̱u̱nꞌ ráa. Jee kuatíñú ni̱ꞌ rá ichiyúkúnꞌ nú sáva kiji ya̱ netuꞌ kuvi ñɨvɨ ntáká rá nación íyó ñɨ̱vɨ́ yaꞌá.

Génesis 32:12

Jee maánú nkachiꞌ nú nu̱u̱nꞌ ni̱ꞌ ya̱ “saꞌá ni̱ꞌ ya̱ kɨ̱ꞌɨ̱nꞌ va̱ꞌa jín nú, jee saꞌá ni̱ꞌ ya̱ kukueꞌeꞌ nasɨ́kuitɨꞌ rá kiji kuvi ichiyúkúnꞌ nú kuéntáꞌ ñuítɨ́ káá yuꞌú nteñúꞌún ya̱ ntu̱ví kúvi kaꞌvi maa” ―nkachiꞌ Jacob nu̱u̱nꞌ Ndiosíꞌ.

Génesis 48:16

jee Ndiosíꞌ ya̱ kúvi máá najiáꞌáꞌ ííꞌ ya̱ nna̱kani núne nuꞌuꞌ nu̱u̱nꞌ nɨꞌɨ ya̱ niváꞌa, jee jíkánꞌ táꞌvíꞌ ni̱ꞌ ya̱ saꞌá re̱ꞌ ya̱ netuꞌ kuvi rá te̱e súchí yaꞌá. Jee jie̱ꞌe̱ꞌ ráa jee nakuꞌun iniꞌ rá ñɨvɨ súví nuꞌuꞌ jín rá súví rá tátáꞌ jííꞌ ni̱ꞌ, Abraham jín Isaac. Jee na̱ ka̱ꞌ kukueꞌeꞌ nasɨ́kuitɨꞌ ráa sáva kenta koo nasɨ́kuitɨꞌ rá se̱ꞌya ichiyúkúnꞌ kiji nu̱u̱nꞌ ráa ñɨ̱vɨ́ yaꞌá”, nkachiꞌ Israel (Jacob).

Génesis 48:19

Soo ntu̱ví nkuíni tátáꞌ re̱ꞌ saꞌá ya̱ nkachiꞌ re̱ꞌ, jee nkachiꞌ‑i: ―Ya jíníꞌ ni̱ꞌ se̱ꞌya yɨ́ɨ́, ya jíníꞌ ni̱ꞌ ya̱ suni maáréꞌ kenta re̱ꞌ kuvi re̱ꞌ ɨɨn tataꞌ ichiyúkúnꞌ máá káꞌnú jee suni kuñáꞌnú rá tataꞌ ichiyúkúnꞌ re̱ꞌ. Soo ñaniꞌ súchí re̱ꞌ ka̱ꞌ yaꞌá kuvi‑i maa kuñáꞌnú ka̱ꞌ nsú káꞌ maáréꞌ, jee rá ichiyúkúnꞌ re̱ꞌ kenta ráa kuvi ráa kue̱ꞌe̱ꞌ nasɨ́kuitɨꞌ nación.

Mateo 8:11

Jee káchíꞌ ni̱ꞌ nu̱u̱nꞌ rán ya̱ kue̱ꞌe̱ꞌ víꞌí ñɨvɨ kene ráa rá ñuunꞌ káá ichi nu̱u̱nꞌ kénta nka̱niiꞌ, jín rá ñuunꞌ káá ichi nu̱u̱nꞌ táꞌánꞌ nka̱niiꞌ, kiji ráa kuneeꞌ ráa kajiꞌ ráa yumesáꞌ jín rá tátáꞌ jííꞌ‑ó yanaꞌán Abraham jín Isaac jín Jacob, sáá nachiꞌi Ndiosíꞌ, ya̱ nééꞌ antivɨ́ súkún, nɨꞌɨ xi̱ntíín re̱ꞌ tatúníꞌ re̱ꞌ nu̱u̱nꞌ nɨꞌɨ.

Hechos 3:25

Kúvi rán ichiyúkúnꞌ váji nu̱u̱nꞌ rá te̱e vá ya̱ nna̱kani ráa tu̱ꞌun nkene yuꞌú Ndiosíꞌ. Jee suni jie̱ꞌe̱ꞌ rán ví ya̱ ñakɨnꞌ Ndiosíꞌ tratúꞌ jín rá jííꞌ yanaꞌán‑ó, sáá nkachiꞌ re̱ꞌ nu̱u̱nꞌ Abraham: “Jee jie̱ꞌe̱ꞌ tataꞌ ichiyúkúnꞌ kiji ne̱ nu̱u̱nꞌ noꞌó ni̱ꞌi̱nꞌ ñɨvɨ ntáká rá tataꞌ ichiyúkúnꞌ íyó ñɨ̱vɨ́ ya̱ netuꞌ kuvi ráa”, nkachiꞌ Ndiosíꞌ.

Gálatas 3:16

Saájee rá váꞌa nchi̱sóyuꞌú Ndiosíꞌ nu̱u̱nꞌ Abraham jín nu̱u̱nꞌ se̱ꞌya ichiyúkúnꞌ nkene nu̱u̱nꞌ re̱ꞌ. Nu̱u̱nꞌ Tutuꞌ Ííꞌ níso Tu̱ꞌun Ndiosíꞌ ntu káchíꞌ‑i: “jín nu̱u̱nꞌ rá ichiyúkúnꞌ nú”, ya̱ káꞌánꞌ‑a jie̱ꞌe̱ꞌ kéꞌín ñɨvɨ. Chisaꞌ káꞌánꞌ‑a jie̱ꞌe̱ꞌ ɨɨn ni, jee káchíꞌ‑i: “jín nu̱u̱nꞌ Se̱ꞌya ichiyúkúnꞌ nú”, ya̱ kúvi‑i Cristo.

Gálatas 3:8

Chi Tu̱ꞌun Ndiosíꞌ níso nu̱u̱nꞌ Tutuꞌ Ííꞌ, jee ne̱ tióꞌ chíji, nstúꞌva tu̱ꞌun vá ya̱ siíyo Ndiosíꞌ kua̱chi rá ñɨvɨ nta̱ká nación ya̱ kúneí iniꞌ ráa re̱ꞌ sáva ku̱ꞌvayuꞌú re̱ꞌ ya̱ kino̱o na̱a̱ꞌ ráa nu̱u̱nꞌ re̱ꞌ, sú ntu kúvi ráa ñɨvɨ Israel. Chi nste̱kútu̱ꞌún Ndiosíꞌ tu̱ꞌun váꞌa re̱ꞌ ne̱ yanaꞌán víꞌí nu̱u̱nꞌ Abraham, jee nkachiꞌ‑i ya̱: “Kuatíñú ni̱ꞌ noꞌó sáva saꞌá ni̱ꞌ ya̱ netuꞌ kuvi ñɨvɨ nta̱ká nación.”

Efesios 1:3

Jee íyó nákuetúꞌún‑ó Ndiosíꞌ, ya̱ kúvi re̱ꞌ Ndiosíꞌ nu̱u̱nꞌ I̱toꞌoꞌ‑ó Jesús ya̱ kúvi Cristo jee Tátáꞌ Jesús kúvi re̱ꞌ. Nákuetúꞌún‑ó re̱ꞌ chi sáꞌá re̱ꞌ ya̱ netuꞌ kúvi‑ó, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo, chi ntaji re̱ꞌ nu̱u̱nꞌ‑ó ntáká nu̱u̱nꞌ ya̱ váꞌa ya̱ váji ne̱ nu̱u̱nꞌ antivɨ́ ya̱ kino̱o va̱ꞌa iniꞌ ánímaꞌ‑ó.

Apoclipsis 7:4

Jee nteso̱ꞌo ni̱ꞌ na̱ja rá ñɨvɨ ña̱kuneeꞌ seyúꞌ te̱e̱nꞌ ráa. Jee sientúꞌ u̱vi̱xiko ku̱mi̱ꞌ mil (144,000) rá ñɨvɨ ntáká tataꞌ rá se̱ꞌya Israel kúvi ráa.

Apoclipsis 7:9

Jee sáá nkuvi yaꞌá, jee nna̱kune̱ꞌyá ni̱ꞌ, jee niniꞌ ni̱ꞌ kue̱ꞌe̱ꞌ víꞌí rá ñɨvɨ, ya̱ ni ɨɨn ñɨvɨ nsúkua kuneí‑i kaꞌvi‑i ráa. Va̱ji ráa nu̱u̱nꞌ ntáká nu̱u̱nꞌ rá ñɨvɨ, jín nu̱u̱nꞌ ntáká tataꞌ, jín nu̱u̱nꞌ ntáká ñuunꞌ, jín nu̱u̱nꞌ ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa. Jee íñɨ́ ráa yuꞌú teyuꞌ nu̱u̱nꞌ nééꞌ Ndiosíꞌ tátúníꞌ re̱ꞌ, jín nu̱u̱nꞌ maáréꞌ ya̱ kúvi re̱ꞌ Lanchi Lúlí vá. Jee ñúꞌún ráa saꞌma kuíjín, jee ínaꞌá ráa naꞌá yu̱ku̱ñu̱u̱nꞌ.