Génesis 26:4 - Mixteco del suroeste de Tlaxiaco Oaxaca

⁴ Jee saꞌá ni̱ꞌ ya̱ nukueꞌeꞌ víꞌí rá tataꞌ ichiyúkúnꞌ váji nu̱u̱nꞌ nú kuéntáꞌ kue̱ꞌe̱ꞌ rá tiu̱u̱nꞌ íyó súkún, jee ku̱ꞌva ni̱ꞌ kua̱íyó rá ñuꞌun yaꞌá nu̱u̱nꞌ ráa. Jee kuatíñú ni̱ꞌ rá ichiyúkúnꞌ nú sáva kiji ya̱ netuꞌ kuvi ñɨvɨ ntáká rá nación íyó ñɨ̱vɨ́ yaꞌá.

Génesis 26:4 ပူးပေါင်းရင်းမြစ်များ

Génesis 13:16

Jee saꞌá ni̱ꞌ ya̱ nukueꞌeꞌ víꞌí rá se̱ꞌya ichiyúkúnꞌ nú kuéntáꞌ ti̱ka̱cha̱a̱ꞌ íyó nu̱u̱nꞌ ñu̱ꞌún, ya̱ retú kúneí kaꞌvi ɨɨn ñɨvɨ ti̱ka̱cha̱a̱ꞌ íyó nu̱u̱nꞌ ñu̱ꞌún, jee sunisaá kúvi kaꞌvi‑i rá se̱ꞌya ichiyúkúnꞌ nú.

Génesis 15:18

Máá ki̱vɨ̱ꞌ yukuán ñakɨnꞌ I̱toꞌoꞌ‑ó tratúꞌ jín Abram jee nchi̱sóyuꞌú re̱ꞌ nu̱u̱nꞌ Abram: ―Nu̱u̱nꞌ rá se̱ꞌya ichiyúkúnꞌ nú ya̱ váji ichinúúnꞌ ku̱ꞌva ni̱ꞌ ñuꞌun yaꞌá kénta ne̱ ntekáꞌnú naní Egipto jín ne̱ ntekáꞌnú naní Éufrates,

Génesis 15:5

Jee ntavaꞌ Ndiosíꞌ Abram chíkéꞌi jee nkachiꞌ‑i: ―Kune̱ꞌyá súkún, jee kaꞌvi rá tiu̱u̱nꞌ, retuan kuneí kaꞌvi nú ráa jee sukuán koo kue̱ꞌe̱ꞌ rá ichiyúkúnꞌ nú ―nkachiꞌ I̱toꞌoꞌ‑ó nu̱u̱nꞌ re̱ꞌ.

Génesis 18:18

Chi íyó nijia ya̱ Abraham vá kuvi re̱ꞌ tátáꞌ ɨɨn nación máá kúñáꞌnú jín koo fesáꞌ‑a. Jee kuatíñú ni̱ꞌ maáréꞌ sáva saꞌá ni̱ꞌ ya̱ netuꞌ kuvi ntáká rá nación ñɨ̱vɨ́ yaꞌá.

Génesis 26:24

Jee yakuááꞌ ki̱vɨ̱ꞌ yukuán jee ntu̱ví I̱toꞌoꞌ nu̱u̱nꞌ re̱ꞌ jee nkachiꞌ‑i nu̱u̱nꞌ re̱ꞌ: “Maáníꞌ kúvi Ndiosíꞌ néñu̱ꞌun tátáꞌ nú Abraham. Koto yúꞌví nú chi nuꞌuꞌ íyó jín nú, jee saꞌá ni̱ꞌ ya̱ netuꞌ kuvi nú jee saꞌá ni̱ꞌ ya̱ kukueꞌeꞌ rá kiji kuvi ichiyúkúnꞌ nú jie̱ꞌe̱ꞌ ya̱ nchi̱sóyuꞌú ni̱ꞌ nu̱u̱nꞌ musúꞌ ni̱ꞌ Abraham.”

Génesis 28:14

Jee kenta kukueꞌeꞌ nasɨ́kuitɨꞌ ráa kuéntáꞌ ti̱ka̱cha̱a̱ꞌ ñuꞌun, jee kutenuun ráa ne̱ nu̱u̱nꞌ nteñúꞌún káꞌnú nu̱u̱nꞌ táꞌán nka̱niiꞌ, jín ne̱ ichi kénta nka̱niiꞌ, jín ne̱ ichi norte, jín ne̱ ichi sur, jee kuatíñú ni̱ꞌ noꞌó jín rá ñɨvɨ kiji kuvi ichiyúkúnꞌ nú sáva saꞌá ni̱ꞌ ya̱ netuꞌ kuvi rá ñɨvɨ ntáká táꞌán ichiyúkúnꞌ ñɨvɨ ñɨ̱vɨ́ yaꞌá.

Génesis 28:3

’Jee máá Ndiosíꞌ ya̱ níso re̱ꞌ nɨꞌɨ ntántúníꞌ fuersáꞌ ííꞌ jee na̱ ka̱ꞌ saꞌá re̱ꞌ ka̱ꞌ ya̱ váꞌa jín nú jee saꞌá re̱ꞌ ya̱ nataꞌviꞌ víꞌí nú jín ya̱ kukueꞌeꞌ nasɨ́kuitɨꞌ ichiyúkúnꞌ kiji nu̱u̱nꞌ nú, sáva ne̱ nu̱u̱nꞌ noꞌó kene kue̱ꞌe̱ꞌ ñuunꞌ.

Génesis 35:12

Jee ñuꞌun ya̱ njia̱ꞌa ni̱ꞌ nu̱u̱nꞌ Abraham jín nu̱u̱nꞌ Isaac, jee suni táji ni̱ꞌ maa nu̱u̱nꞌ nú, jee suni ku̱ꞌva ni̱ꞌ maa nu̱u̱nꞌ rá ichiyúkúnꞌ nú ―nkachiꞌ Ndiosíꞌ nu̱u̱nꞌ Jacob.

Génesis 47:27

Jee nneeꞌ rá ñɨvɨ Israel ñuꞌun Egipto. Jee yukuán nneeꞌ ráa nu̱u̱nꞌ ñuꞌun sánitɨ́ɨn Gosén. Jee yukuán nni̱ꞌi̱nꞌ ráa ñuꞌun, jee nna̱taꞌviꞌ víꞌí ráa jee nkenta ráa nnu̱kueꞌeꞌ nasɨ́kuitɨꞌ ráa.

Hechos 3:25

Kúvi rán ichiyúkúnꞌ váji nu̱u̱nꞌ rá te̱e vá ya̱ nna̱kani ráa tu̱ꞌun nkene yuꞌú Ndiosíꞌ. Jee suni jie̱ꞌe̱ꞌ rán ví ya̱ ñakɨnꞌ Ndiosíꞌ tratúꞌ jín rá jííꞌ yanaꞌán‑ó, sáá nkachiꞌ re̱ꞌ nu̱u̱nꞌ Abraham: “Jee jie̱ꞌe̱ꞌ tataꞌ ichiyúkúnꞌ kiji ne̱ nu̱u̱nꞌ noꞌó ni̱ꞌi̱nꞌ ñɨvɨ ntáká rá tataꞌ ichiyúkúnꞌ íyó ñɨ̱vɨ́ ya̱ netuꞌ kuvi ráa”, nkachiꞌ Ndiosíꞌ.

Gálatas 3:16

Saájee rá váꞌa nchi̱sóyuꞌú Ndiosíꞌ nu̱u̱nꞌ Abraham jín nu̱u̱nꞌ se̱ꞌya ichiyúkúnꞌ nkene nu̱u̱nꞌ re̱ꞌ. Nu̱u̱nꞌ Tutuꞌ Ííꞌ níso Tu̱ꞌun Ndiosíꞌ ntu káchíꞌ‑i: “jín nu̱u̱nꞌ rá ichiyúkúnꞌ nú”, ya̱ káꞌánꞌ‑a jie̱ꞌe̱ꞌ kéꞌín ñɨvɨ. Chisaꞌ káꞌánꞌ‑a jie̱ꞌe̱ꞌ ɨɨn ni, jee káchíꞌ‑i: “jín nu̱u̱nꞌ Se̱ꞌya ichiyúkúnꞌ nú”, ya̱ kúvi‑i Cristo.

Gálatas 3:8

Chi Tu̱ꞌun Ndiosíꞌ níso nu̱u̱nꞌ Tutuꞌ Ííꞌ, jee ne̱ tióꞌ chíji, nstúꞌva tu̱ꞌun vá ya̱ siíyo Ndiosíꞌ kua̱chi rá ñɨvɨ nta̱ká nación ya̱ kúneí iniꞌ ráa re̱ꞌ sáva ku̱ꞌvayuꞌú re̱ꞌ ya̱ kino̱o na̱a̱ꞌ ráa nu̱u̱nꞌ re̱ꞌ, sú ntu kúvi ráa ñɨvɨ Israel. Chi nste̱kútu̱ꞌún Ndiosíꞌ tu̱ꞌun váꞌa re̱ꞌ ne̱ yanaꞌán víꞌí nu̱u̱nꞌ Abraham, jee nkachiꞌ‑i ya̱: “Kuatíñú ni̱ꞌ noꞌó sáva saꞌá ni̱ꞌ ya̱ netuꞌ kuvi ñɨvɨ nta̱ká nación.”

Hebreos 11:2

Chi jie̱ꞌe̱ꞌ ya̱ nínuꞌ iniꞌ rá jííꞌ‑ó yanaꞌán nku̱neí iniꞌ ráa Ndiosíꞌ jee saáva nna̱kuetúꞌún Ndiosíꞌ jie̱ꞌe̱ꞌ ráa.