Génesis 26:27 - Mixteco del suroeste de Tlaxiaco Oaxaca

²⁷ Jee nkachiꞌ Isaac nu̱u̱nꞌ ráa: ―¿Na̱ kuvi chi va̱ji rán nu̱u̱nꞌ nuꞌuꞌ?, chi táꞌvi iniꞌ rán néꞌyá rán nuꞌuꞌ, jee ntavaꞌ rán nuꞌuꞌ nteñu rán ―nkachiꞌ Isaac nu̱u̱nꞌ ráa.

Génesis 26:27 ပူးပေါင်းရင်းမြစ်များ

Génesis 26:14

Jee ni̱yo kue̱ꞌe̱ꞌ nasɨ́kuitɨꞌ rá sa̱na̱ꞌ líꞌí re̱ꞌ, jín rá xi̱ni̱kɨ̱ꞌ re̱ꞌ, jín rá musúꞌ jiátíñú saɨn re̱ꞌ. Jee rá ñɨvɨ ñuunꞌ filisteo vá ñúꞌún u̱ꞌvi̱ꞌ iniꞌ ráa nne̱ꞌyá ráa re̱ꞌ.

Génesis 26:16

Jee nkachiꞌ Abimelec nu̱u̱nꞌ Isaac: ―Kuiyo kuáꞌán nu̱u̱nꞌ ráníꞌ chi tiɨ́kɨ́ víꞌí nú ka̱ꞌ nsú káꞌ ránuꞌuꞌ ―nkachiꞌ Abimelec.

Génesis 26:28

Jee nna̱xiníkó ráa: ―Jíníꞌ kájí ránꞌ ya̱ I̱toꞌoꞌ íyó jín nú, jee nkaꞌvi iniꞌ ránꞌ ya̱ saꞌá náaꞌ‑ó nu̱u̱nꞌ tu̱ꞌun káꞌánꞌ‑ó jín ɨɨn inka‑ó, ránuꞌuꞌ jín noꞌó, jee saꞌá ránꞌ ɨɨn tratúꞌ jín noꞌó, ya̱ káchíꞌ‑ó

Hechos 7:14

Jee nta̱jí José rá ñaniꞌ re̱ꞌ kana ráa tááꞌ ráa, Jacobo, kiji‑i nu̱u̱nꞌ re̱ꞌ jín nɨꞌɨ táꞌán‑a, ya̱ níyo u̱ni̱xiko xa̱ꞌu̱nꞌ (75) ñɨvɨ.

Hechos 7:27

’Soo te̱e sáꞌá kini táꞌán vá, nchi̱naꞌá re̱ꞌ Moisés jee nkachiꞌ re̱ꞌ: “¿Né ɨɨn ñani nó kúvi nú te̱e tátúníꞌ nú nu̱u̱nꞌ ráníꞌ, jín kuéntáꞌ juez jiéꞌnéꞌ nú kua̱chi nu̱u̱nꞌ ránꞌ, résa?

Hechos 7:35

―Maá Moisés yaꞌá ví ya̱ nku̱ichi iniꞌ rá jííꞌ‑ó yanaꞌán, jee nkachiꞌ ráa: “¿Né ɨɨn ñani nó ya̱ kúvi nú te̱e tátúníꞌ nu̱u̱nꞌ ránꞌ, jín kuéntáꞌ juez jiéꞌnéꞌ nú kua̱chi nu̱u̱nꞌ ránꞌ, résa?”, nkachiꞌ ráa. Te̱e vá, nta̱jí Ndiosíꞌ re̱ꞌ, sáva kuvi re̱ꞌ maá te̱e ya̱ tatúníꞌ re̱ꞌ nu̱u̱nꞌ ráa jín ya̱ sikáku re̱ꞌ ráa nakui̱ñɨ̱ꞌ núne ráa. Jee nchi̱neí najiáꞌáꞌ ííꞌ Ndiosíꞌ re̱ꞌ, ya̱ ntúvi nu̱u̱nꞌ re̱ꞌ nteñu tu̱yukúꞌ iñu ya̱ káyúꞌ.

Hechos 7:9

’Jee rá tátáꞌ nu̱u̱nꞌ‑ó vá, nta̱ꞌvi̱ꞌ iniꞌ ráa nne̱ꞌyá ráa ñaniꞌ ráa, José. Jee nxi̱kó ráa maa nu̱u̱nꞌ rá ñɨvɨ, ya̱ ña̱na̱ka ráa re̱ꞌ nu̱u̱nꞌ nación Egipto, sáva xi̱kó ráa re̱ꞌ sáva kuvi re̱ꞌ musúꞌ keꞌen rá ñɨvɨ yukuán. Soo ni̱ñɨ Ndiosíꞌ jín re̱ꞌ

Apoclipsis 3:9

Soo kune̱ꞌyá, rá ñɨvɨ kútútú ráa veꞌi sinagoga ñɨvɨ Israel ya̱ yɨ́ꞌɨ́ ráa xi̱ntíín Satanás jee káchíꞌ ráa ya̱ ñɨvɨ ñuunꞌ Israel kúvi ráa ya̱ ñɨvɨ Ndiosíꞌ kúvi ráa, soo ntu̱ví, chisaꞌ kátúꞌún ráa, jee saꞌá ni̱ꞌ ya̱ kenta ráa nu̱u̱nꞌ rán, jee nakui̱ñɨ̱ꞌ ítɨ́ ráa nu̱u̱nꞌ rán saꞌá ni̱ꞌ, sáva kuniꞌ va̱ꞌa ráa ya̱ ñúnúunꞌ nijia ni̱ꞌ ránoꞌó.