Génesis 23:16 - Mixteco del suroeste de Tlaxiaco Oaxaca

¹⁶ Jee ntɨɨn kuéntáꞌ Abraham ya̱ nkachiꞌ Efrón jee nchu̱ku̱ꞌva re̱ꞌ ku̱mi̱ꞌ sientúꞌ (400) xu̱ꞌún ka̱a plata sánikua̱ꞌ nkachiꞌ Efrón ichinúúnꞌ ntáká rá ñɨvɨ ya̱ kúvi rá se̱ꞌya ichiyúkúnꞌ Het, jee nchu̱náán re̱ꞌ maa nu̱u̱nꞌ Efrón. Nchu̱ku̱ꞌva re̱ꞌ maa sánikua̱ꞌ sáꞌá rá te̱e xíkó nantíñú.

Génesis 23:16 ပူးပေါင်းရင်းမြစ်များ

Génesis 23:15

―Tátáꞌ ni̱ꞌ, teso̱ꞌo nú xá ya̱ kachiꞌ ni̱ꞌ nu̱u̱nꞌ nú, ñuꞌun vá yɨ́yáꞌvi‑i ku̱mi̱ꞌ sientúꞌ (400) xu̱ꞌún ka̱a kuíjín plata, soo ntu̱ví ne̱ íyó kaꞌanꞌ‑ó jie̱ꞌe̱ꞌ xu̱ꞌún. Kɨ̱se̱ꞌí nú ñunéꞌyúꞌ níꞌiꞌ ñasɨ́ꞌɨ́ nú ―nkachiꞌ Efrón nu̱u̱nꞌ Abraham.

Génesis 43:21

soo sáá nkenta ránꞌ nu̱u̱nꞌ kino̱o ránꞌ kusuꞌ ránꞌ yakuááꞌ, jee nnine ránꞌ rá kuxtáꞌ ránꞌ, jee niniꞌ ránꞌ nɨꞌɨ xu̱ꞌún ta ɨɨn ránꞌ ñúꞌún‑u yuꞌú kuxtáꞌ ta ɨɨn ráníꞌ jee vitan jee va̱ji ránꞌ jín‑i sáva naxiníkó ránꞌ maa.

Génesis 49:29

Jee nta̱túníꞌ Israel (Jacob) nu̱u̱nꞌ rá se̱ꞌya re̱ꞌ jín rá tu̱ꞌun yaꞌá ya̱ nkachiꞌ re̱ꞌ: ―Ki̱vɨ̱ꞌ káꞌvi ni jee kuviꞌ ni̱ꞌ jee nakeꞌen Ndiosíꞌ ánímaꞌ ni̱ꞌ nutútú ni̱ꞌ ichi kútú jín rá ánímaꞌ rá tátáꞌ jííꞌ ni̱ꞌ yanaꞌán. Jee se̱ꞌí rán nuꞌuꞌ xiín nu̱u̱nꞌ káá rá jííꞌ ni̱ꞌ yanaꞌán iniꞌ yaviꞌ kava ya̱ káá nu̱u̱nꞌ ñuꞌun te̱e naní Efrón ya̱ kúvi te̱e hitita.

Génesis 50:13

Chi kua̱ꞌa̱nꞌ ráa jín ñunéꞌyúꞌ níꞌiꞌ tátáꞌ ráa nu̱u̱nꞌ ñuꞌun Canaán jee nse̱ꞌí ráa maa iniꞌ yaviꞌ kava nu̱u̱nꞌ ñuꞌun naní Macpela, ya̱ nkeꞌen Abraham nu̱u̱nꞌ Efrón, ya̱ kuvi te̱e hitita, sáva kuvi‑i ñuꞌun re̱ꞌ sáva kúvi‑i veꞌi níyɨ re̱ꞌ, jee ñuꞌun yaꞌá jín yaviꞌ kava vá káá ichinúúnꞌ ñuunꞌ Mamré.

Mateo 7:12

Jee saáva ntáká sánikua̱ꞌ kuíni rán ya̱ saꞌá ñɨvɨ jín ránoꞌó jee suni sukuán saꞌá rán jín ráa, chi sukuán xínéꞌénꞌ tu̱ꞌun ley nta̱túníꞌ Ndiosíꞌ ya̱ ntee Moisés jín suni rá tu̱ꞌun ya̱ nna̱kani rá te̱e nna̱kani tu̱ꞌun nkene yuꞌú máá maá Ndiosíꞌ yanaꞌán.

Hechos 7:16

Jee ña̱na̱ka rá ñɨvɨ rá ñunéꞌyúꞌ ráa nu̱u̱nꞌ ñuunꞌ Siquem. Jee nse̱ꞌí ráa rává iniꞌ yaviꞌ kava, ya̱ nkeꞌen Abraham nu̱u̱nꞌ rá se̱ꞌya yɨ́ɨ́ Hamor ñuunꞌ Siquem. Jee ni̱yotúníꞌ ɨɨn ya̱ꞌvi nchu̱náán re̱ꞌ.

Romanos 13:8

Koto na̱ kútaya̱ꞌvi rán nu̱u̱nꞌ ni ɨɨn ñɨvɨ, chisaꞌ íyó jie̱ꞌe̱ꞌ ya̱ táyáꞌvi rán ya̱ íyó kunu̱u̱nꞌ rán ɨɨn inka táꞌán rán ya̱ sukuáni íyó chunáán rán maa. Chi ñɨvɨ ya̱ ñúnúunꞌ‑u táꞌán‑a, jee ya̱ nsi̱kúnkuvi‑i ya̱ tátúníꞌ ley Ndiosíꞌ.

Filipenses 4:8

Jee nu̱u̱nꞌ nɨ́ꞌɨ ka̱ꞌ kachiꞌ ni̱ꞌ ka̱ꞌ nu̱u̱nꞌ rán, ránoꞌó ñaniꞌ jín ku̱ꞌva. Kuꞌun iniꞌ rán jie̱ꞌe̱ꞌ nta̱ká tu̱ꞌun na̱a̱ꞌ, jín jie̱ꞌe̱ꞌ nta̱ká tiñu ya̱ íyó ñáꞌnú, jín jie̱ꞌe̱ꞌ nta̱ká tiñu ya̱ íyó na̱a̱ꞌ, jín jie̱ꞌe̱ꞌ nta̱ká tiñu ya̱ íyó ninuꞌun, jín jie̱ꞌe̱ꞌ nta̱ká tiñu ya̱ sáꞌá ya̱ níní viiꞌ kuvi iniꞌ ñɨvɨ, jín jie̱ꞌe̱ꞌ nta̱ká tiñu ya̱ sáꞌá ñáꞌnú ñɨvɨ nu̱u̱nꞌ‑u. Retú íyó tiñu ya̱ íyó váꞌa, jee retú íyó tiñu ya̱ íyó níꞌínꞌ‑i ya̱ nakuetúꞌún ñɨvɨ jie̱ꞌe̱ꞌ‑e, kuꞌun iniꞌ rán maa.

1 Tesalonicenses 4:6

Jee koto jiáꞌa sáꞌá ni ɨɨn ránú nu̱u̱nꞌ ɨɨn ñaniꞌ nú jie̱ꞌe̱ꞌ vá. Jee koto xínáꞌví nú re̱ꞌ jie̱ꞌe̱ꞌ vá. Chi náchunáán I̱toꞌoꞌ‑ó xínóꞌo re̱ꞌ ñɨvɨ jie̱ꞌe̱ꞌ nta̱ká kua̱chi yaꞌá, sánikua̱ꞌ ya nstúꞌva ránꞌ nu̱u̱nꞌ ránoꞌó. Ya nstúvi na̱a̱ꞌ ránꞌ maa nu̱u̱nꞌ ránoꞌó.