Génesis 19:5 - Mixteco del suroeste de Tlaxiaco Oaxaca

⁵ Jee nka̱najíín ráa xi̱ni̱ꞌ Lot jee nkachiꞌ ráa: ―¿Né núꞌ íyó rá te̱e ntiaaꞌ nu̱u̱nꞌ nú yakuááꞌ vitan? ¡Tavaꞌ ráa!, sáva tɨɨn xe̱e̱nꞌ ránꞌ ráa ―nkachiꞌ ráa.

Génesis 19:5 ပူးပေါင်းရင်းမြစ်များ

Génesis 19:6

Saájee nkene Lot yuvéꞌí nu̱u̱nꞌ ráa, jee nna̱kasɨꞌ re̱ꞌ yuvéꞌí ya̱ta̱ꞌ re̱ꞌ.

1 Corintios 6:9

¿Á ntu̱ví jíníꞌ rán ya̱ rá ñɨvɨ ya̱ ntu̱ví kínóo na̱a̱ꞌ ráa nu̱u̱nꞌ Ndiosíꞌ, jee nsáꞌ ni̱ꞌi̱nꞌ ráa ta̱ꞌvi̱ꞌ ya̱ ki̱vɨ ráa xi̱ntíín Ndiosíꞌ tátúníꞌ re̱ꞌ nu̱u̱nꞌ ráa rúja? Jee koto xínáꞌví rán maárán, chi ni rá ñɨvɨ ya̱ kúsíkɨ́ iniꞌ ráa jín tiñu téní jín inka ñɨvɨ ya̱ ntu̱ví ntánáꞌá jín ráa, ni rá ñɨvɨ ya̱ néñu̱ꞌun ráa rá nantíñú ya̱ nsú Ndiosíꞌ tékúꞌ ví‑i, ni rá ñɨvɨ sáꞌá téní, ni rá te̱e xíkó ráa maáráa kúsíkɨ́ ráa jín rá táꞌán te̱e ráa, ni rá ñɨvɨ ya̱ kívɨ ráa ñujiínꞌ xeꞌne,

1 Timoteo 1:10

jín nu̱u̱nꞌ ñɨvɨ kúsíkɨ́ jín inka ñɨvɨ ya̱ ntu kúvi ñasɨ́ꞌɨ́ re̱ꞌ áxí ntu kúvi yɨɨ́ ña, jín nu̱u̱nꞌ rá ñɨvɨ kívɨ ráa ñujiínꞌ xeꞌne, jín nu̱u̱nꞌ ñɨvɨ sákuíꞌná ráa ñɨvɨ, jín nu̱u̱nꞌ ñɨvɨ túꞌún, jín nu̱u̱nꞌ ñɨvɨ sánáaꞌ ráa nu̱u̱nꞌ tu̱ꞌun káꞌánꞌ ráa jín tu̱ntúꞌún nu̱u̱nꞌ ñɨvɨ, jín nu̱u̱nꞌ ñɨvɨ ya̱ sáꞌá néni ɨɨn tiñu, ya̱ íyó sɨ́ɨ́n nu̱u̱nꞌ tu̱ꞌun jíníꞌ‑ó ya̱ tu̱ꞌun na̱a̱ꞌ ví ya̱ káꞌánꞌ‑a

2 Timoteo 3:13

Soo rá ñɨvɨ kánéꞌén ya̱ xínáꞌví ráa ñɨvɨ saꞌ víꞌí káꞌ saꞌá ráa rá mánasɨ́ nijia ka̱ꞌ. Jee xináꞌví ráa rá ñɨvɨ, jee suni xináꞌví ñɨvɨ ráa.

2 Pedro 2:2

Jee kue̱ꞌe̱ꞌ ñɨvɨ kunikɨnꞌ ichi kánéꞌí ya̱ xinéꞌénꞌ ráa. Jee jie̱ꞌe̱ꞌ ráa jee kaꞌanꞌ niváꞌa ñɨvɨ jie̱ꞌe̱ꞌ ichi ya̱ níkɨ́nꞌ‑ó ya̱ kúvi ya̱ nááꞌ.

2 Pedro 2:7

Soo nsi̱káku re̱ꞌ te̱e naní Lot, chi nkuvi‑i ɨɨn te̱e na̱a̱ꞌ, jee nnu̱kuíꞌyáꞌ iniꞌ‑i nne̱ꞌyá‑a rá tiñu kánéꞌí ya̱ nsa̱ꞌá rá ñɨvɨ rá ñuunꞌ vá.

Judas 1:7

Jee suni sukuán nnoꞌo rá ñuunꞌ Sodoma jín Gomorra jín rá ñuunꞌ káá ni̱kótíyu rá ñuunꞌ yukuán. Chi rá ñɨvɨ rá ñuunꞌ yukuán, nsa̱ꞌá téní ráa jee nki̱vɨ ráa ñujiínꞌ xeꞌne. Jee yukuán nsa̱ꞌá Ndiosíꞌ ya̱ kuvi ráa ɨɨn ichi ya̱ stúꞌva re̱ꞌ nu̱u̱nꞌ rá ñɨvɨ ya̱ jíka ráa ichi niva̱ꞌa ya̱ ntu íyó sáni kuíni Ndiosíꞌ ya̱ suni sukuán kunoꞌo ráa nu̱u̱nꞌ ñuꞌúnꞌ xéénꞌ nɨ́ɨ́nkání.